Rôm 4:14 - Kálara Zyɛ̌m Edwán é mpʉ̌n

¹⁴ Nkʉ bʉr, bé be ó be, be e nkul ebi si tiila, jala e nkɔb wɔɔ ebe mbi bé lé edu motie nɛʼɛ, mpa buʼo ga yina, yé abe e nyɔm é guu paʼ. Mpa nkɛʼ Zyɛm a liʼe bɨna ga e wa ɛ, nyi dwè ntuʼ.

Kálar Nzyɛ̌m : Ejwán é Sáá

¹⁴ Yé bé bʉr o dí enʉǎ sí yaá, jala e nkɔb líʼe nyɔ́ɔ́ bá, bé á dweŋɔɔ yé ó, ɨ́ lɔ̌b mbaʼlá métié wɔ́ɔ́ nó, lɛ́ɛ́, búʼó gá yɨ́ná, yé mû ó dwêh. Le ntémé ó, nkɛ̌ʼ Nzyɛ̌m á dwe mɨná gá nyɨ́, nyé akǎ jala le egbáŋɔɔ ɨ́ nkɔb.

Rôm 4:14 ပူးပေါင်းရင်းမြစ်များ

Filipi 3:9

Me egwɨm ó, Zyɛm beŋɨ njɨ ó, me ó é zyɛŋa wih boo nɔɔ. Me agwɨm bi mokebe é mih me ebe mbi me lé edu motie e. Me egwɨm ó, nye dweʼ me mokebe ebe taa buʼo me lé ejyɛʼ boo Krɨst ɨ.

Ebrœ̂ 7:28

Motie mo Zyɛm, mé a kʉ cyel é dia njwɨɨ opara ó, bʉr o b'a be é cyɛʼ ɛ. No ó, pie motie maa, Zyɛm ze de mɨnkɛla, nye mʉr tɨʼ ze cyel Mwan we é dia njwɨɨ opara. Mwan we ó b'a kumo é l'ombɨmbɨa é mɨpaʼ mimyɛh, ó nye sea nye syɛɛ opara yaa njʉmdia e njʉmdia.

Ebrœ̂ 7:19

(Ebe, motie mo efoʼ maa, mé a baabe e nkul esa ó, mʉr kuma é l'ombɨmbɨa é mɨpaʼ mimyɛh.) No ó, sa lé elaa motie maa ɛ, yi pyal! Yé ó mbɛla ndɨ bɨna ga é mɨleme e. Wé ó ndɨ esa ó, bɨna dihla ga kunokuno e Zyɛm.

Galásia 2:21

Me abe e nkul epyeh ncwɨncwɨa mo Zyɛm. Yé be ó, mʉr fih mʉr kɛ̀l, nyi pʉʼa é nkar, sɔba é feerɨ ebe mbi nye lé edu motie nɛʼɛ, lɛɛ ó, Yesʉs-Krɨst a kʉ dwè ó, mbɛh!»

Rôm 4:16

Ebe no ó Zyɛm a dwe Abraham bé e l'onta be, tiʼ molu mo mpoʼ mɨmɛh ebe taa buʼo bé a jyɛʼ boo nye e. Tiʼ molu mo mpoʼ mɨmɛh Zyɛm a kɛʼ bɨna ga ɛ, yé ó sa lé elɛʼle ncwɨncwɨa we e. Nkɛʼ waa, wé ó sa ebuʼlɔ é paʼ bʉr o mpoŋbʉr mo Abraham bɨbɛh. Yé a baadwɛʼ njɨ mʉr a du motie e. Yé a dwɛʼ nteme ó, mʉr a be e buʼo gwar mo Abraham ɨ. Yé ó, ebe, Abraham, nye ó sɔŋ ga wina, bɨna ga bɨbɛh.

Rôm 3:31

É jɔʼ bɨh lé elɛɛ lɔɔ buʼo ga yina ɛ, zê bɨh bé lé egbɛɛ motie ɛ? Hɨʼɨ, yé abe ba no. Bɨh bé elɨl motie maa ó, lɨl lɨlɨ.

Galásia 5:4

Bɨn, bʉr o ndɨ elɛɛ ó, bɨn bé óbi mokebe é mih mo Zyɛm ebe mbaʼla motie win, bɨn bɨ bɔʼa e Krɨst. Zyɛm, nye aŋa ka sʉ bɨn bɛɛ mocyɛʼ mo mpom me.

1 Korɛnt 1:13

Zê Krɨst mu ó monkɔb monkɔb ɛ? Zê mɛm Pol ó b'a cyèlɔ é klos kʉ lé ejala e bɨn ɛ? Zê bɨn bé a nʉa ndubo ó, é die lam ɛ?