Rôm 4:11 - Kálara Zyɛ̌m Edwán é mpʉ̌n11 Sɛa mpʉn, wé a cyelɔ é nko paʼ mo Abraham ó, mpʉ dweʼle. Wé a be ó dweʼle, sa lé elɛʼle ó, nye a be ó si bi mokebe ebe taa buʼo nye a jyɛʼ boo Zyɛm ɨ, nye l'apa saŋɔ mpʉn. Zyɛm a dwe nye mokebe no ó, nye nkʉʼ be sɔŋ é l'efu e bʉr bɨbɛh ndɨ ejyɛʼ taa buʼo yɔɔ boo nye, baa l'apa saŋɔ mpʉn ɨ. Nye enʉa be e boo nɔɔ mpʉ ocɨcyel o bʉr. အခန်းကိုကြည့်ပါ။Kálar Nzyɛ̌m : Ejwán é Sáá11 Tíʼá mpʉ́n, wé á tyélɔɔ ɨ́ páʼ mé Abraham ó, mpʉ̌ mveʼle. Wé lɨ́lɛ́ʼlé mɨ́ná gá ó, nye á si dyɛ̂ʼwo e Nzyɛ̌m, ntɔ̂ʼ bi nkâm ɨ́ míh mé Nzyɛ̌m, nye dína apǎ tíʼɔɔ mpʉ́n. Abraham ntɔ̂ʼ kǎ sûʼla sɔ́ŋ bʉr bɨ́bɛ̂h dí edyɛ̂ʼwo e Nzyɛ̌m, baá dí abě tíʼá mpʉ́n bá. Nzyɛ̌m, nye lɨ́ ebeě mpʉ bé dí ebúʼla nyé yɨ́, ntɔ̂ʼ láa ó, bé ó otîtyěl o bʉ̂r. အခန်းကိုကြည့်ပါ။ |
Rôm 4:11
46 ပူးပေါင်းရင်းမြစ်များ
É zi buʼo, Noe a si joʼo é jɔʼ Zyɛm a bal nye é lɔb sa yé a be ó, yé ósyɛɛlɨ ɨ. Nye l'apa bee ye e dih, nye a be ó si nʉa lwib mo Zyɛm yaa, gba é nkɔb, ntɔʼ kpaʼ byɛl, du mpʉ Zyɛm a tɨe nye ó, nye saʼ ɛ. Nye ze ni tɨ, bé e mbɛr bʉr we, bɨbɛh ntɔʼ tiʼe. É mbi waa ó nye a dwe bʉʉ bʉr mobe e, nyɛɛ ntɔʼ bi mokebe é mih mo Zyɛm, maa lé eduho é buʼo e.
É zyɛŋa win boo Krɨst, bɨn bɨ ŋmɛhɔ sitam mo Zyɛm é monyʉl, duho é jɔʼ bɨn bé a jyɛʼ taa buʼo yin boo Krɨst ɨ, ndwe é jɔʼ bɨn bé a joʼo Mbɨambɨa Lɔɔ, ndɨ cyecye e, bɨn ntɔʼ buʼla we. Wé ó lɔɔ ndɨ edwe bɨn tiʼ molu mo mpoʼ mɨmɛh ɛ. Sitam Zyɛm a ŋmɛh bɨn ɨ, yé ó Mbɨambɨa Sisim nye a ntɨh bɨn, waa nye a kɛʼ bʉr be, duho mya ɛ.
To kœb ó, yé ó e zi ebi mokebe mofih é mih mo Zyɛm. Bʉr o ndɨ ejyɛʼ taa buʼo yɔɔ boo nye e, bé ó ndɨ ecwɨɨ tɨ, ntɔʼ bi mokebe maa, é mpʉ yé ndɨ tila ɛ. Bé a tile é Kalara Zyɛm ó: «Adî é leme go tʉŋlʉ ó: “Zé óto é jobo kʉ?”» (No yé elɛɛ ó: mʉr ayi pahle ó, nuu mʉr óto é jobo kʉ, lé eto baŋle Krɨst, ó nye fula.)
ကြော်ငြာတွေ