Rôm 3:5 - Kálara Zyɛ̌m Edwán é mpʉ̌n

⁵ Nuu mʉr óbɛm lɛɛ ó: «Bɨsyɛɛla bɨ ozyɛhozyɛh ga bɨna, byé egul Zyɛm ó, nye lɛʼla bʉr mpʉ nye ndɨ cɨcyel ɨ.» Bɨna bé óka lɛɛ ga é yé? Bɨna bé óbɛm yɨm nkpaa lé eko tɨʼ ó: «Zê Zyɛm, nye akœʼ é l'ozyɛhozyɛh é jɔʼ nye lé ekpaa empime e bɨna ga ɛ?» (Gumo me lé elwib nɨ, me elwib ó, é mpʉ mɨzɨze mɨ bʉr lé elwib ɨ!)

Kálar Nzyɛ̌m : Ejwán é Sáá

⁵ Bɨ̌n lɛ́ɛ́ ó: «Bisyɛ́ɛla bí ébébe mɨ́ná dí esâ gá bí, nyɔm tɨ̂ʼ, wé ó, bʉr béyɨɨ mpʉ̌ Nzyɛ̌m nyɨɛ dí tîtyěl yɨ́.» Mɨná bé ókǎ lɛ́ɛ gá nyá? Nzê Nzyɛ̌m, nyé abe e mebě ɨ́ jɔʼ nyé dwé mɨ́ná gá bintɨ́ʼá, duho ɨ́ nkpaa dí nye ɨ́ léme nyɨ́ yɨ́ ɛ́? (Gúmó mé dí elwǐb nɨ̌, mě lwǐb ó, ɨ́ mpʉ mínzɨnzɨ mi bʉ̂r dí epǎ lwib yɨ́.)

Rôm 3:5 ပူးပေါင်းရင်းမြစ်များ

Rôm 6:19

Me elwib ó, é mpʉ bʉr lé ebɛa sa-sa ɛ. Me esa no ó, ebe ecyɛʼ bɨn ndɨ e le é mɨsisim ɨ. Bɨn bé a be é jɔʼ mya ó, si kʉ lomo bɨfum bɨ nyʉl win, ó bɨn diʼe é dia olʉa. É cye yaa ó bɨn bé a be ó molʉa lé elama fwon lé edu njɨ bɨjyɛʼ bin ɨ. Bɨn bé a be nteme ó, ontɔɔ o motie mo Zyɛm. Efuʼla e tɨʼ, lé a jaa be ó njɨ entaa motie mo Zyɛm! Banana, loma ga bɨfum bɨ nyʉl win ó, byé sea Zyɛm syɛɛ ndɨ é l'ocɨcyel ɨ. Efuʼla e tɨʼ, lé ó, bɨn bé ódi mɨsaŋ mɨ bʉr é mih me.

Galásia 3:15

Obɨɔ ga bam aa! Sa yi, yé ó kʉ be syɛɛla bʉr lé esa-sa ɛ. É jɔʼ mʉr si tile kalara bɨliʼ ɨ, abe e mʉr óka gbɛɛ mɨtila myaa, nkʉ ko lʉʉ ekan tɨ.

1 Korɛnt 9:8

Atoŋlo ga ó, mɨnkar myam, myé ebɔma ó, njɨ e myaa mɨ bʉr, ebe, lɔɔ ngwar me lé elɛɛ ɛ, wé ó tila nteme é motie mo Moyiz.

Rôm 7:7

Yé be no nɛʼɛ, bɨna bé ólɛɛ ga é yé? Zê motie mo Moyiz, mé ó sa lé esa ó, mʉr saʼ syem ɨ? Hɨʼɨ, yé abe ba no! Me abe e nkul egʉa sa ndɨ «syem» ɨ, nkʉ yé abe é zi motie maa. Nkʉ motie, mé a be ó be, alɛɛ ó: «Acen mih é sa yoonkan, nkʉ gwɨm ye» nɛʼɛ, mpa me agʉa lɔb esa bɨgwɨma.

Rôm 4:1

É paʼ mobyɛl ga mɨna, bɨna ga bé ó e sɔŋ mpam, Abraham. É mpʉ yé ndɨ no e, bɨna kaʼ lɛɛ ga é yé, tiibe e sa nye a bi ɨ?

Rôm 2:5

Cye yiyɛh go dina lé esa elele e lʉ, nkʉ bene lé edwir leme e, go ebul bɨbaa bɨ ebebe Zyɛm lé eniʼe go e. Byé óka láŋɔ ó, é dobo Zyɛm ókpaa empime le e bʉr bɨbɛh ɛ. Dobo laa nteme ó nye ólɛʼle mʉr nyiwɛh mpʉ nye lé etiʼe bʉr mɨlɔb é l'ocɨcyel ɨ.

Mɨngwiha 18:20

«Bʉr o kʉ ndwe e mɨsaŋ mɨ bʉr, soha ga etɨʼla le. Mɨlʉmlʉ mye, ogwiha o mɨlɔb be, soha ga, bɨn bɨbɛh, ebe, Zyɛm, nyi tiʼe lɔb, dwe bɨn mokebe, dwe be mobe.»

Mɨngwiha 15:3

jɛɔ jɛɛ mo Moyiz, syɛl mosa mo Zyɛm. Jɛɛ yaa nteme, yé ó yaa mo Ma Ntœme. Bé a jɛɛ ó: «Da Zyɛm Nkul nyiwɛh! Bɨsyɛɛla byo, byé é laŋle bwaʼ. Ndwe nteme, byé ó bɨsa bɨ jehe. Mozi mo mɨmɛh, mé ó ocɨcyel. Mé ó maa mo ocyecye. Ndwe nteme, go ó Njwɨɨbʉr lé ekœʼ e bɨkul bibyɛh ɛ.

1 Korɛnt 15:32

Yé be ó, me a si sia e mɨtuu ɨ Efɛɛz lé ekʉ du njɨ mɨnyɔm mɨ bʉr o si nwaʼ nɛʼɛ, lɛɛ ó, syɛɛla yaa, yé a ngbaa be me e wáa nyɔm? Yé be ó, Zyɛm óbe l'apɛ̀h bʉr é mofoo nɛʼɛ, lɛɛ ó, yé a baangbaa be me e nyɔm. Kɨkɛna, yé ó: «Bɨna deʼ ga mode le monwoʼ, ebe, omɛn, bɨna bé ódwè ga.»

Rôm 12:19

Obɨɔ o kpɛl bam aa! Akuna ga bɨn bʉr o tɨ. Mɛʼla ga ó, Zyɛm nye ome, nye kpaŋa empime lɨn, ebe, yé ó tila é Kalara Zyɛm ó: «Da, nye elɛɛ ó: “Me ó ndɨ mokuna-bʉr win. Me óbala syɛɛla ebebe yɔɔ.”»

Rôm 6:1

Yé be no nɛʼɛ, bɨna kaʼ lɛɛ ga é yé? Zê bɨna toʼ ga dolo lé esa ga mɨsyem é l'efu ó, Zyɛm lɛʼla bɨna ga mpwaʼ ncwɨncwɨa we ɛ?

Rôm 3:19

Bɨna bé egʉa ga ó, sa yiyɛh ndɨ Kalara Zyɛm ɨ, yé ó é l'efu e bʉr o ndɨ é monkara mo mɛra motie e. Motie Zyɛm a tiile be e, mé epɨr bʉr bɨbɛh mɨnʉm, le edwe bɨbɛh mobe é mih me.

Rôm 3:7

Yé nteme, yé ó mpʉ bé ndɨ e nkul elɛɛ ó: «Yé be ó, mpʉl wam, nye egʉa lɛʼle ocyecye mo Zyɛm, ndwe le esa ó, bʉr gumla nye nɛʼɛ, ebe yé nye lé edwe me mobe, le elɛɛ ó, mɨ sa syem ɨ?»

Rôm 5:8

Yesʉs-Krɨst nyɛɛ a dwè, jala e bɨna ga ó, é jɔʼ bɨna bé a be ga lé ekʉ sa njɨ mɨsyem ɨ! No ó Zyɛm ndɨ elɛʼle bɨna ga kpɛl ye e.

Rôm 8:31

Yé be no nɛʼɛ, bɨna kaʼ lɛɛ ga é yé? ǃƗ Zyɛm be é nkɔm ga wina nɛʼɛ, wáa mʉr ócyɛb bɨna ga é nkɔm nkɔm-nkɛɛ e?

Rôm 9:30

Yé be no nɛʼɛ, bɨna kaʼ lɛɛ ga é yé, tiibe e bʉr o ndɨ abe oYʉden ɨ? Bʉr o b'a baasaa zi ebi mokebe é mih mo Zyɛm ɨ, bé ó b'a ka bi mokebe maa. Sa gwar, bé a bi me ó, ebe taa buʼo bé a jyɛʼ boo Krɨst ɨ.

2 Korɛnt 6:4

Bɨh bé elɛʼle é zi bɨsyɛɛla bih ó, bɨh bé ó kʉ be cyecye osyɛl o mosa mo Zyɛm. Bɨh bé esa no ó: lé esa zyee, lé edihbe mɨtuu e mɨndɛl, lé edihbe edi é mpila bɨsyɛɛ, lé edi e leme cyela kʉ,

2 Korɛnt 7:11

Dwɛʼa ga sɔʼɔ njɨ mpʉ Zyɛm a dwir bɨn é mɨleme e. Empime lɨn, lé a be ó si sa ó: Mɨleme, myé diʼe bɨn é ntɨɨɨŋ ó, bɨn saʼ embɨa. Bɨn saŋa zi ndɨ ó, me tɨʼe bɨbaa bɨ ebebe me a niʼe bɨn ɨ. Bɨn joʼa kalara waa e tuu. Bɨn joʼa bʉa. Bɨn biʼe mɨmpaŋ bɨgwɨma. Bɨn beʼ e zyee é mɨleme. Bɨn kuna mʉr a saŋɔ ebebe e. Bɨsa biʼ bibyɛh, byé ó bɨdweʼle, bɨsa lé elɛʼle ó, bɨn bé ó bʉr o ndɨ agʉa lɔb ɨ.

Galásia 2:18

ǃƗ mʉr si pɛʼ leme we é mbi nye lé edu motie e, nye ze bâʼle gwɨm gwɨmɨ ó, nye nkʉʼ bi tiʼ molu mo mpoʼ mɨmɛh ebe mbi nye lé edu me nɛʼɛ, nye elɛʼle tɨʼ ó, nye ó ntɔɔ motie mo Zyɛm.