Rôm 4:1 - Kálara Zyɛ̌m Edwán é mpʉ̌n

¹ É paʼ mobyɛl ga mɨna, bɨna ga bé ó e sɔŋ mpam, Abraham. É mpʉ yé ndɨ no e, bɨna kaʼ lɛɛ ga é yé, tiibe e sa nye a bi ɨ?

Kálar Nzyɛ̌m : Ejwán é Sáá

¹ Ɨ́ nkǒ páʼ mébyɛ́l gá mɨ́ná, mɨná gá bé e sɔ́ŋ mpám Abraham. Mpʉ yé dí nó yɨ́, mɨná bé ókǎ lɛ́ɛ gá nyá, dumo e né?

Rôm 4:1 ပူးပေါင်းရင်းမြစ်များ

Rôm 4:16

Ebe no ó Zyɛm a dwe Abraham bé e l'onta be, tiʼ molu mo mpoʼ mɨmɛh ebe taa buʼo bé a jyɛʼ boo nye e. Tiʼ molu mo mpoʼ mɨmɛh Zyɛm a kɛʼ bɨna ga ɛ, yé ó sa lé elɛʼle ncwɨncwɨa we e. Nkɛʼ waa, wé ó sa ebuʼlɔ é paʼ bʉr o mpoŋbʉr mo Abraham bɨbɛh. Yé a baadwɛʼ njɨ mʉr a du motie e. Yé a dwɛʼ nteme ó, mʉr a be e buʼo gwar mo Abraham ɨ. Yé ó, ebe, Abraham, nye ó sɔŋ ga wina, bɨna ga bɨbɛh.

2 Korɛnt 11:22

Zê bé ó bɨmpɛh bɨ Ebrœ ɛ? Me nteme, me ó ye! Zê bé ó bɨmpɛh bɨ Ɨzraɛl ɛ? Me nteme, me ó ye! Zê bé ó mpoŋbʉr mo Abraham ɛ? Me nteme, me ó mʉr tɨ!

Mɨlʉmlʉ 13:26

«Obɨɔ ga bam ɔɔ! Bɨn mpoŋbʉr mo Abraham ɔɔ! Bʉr o ndɨ edwaabe Zyɛm ba ɔɔ! Bɨna ga ó b'a cenɔ mpaŋla é lɔb tiʼ Zyɛm mu lé edwe bʉr ɨ.

Yʉanes 8:56

Sɔŋ win Abraham a be ó si soho lé ejoʼo ó, nye óbee dobo epyal lam. Nye a si bana bee le, nye kʉ ze soho.»

Rôm 7:7

Yé be no nɛʼɛ, bɨna bé ólɛɛ ga é yé? Zê motie mo Moyiz, mé ó sa lé esa ó, mʉr saʼ syem ɨ? Hɨʼɨ, yé abe ba no! Me abe e nkul egʉa sa ndɨ «syem» ɨ, nkʉ yé abe é zi motie maa. Nkʉ motie, mé a be ó be, alɛɛ ó: «Acen mih é sa yoonkan, nkʉ gwɨm ye» nɛʼɛ, mpa me agʉa lɔb esa bɨgwɨma.

Mataos 3:9

Adɨ lɛɛla ga paʼra win ó: “Bɨna ga bé e sɔŋ ó Abraham,” ebe, me elɛɛ bɨn cyecye ó nɛɛ: Zyɛm óbɛm liŋ mokoʼ maʼ bwan mo Abraham.

Rôm 8:31

Yé be no nɛʼɛ, bɨna kaʼ lɛɛ ga é yé? ǃƗ Zyɛm be é nkɔm ga wina nɛʼɛ, wáa mʉr ócyɛb bɨna ga é nkɔm nkɔm-nkɛɛ e?

Yʉanes 8:53

Sɔŋ wih Abraham a si dwè. Zê go lé ebuʼla ó, go ó waa ndɨ elaa nye e? Ogwiha o mɨlɔb nteme si dwè. Gwɔɔ, go zé?»

Yʉanes 8:33

Bé e nye ó: «Bɨh bé ó mpoŋbʉr mo Abraham. No ó, bɨh bé apa di molʉa mo bʉr. Wáa mbi zi go ndɨ e nkul elɛɛ e bɨh ó, bɨh bé ófuʼla di é dia otî ɨ?»

Lʉkas 3:8

Guma ga mɨmpaŋ mɨ mpumo lé ejala e bʉr mu si gwɨma mobebe mɔɔ, dwir mɨleme e. Ataare ga lé elɛɛla paʼra win ó: “Bɨna ga bé e sɔŋ ó, Abraham,” ebe, me elɛɛ bɨn cyecye ó nɛɛ: Zyɛm óbɛm liŋ mokoʼ maʼ bwan mo Abraham.

Ebrœ̂ 12:9

Yé e yʉʉ sɔʼɔ: osɔŋ ga bɨna, bé a bya bɨna ɛ, é jɔʼ bé lé eturo bɨna ga mɨlʉ ɨ, bɨna bé ebula dwaabe ga be tɨ. No ó, Sɔŋ ga wina lé edwɛʼ mɨsisim ga mina ɛ, ǃnye si turo bɨna ga nteme mɨlʉ nɛʼɛ, zê bɨna bé ajala le efil ga monyʉl si e nye ɛ? ǃBɨna si sa ga no nɛʼɛ, lɛɛ ó, bɨna bé óbi ga tiʼ molu mo mpoʼ mɨmɛh.

Rôm 6:1

Yé be no nɛʼɛ, bɨna kaʼ lɛɛ ga é yé? Zê bɨna toʼ ga dolo lé esa ga mɨsyem é l'efu ó, Zyɛm lɛʼla bɨna ga mpwaʼ ncwɨncwɨa we ɛ?

Rôm 1:3

Mbɨambɨa Lɔɔ waa, wé etiibe ó e Mwan we. É nko paʼ mbyɛla we, nye a be ó mʉr mpoŋbʉr mo David.

Rôm 3:5

Nuu mʉr óbɛm lɛɛ ó: «Bɨsyɛɛla bɨ ozyɛhozyɛh ga bɨna, byé egul Zyɛm ó, nye lɛʼla bʉr mpʉ nye ndɨ cɨcyel ɨ.» Bɨna bé óka lɛɛ ga é yé? Bɨna bé óbɛm yɨm nkpaa lé eko tɨʼ ó: «Zê Zyɛm, nye akœʼ é l'ozyɛhozyɛh é jɔʼ nye lé ekpaa empime e bɨna ga ɛ?» (Gumo me lé elwib nɨ, me elwib ó, é mpʉ mɨzɨze mɨ bʉr lé elwib ɨ!)