Rôm 4:13 - Kálara Zyɛ̌m Edwán é mpʉ̌n

¹³ Zyɛm a kɛʼ Abraham bé e l'onta be ó, nye ódwe be si nwaʼ nyiwɛh, jala e nkɔb wɔɔ. Nye a baalɛɛ no ebe mbi Abraham a du motie me e. Nye a liʼe be e boo nɔɔ e nkɛʼ waa ó, ebe mokebe nye a láa ó, Abraham mu e me, maa nye a bi ebe taa buʼo nye a jyɛʼ boo Zyɛm ɨ.

Kálar Nzyɛ̌m : Ejwán é Sáá

¹³ Nzyɛ̌m á kɛʼ Abraham, bé le onta bé ó, nye ódwe bé sí yɨ́yɛ̂h, jala e nkɔb líʼe nyɔ́ɔ́. Nzyɛ̌m á bé alɛ́ɛ nó ɨ́ lɔ̌b mbaʼlá Abraham á baʼle metié wɨ́. Nye á kɛʼ bé sí yaá ó, duho lɨ́ otîtyěl nyé á pa dwe Abraham wɨ́. Otîtyěl waá wɨ́ɛ, wé á kʉ be ó, ɨ́ búʼó yé.

Rôm 4:13 ပူးပေါင်းရင်းမြစ်များ

Galásia 3:29

Yé be ó, bɨn bé ó baa mo Krɨst nɛʼɛ, lɛɛ ó, bɨn nteme bé ó bwa onta mo Abraham. Bɨn nteme ó ngo bi ga monkɛʼ mo Zyɛm, jala e monkɔb mɨn.

Rôm 9:8

No, yé ó, é bim bwan Abraham a bya ɛ, ntʉʼ bɨbɛh ndɨ bwan mo Zyɛm. Zyɛm a láa ó, bʉr o mpoŋbʉr we, bé ó baa bé a byɛl, du mpʉ nye a kɛʼ Abraham ɨ.

Mɨlʉmlʉ 13:32

Bɨh bʉr o tɨʼ mu ó lé elɛɛ bɨn Mbɨambɨa Lɔɔ. Wé ó nɛɛ: sa Zyɛm a kɛʼ bɨmpam ga bina ɛ,

Rôm 4:12

Nye nteme óbe ó sɔŋ é l'efu e bʉr o ndɨ ejyɛʼ taa buʼo yɔɔ boo Zyɛm é jɔʼ bé ndɨ si saŋɔ mpʉn ɨ. Bé abe lé esaŋɔ mpʉn nye ome. Bé ó baa ndɨ esaŋɔ mpʉn ndwe le ekœʼ ebò e cyen mo Abraham, laa nye a kœʼ, nye l'apa saŋɔ mpʉn ɨ.

Ebrœ̂ 7:6

To kœb ó, Mɛlkisedɛk a baabe mʉr eveh mo Levi! Dam be no, nye a be ó si sa ó, Abraham dweʼ nye nkɔb ewʉm. Mɛlkisedɛk ntɔʼ syɛɛ Abraham mocyeele, nyɛɛ mʉr a bi monkɛʼ mo Zyɛm ɨ.

Ebrœ̂ 11:7

É zi buʼo, Noe a si joʼo é jɔʼ Zyɛm a bal nye é lɔb sa yé a be ó, yé ósyɛɛlɨ ɨ. Nye l'apa bee ye e dih, nye a be ó si nʉa lwib mo Zyɛm yaa, gba é nkɔb, ntɔʼ kpaʼ byɛl, du mpʉ Zyɛm a tɨe nye ó, nye saʼ ɛ. Nye ze ni tɨ, bé e mbɛr bʉr we, bɨbɛh ntɔʼ tiʼe. É mbi waa ó nye a dwe bʉʉ bʉr mobe e, nyɛɛ ntɔʼ bi mokebe é mih mo Zyɛm, maa lé eduho é buʼo e.