Rôm 3:8 - Kálara Zyɛ̌m Edwán é mpʉ̌n

⁸ Bɨn bɛɛ, bʉr o ndɨ elwib no e, ebe yé bɨn ndɨ aka to dolo lé elɛɛ nteme ó: «Bɨna saʼ ga ebebe, embɨa nkʉʼ buo pie tɨʼ» ɨ? Bʉʉ bʉr, bé efœʼ me é jɔʼ bé lé elɛɛ ó, me a si bana lɛɛ bɨsa mokan maa. Zyɛm ókab bʉr onɨ mɨmbi bɨntɨʼa lé ejala e be e!

Kálar Nzyɛ̌m : Ejwán é Sáá

⁸ Bɨ̌n bé lɨ́ ekâr élɛ́ɛ ó: «Mɨná sâʼ gá ebébe, embɨa nkʉ̂ buo píe tɨ̂ʼ» ɨ́ yé? Bʉ́ʉ́ bʉ̂r, bé lɨ́ eswêʼ mé díe, lɨ́ elɛ́ɛ ó, bɨ̌h bé á si cɨ mekǎn maá. Nzyɛ̌m ódwe bʉ̂r baá mimbi bíntɨ́ʼá bi dí ejala e bé bí.

Rôm 3:8 ပူးပေါင်းရင်းမြစ်များ

Rôm 6:1

Yé be no nɛʼɛ, bɨna kaʼ lɛɛ ga é yé? Zê bɨna toʼ ga dolo lé esa ga mɨsyem é l'efu ó, Zyɛm lɛʼla bɨna ga mpwaʼ ncwɨncwɨa we ɛ?

Rôm 6:15

No, yé ó, bɨna bé aka be ga é monkara mo mɛra motie. Bɨna ga mu ó baa Zyɛm a lɛʼle ncwɨncwɨa we e. É mpʉ yé ndɨ no e, zê bɨna bé lé ejala le esa ga syem ɛ? Hɨʼɨ, yé abe ba no!

Rôm 7:7

Yé be no nɛʼɛ, bɨna bé ólɛɛ ga é yé? Zê motie mo Moyiz, mé ó sa lé esa ó, mʉr saʼ syem ɨ? Hɨʼɨ, yé abe ba no! Me abe e nkul egʉa sa ndɨ «syem» ɨ, nkʉ yé abe é zi motie maa. Nkʉ motie, mé a be ó be, alɛɛ ó: «Acen mih é sa yoonkan, nkʉ gwɨm ye» nɛʼɛ, mpa me agʉa lɔb esa bɨgwɨma.

Rôm 5:20

Zyɛm a tiile bʉr motie é l'efu ó, bʉr ntaŋa motie é buobuo. Dam be no, é jɔʼ mɨsyem mɨ bʉr, myé a dɨ buo no e, é jɔʼ gwar e gwar yaa nteme ó Zyɛm a bul lɛʼle be ncwɨncwɨa we, laa naa ɛ.

Yʉ̂d 1:4

Bʉʉ bʉr, bɨ ni é l'esama lɨn é myaaa, bɨn l'agʉa! Okalara lé edwe be mobe, le ekab be bɨntɨʼa byɔɔ ɛ, bɨ bɛa tilɔ. Bɛɛ, bé adwaabe Zyɛm. Bé edwe bɨn sikʉlʉ lé egomlo bʉr mo Zyɛm Sɔŋ ga wina é bebebebe zi, lé elɛɛ ó ncwɨncwɨa we, wé e nyɔm ó, bʉr saʼ bɨmala zam e l'ekomo. Bé nteme, bé ekɛla ó, Njwɨʼa ga wina Yesʉs-Krɨst, nye abe Tî ga wina boo nɔɔ.

Mataos 5:11

Mocyɛʼ mo mpom, mé ó e bɨn é jɔʼ bé ólwɨɨ bɨn, tíile bɨn le efœʼ bɨn mɨmbi mimyɛh é lɔb wam.

2 Korɛnt 6:8

Bɨh bé elɛʼle bɨn bɨdweʼle bɨ cye lʉmlʉ yih ó: é jɔʼ bé lé edwiibɨ bɨh, nkʉ sa bɨh pyeh e, é jɔʼ bé lé efœʼ bɨh nkʉ gumlo bɨh ɨ, é jɔʼ bé lé enʉa bɨh mpʉ mɨmpʉmpʉl, bɨh bɛɛ yɛɛ lé elɛɛ ocyecye e,

2 Korɛnt 11:15

Ebe no, yé be ó, osyɛl o mosa mo Satan, bé eliŋ bé bʉr o tɨʼ ocɨcyel o bʉr nɛʼɛ, yé abe sa jehe. Efehle lɔɔ, lé ódu mpʉ bɨsyɛɛla byɔɔ, byé a be e.