Rôm 3:4 - Kálara Zyɛ̌m Edwán é mpʉ̌n

⁴ Hɨʼɨ, yé abe ba no. Dam be ó, bʉr bɨbɛh, bé ó mɨmpʉmpʉl, Zyɛm nyɛɛ, nye ekʉ ka lɛɛ ó njɨ ocyecye: «É l'efu ó, go nkʉʼ dweŋɔ mokebe é jɔʼ bʉr lé ejoʼo mokan mo e. ǃBé si jwɨʼla saa epur go é mpah mɨlɔb nɛʼɛ, gwɔɔ, go óbi mokebe.»

Kálar Nzyɛ̌m : Ejwán é Sáá

⁴ Heʼé, yé abá be nó. Bʉr bɨ́bɛ̂h damá sâ bíbɛr, Nzyɛ̌m nyɨɛ́ jaá lóŋlo ó, njɨ lɔ́ɔ́ wé. Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: Gua Nzyɛ̌m, ɨ́ jɔʼ gó dí elwib yɨ́, bʉr bɨ́bɛ̂h, bé ókʉ́ gʉ́a ó, gǒ lɛ́ɛ́ ó otyeetye. Bé ósáa édwe gó mebě nó, go ójaá bi ó, njɨ nkam ɨ́ lɔ̌b waá.»

Rôm 3:4 ပူးပေါင်းရင်းမြစ်များ

Galásia 2:17

«Bɨna oYʉden, bɨ buʼla ó, bɨna bé óbi ga mokebe é mih mo Zyɛm ó, abe é dɔɔ mbaʼla motie ga wina, njɨ ebe zyɛŋa ga wina boo Krɨst. Yé mu lé enyin ó, bɨna ga mu ó mpʉ baa bɨna bé a jebe-jebe ga ó, osyɛl o mɨsyem ɨ. Zê no ó ndɨ elɛɛ ó, Krɨst, nye ó syɛl mosa mo Syem ɛ? Hɨʼɨ, yé abe ba no!

Ebrœ̂ 6:18

Yé e bɨsa bɨba ndɨ abe e nkul esiilɔ ɛ: monkɛʼ mo Zyɛm, ndwe e mɨnkɛla nye a de e. Zyɛm nteme, nye abe e nkul esa mpʉl tɨ. No ó, bɨna ga bé ó bʉr o mu si fim mɨkam é l'efu ó, bɨna biʼe ga sa nye a kɛʼ, yaa ndɨ esa ó, mɨleme ga mina loŋla e mbɛla ɛ. Nye a liʼe bɨna ga e monkɛʼ maa ó, bɨna nʉŋa ga pim é buʼo.

Títos 1:2

É mbi waa ó bé ódi e mbɛla ó, bé óbi tiʼ molu mo mpoʼ mɨmɛh, yaa yé a bɛa kɛʼɔ be, kʉ e si l'apa cyeŋɔ ɛ. Zyɛm ó b'a kɛʼ be tiʼ yaa, nyɛɛ waa ndɨ abe lé elɛɛ mpʉl ɨ.

Yʉanes 3:33

É jɔʼ mʉr lé emɛʼle joʼo nye e, nye elɛʼle tɨʼ ó, Zyɛm ó ndɨ cyecye.

Mɨngwiha 3:7

«Tila kalara. Go à cen engles lé edwiile mbɛr Zyɛm ndɨ ɨ Filadɛlfi ɨ. Lɛŋɨ nye ó: Mokan ma, mé eduho ó, é nʉm mo Mʉr ndɨ ti, waa ndɨ cyecye e. Mbe ga: diba mo njwɨɨbʉr David ó nye ndɨ e ye é mobo nɨ! ǃNye si dib ebe nɛʼɛ, abe e mʉr óka pɨr le. Laa nye si pɨr ɨ, abe e mʉr ndɨ e nkul eka dib. Nye elɛɛ e go ó:

1 Yʉanes 5:20

Bɨna bé egʉa ga nteme ó, Mwan mo Zyɛm a si ze, ze gba bɨna ga pɨʼ é mɨleme, ó bɨna gʉŋa ga Zyɛm ndɨ cyecye e. Bɨna bé edi ga é zyɛŋa ga wina boo mʉr ndɨ cyecye e, ebe, bɨna bé edi ga é zyɛŋa ga wina boo Mwan we, Yesʉs-Krɨst. Nye ó ndɨ Zyɛm cyecye ndwe e l'Etin e Tiʼ.

Rôm 9:14

Yé be no nɛʼɛ, bɨna kaʼ lɛɛ ga é yé? Zê Zyɛm, nye lé esa bɨsyɛɛla ndɨ ozyɛhozyɛh ɛ? Hɨʼɨ, yé abe ba no,

1 Yʉanes 5:10

Mʉr lé ejyɛʼ taa buʼo ye boo Mwan mo Zyɛm ɨ, nye ó ndɨ ejoʼo mboʼla waa é leme we tʉŋlʉ. Mʉr ndɨ abuʼla Zyɛm ɨ, nyi sa mpʉ sa lɛɛ ó, Zyɛm Sɔŋ, nye ó mpʉmpʉl, ebe, nye abuʼla mboʼla Zyɛm a boʼlo, tiibe e Mwan we e.

Galásia 2:21

Me abe e nkul epyeh ncwɨncwɨa mo Zyɛm. Yé be ó, mʉr fih mʉr kɛ̀l, nyi pʉʼa é nkar, sɔba é feerɨ ebe mbi nye lé edu motie nɛʼɛ, lɛɛ ó, Yesʉs-Krɨst a kʉ dwè ó, mbɛh!»

Rôm 6:15

No, yé ó, bɨna bé aka be ga é monkara mo mɛra motie. Bɨna ga mu ó baa Zyɛm a lɛʼle ncwɨncwɨa we e. É mpʉ yé ndɨ no e, zê bɨna bé lé ejala le esa ga syem ɛ? Hɨʼɨ, yé abe ba no!

Rôm 3:31

É jɔʼ bɨh lé elɛɛ lɔɔ buʼo ga yina ɛ, zê bɨh bé lé egbɛɛ motie ɛ? Hɨʼɨ, yé abe ba no. Bɨh bé elɨl motie maa ó, lɨl lɨlɨ.

Mataos 11:19

É jɔʼ yi, Mwan mo Mʉr, nyi ka pyal: nye ede mode le enyʉl monwoʼ. Bé ó: “Dwɛʼa ga. Nwaʼ mʉr, nye ó kʉ be ancyadoʼ, fufwɔʼ monwoʼ, fo onwɨa o tœa, fo bʉr o ndɨ é bul jwɨ̂ʼlɨ e mɨsyem ɨ!” Sa gwar, bʉr, bé eka mɛʼle ó, Zyɛm, nye ó cɨcyel é jɔʼ bé ndɨ ebee ebò e cyen mɨcɨcyoo ndɨ ekœʼ œ.»

Galásia 6:14

Yé l'ayi kunbo ba e me ó, me doʼa e sa fih. Me ódoʼo njɨ e Tî ga wina Yesʉs-Krɨst, le mpʉ nye a cyèlɔ é klos kʉ, ntɔʼ dwè e. Efie le laa, lé ó b'a sa ó, bɨsa bɨ jobo yi, byé diʼe me mpʉ sa yé a bomlɔ é klos kʉ ɨ. Bʉr o si nwa, bé mu ó lé ebee me ó, mpʉ mʉr a cyèlɔ é klos kʉ ɨ.

Rôm 11:1

Ebe no, me edî ó nɛɛ: é mpʉ yé ndɨ no e, zê yé lé elɛʼle ó, Zyɛm a si myah kul bʉr ye ɛ? Hɨʼɨ, yé abe ba no! Me mʉr tɨ, me ó mpɛh Ɨzraɛl. Me a byɛl ó, é l'eveh mo Benjamin. Me ó mʉr mpoŋbʉr mo Abraham.

2 Korɛnt 1:18

Neme Zyɛm ndɨ mʉr ebuʼla, me a baalɛɛ bɨn «Eee!» ndwe e «Hɨʼɨ!»,

Rôm 11:11

No ó, me ebâʼle dî nuu tia ó: «Zê oYʉden, bé a kʉ twe ó, cyecye ɛ?» Hɨʼɨ, yé abe ba no! Zyɛm a si dwe bʉr o byʉʉ bɨkul bɨfih tiʼ molu mo mpoʼ mɨmɛh é lɔb motie oYʉden, bé a ntaa ɛ. Nye a sa no ó, é l'efu le egba oYʉden egu é mɨleme.

Rôm 7:7

Yé be no nɛʼɛ, bɨna bé ólɛɛ ga é yé? Zê motie mo Moyiz, mé ó sa lé esa ó, mʉr saʼ syem ɨ? Hɨʼɨ, yé abe ba no! Me abe e nkul egʉa sa ndɨ «syem» ɨ, nkʉ yé abe é zi motie maa. Nkʉ motie, mé a be ó be, alɛɛ ó: «Acen mih é sa yoonkan, nkʉ gwɨm ye» nɛʼɛ, mpa me agʉa lɔb esa bɨgwɨma.

Rôm 6:2

Hɨʼɨ, yé abe ba no! Bɨna bɨ dwè ga é nko paʼ mo Syem. Ebe no, abe e sa yé ósa ó, bɨna toʼ ga dolo le esa mɨsyem.

Lʉkas 20:16

Mɛm, me ebee ó, nye óze jʉ osyɛl o mosa baa bɨbɛh, ze cyel bʉʉ bʉr ofih é peme yaa.» É jɔʼ bʉr, bé a joʼo no e, bé ó: «Tɨtoʼo, yʉʉ sɔʼɔ, yé ákwoʼ syɛɛ ba no!»

Rôm 7:13

Zê no, yé elɛɛ ó, sa ndɨ é bul mbɨa é mpʉ motie maa ɛ, yé a si jʉ me ɛ? Hɨʼɨ, yé abe ba no! Sa yé a jʉ me e, yé a be ó njɨ Syem. Wé a si bana bɨlan e sa mpa yaa, wé ntɔʼ jʉ me e tɨ. Syɛɛla yaa ó ndɨ elɛʼle bɨna ga sa ndɨ syem ɨ. Syem, wé a ka bul nyin é l'ebebe ó, é jɔʼ yaa.

1 Korɛnt 6:15

Zê bɨn l'apa gʉa ó, monyʉl mɨn, mé ó bɨfum bɨ nyʉl mo Krɨst ɛ? Zê me ónʉa yʉʉ fum nyʉl mo Krɨst, bana to syɛŋ ye e nyʉl mbambama ɛ? Hɨʼɨ, yé abe ba no!

1 Timotɛ 3:16

Yé ejala ó, buʼo yina, yaa ndɨ é lwib odim ɨ, yé é laŋle bwaʼ. Yé ó: «Nye a ze nyin é si nwaʼ ó e nyʉl bɨpuno. Mbɨambɨa Sisim ze lɛʼle bɨna ga nya, bɨna gʉŋa ga ó, nye abe e mobe. Beengles, bé a si siŋle nye. Bʉr o bɨkul bɨfih, bé a si joʼo lɔɔ lé etiibe e nye e. Bʉr o si nwa, bé a si jyɛʼ taa buʼo yɔɔ boo nye. Nye a si to é jobo kʉ, é fum nye a dweŋɔ kum ɨ.»