Rôm 3:9 - Kálara Zyɛ̌m Edwán é mpʉ̌n

⁹ Yé be no nɛʼɛ, zê bɨh oYʉden o ndɨ elaa bʉʉ bʉr é mih mo Zyɛm? Hɨʼɨ, yé abe ba no. Me be ó si dwe oYʉden ndwe e bʉr o ndɨ abe oYʉden ɨ, mobe. Mɨsyem myɔɔ, myé ejwɨʼ ó bɨbɛh.

Kálar Nzyɛ̌m : Ejwán é Sáá

⁹ Mɨná bé ólɛ́ɛ gá nyá? Nzê bɨ̌h oYúden ó dí elaa bʉ́ʉ́ bʉ̂r ɛ̌? Heʼé, yé abá be nó. Me bé ó sí lɛ̂ʼle ɨ́ kpɛŋlɛm ó, oYúden ti e bʉr o dí abe óYúden bá, bé e mebě. Syóm, wé ó dí ejwɨ́ɨ bɨ́bɛ̂h.

Rôm 3:9 ပူးပေါင်းရင်းမြစ်များ

Galásia 3:22

Ebe, yé ó tila é Kalara Zyɛm ó, bʉr o si nwaʼ bɨbɛh, bé ó, é mpila mɨsyem myɔɔ. Mɨsyem myɔɔ, myé a si kaʼ bɨbɛh monkara. Sa gwar, Zyɛm, nye ekɛʼ ó, baa bɨbɛh lé ejyɛʼ taa buʼo yɔɔ boo Yesʉs-Krɨst ɨ.

Rôm 6:15

No, yé ó, bɨna bé aka be ga é monkara mo mɛra motie. Bɨna ga mu ó baa Zyɛm a lɛʼle ncwɨncwɨa we e. É mpʉ yé ndɨ no e, zê bɨna bé lé ejala le esa ga syem ɛ? Hɨʼɨ, yé abe ba no!

Rôm 11:32

No ó, Zyɛm a sa ó, bʉr bɨbɛh diʼe molʉa, duho é l'ebɨh lɔɔ é l'efu ó, nye jwɨʼɨ bɨbɛh nkoo.

Rôm 3:19

Bɨna bé egʉa ga ó, sa yiyɛh ndɨ Kalara Zyɛm ɨ, yé ó é l'efu e bʉr o ndɨ é monkara mo mɛra motie e. Motie Zyɛm a tiile be e, mé epɨr bʉr bɨbɛh mɨnʉm, le edwe bɨbɛh mobe é mih me.

Filipi 1:18

Bɨna bé ólɛɛ ga é yé? Sa ndɨ tɨʼ yé ó, bé etuno lɔɔ mo Krɨst. Wé mu ó lé etunɔ é mozi mɨmɛh, dam be ó é zi bɨkʉʉŋʉ, dam be ó é l'ocyecye. Yé ó sa lé esa ó, me soha. Me óbâʼle to dolo lé esoho,

Galásia 3:10

Ebe, ǃɨ mʉr si buʼla ó, Zyɛm ódwe nye mokebe ebe mbi nye lé edu motie nɛʼɛ, nye e bɨkɔ́ɔlʉ, ebe, yé ó tila é l'okalara o motie mo Moyiz ó: «Mʉr nyiwɛh ndɨ adu motie mɨmɛh ndɨ mɨtila wâʼ ɛ, nye e bɨkɔ́ɔlʉ.»

1 Korɛnt 14:15

Yé be no nɛʼɛ, me ósa nyá ɛ? Me ójwɨʼla-jwɨʼla e Zyɛm é zi sisim wam lé elwib bɨlɔblɔb. Me nteme, me ójwɨʼla e nye ó, é zi pɨʼ wam. Me ójɛɛ osam é zi sisim wam. Me ójɛɛ osam nteme ó, é zi pɨʼ wam.

1 Korɛnt 10:19

Yé me be lé egwɨm lɛɛ ɛ? Me alɛɛ ó tir a bàŋɔ é mpah bé ndɨ edwiibɨ bɨbaŋabaŋa bɨdweʼle e, nye a be ó si dweŋɔ nuu zyɛm é l'ocyecye. Me alɛɛ ó, bɨbaŋabaŋa bɨdweʼle ndɨ mɨkpɛʼa ɛ, byé ó ozyɛm.

1 Korɛnt 4:7

Ebe, zé a bɨr gwɔɔ kʉ, laa bʉr bɨbɛh? Yé go ndɨ e ye, yaa go a baabi ɨ? Yé be ó, go a bi ye ó bi biʼe nɛʼɛ, ebe yé go lé edoʼo e ye e? Go esa mpʉ sa lɛɛ ó, yé abe etʉm go a ntɨhɔ ɛ!

Rôm 11:7

Yé be no nɛʼɛ, bɨna lɛɛ ga é yé? Bɨna lɛɛ ga ó, bwa b'Ɨzraɛl, bé a baabee sa bé a be lé esaa ɛ. Bʉr o Zyɛm a pɛh ɛ, bɛɛ, bé ó b'a bee. Baa bʉʉ bɨbɛh, nye a lɨl mɨlʉ myɔɔ ó, lɨl lɨlɨ.

Rôm 3:5

Nuu mʉr óbɛm lɛɛ ó: «Bɨsyɛɛla bɨ ozyɛhozyɛh ga bɨna, byé egul Zyɛm ó, nye lɛʼla bʉr mpʉ nye ndɨ cɨcyel ɨ.» Bɨna bé óka lɛɛ ga é yé? Bɨna bé óbɛm yɨm nkpaa lé eko tɨʼ ó: «Zê Zyɛm, nye akœʼ é l'ozyɛhozyɛh é jɔʼ nye lé ekpaa empime e bɨna ga ɛ?» (Gumo me lé elwib nɨ, me elwib ó, é mpʉ mɨzɨze mɨ bʉr lé elwib ɨ!)

Rôm 1:18

Zyɛm, nyi lɛʼle bɨna ga mpʉ nye lé ekpaa empime é lɔb ga wina ɛ. Nye esa no ó, bʉr é sʉlʉlʉ, duho é jobo kʉ. Bɨna bé esa ga nye ebɨh ndwe e bɨsyɛɛla bɨ ebebe bibyɛh. Bɨna bé elwimla ga e l'ocyecye, du-du njɨ bɨsyɛɛla bɨ ozyɛhozyɛh.

Lʉkas 7:39

No ó, é jɔʼ Farizyɛŋ a baŋle Yesʉs ɨ, a bee syɛɛla yaa ɛ, nye ntɔʼ taare lé elwib é leme we tʉŋlʉ ó: «Nkʉ mʉr nwaʼ a be ó be, be ngwiha mɨlɔb cyecye nɛʼɛ, mpa nyi gʉa ó, mʉma lé ekuna e nye nwa, nye ó é bul jwɨ̂ʼlɨ e mɨsyem!»

Rôm 2:1

No ó, gwɔɔ, mʉr lé edwe bʉr mobe e, go abe e nkar é mih mo Zyɛm! É jɔʼ go be ó, go dwe ó bʉr mobe e, nʉm go, wé ebula dwe go mʉr tɨʼ mobe, ebe, gwɔɔ yɛɛ «tiʼà mɨlɔb», gwɔɔ lé ekʉ sa nteme bɨsyɛɛla bɨmpwar byaa!

Rôm 3:1

Yé be no nɛʼɛ, wáa nyɔm mʉr ndɨ e we é jɔʼ nye ndɨ mbyɛla Yʉden ɨ? Esaŋɔ mpʉn nteme lé e wáa nyɔm?

Rôm 7:14

Bɨna bé egʉa ga ó, motie, mé ó sa lé eze bɨna ga e sikʉlʉ ndɨ ejala e Mbɨambɨa Sisim ɨ. No ó, tiʼ yam yɛɛ, yé eduho ó, njɨ é nyʉl bɨpuno. No ó me a ka liʼ e sɔʼɔ ó, njɨ dia olʉa mo Syem.