Rôm 3:31 - Kálara Zyɛ̌m Edwán é mpʉ̌n

³¹ É jɔʼ bɨh lé elɛɛ lɔɔ buʼo ga yina ɛ, zê bɨh bé lé egbɛɛ motie ɛ? Hɨʼɨ, yé abe ba no. Bɨh bé elɨl motie maa ó, lɨl lɨlɨ.

Kálar Nzyɛ̌m : Ejwán é Sáá

³¹ Ɨ́ jɔʼ bɨ́h túnó búʼó gá yɨ́ná yɨ́, nzê bɨ̌h bé lɨ́ egbɛ́ɛ métié ɛ̌? Heʼé, yé abá be nó! Bɨ̌h lɨl métié maá ó, lɨlɨ́ɨ.

Rôm 3:31 ပူးပေါင်းရင်းမြစ်များ

Galásia 2:21

Me abe e nkul epyeh ncwɨncwɨa mo Zyɛm. Yé be ó, mʉr fih mʉr kɛ̀l, nyi pʉʼa é nkar, sɔba é feerɨ ebe mbi nye lé edu motie nɛʼɛ, lɛɛ ó, Yesʉs-Krɨst a kʉ dwè ó, mbɛh!»

Mataos 5:17

«Abuʼla ga ó, me a ze ó, ze gbɛɛ motie mo Moyiz, nkʉ gbɛɛ sikʉlʉ ogwiha o mɨlɔb bé a dwe bɨmpam bin ɨ. Me a baaze gbɛɛ. Me a ze ó, ze sil du me!

1 Korɛnt 9:21

É jɔʼ me ndɨ esyɛŋa zi e bʉr o ndɨ adu motie mo Moyiz ɨ, bɨh e boo nɔɔ, bé e l'ebò e cyen egwar. Yé anwɨɨla ó, me ó é monkara mo mɛra motie. Me esa no ó, me nkʉʼ dulo bʉr o bɨkul bɨfih onɨ. É l'ocyecye, me agwɨm dwih nyʉl wam é nkara motie mo Zyɛm, ebe, me ó é nkara mo Krɨst.

Rôm 10:4

Me elwib no ó, ebe, Krɨst a si gba nkati é zi edu motie. Bʉr, bé aŋa ka bi mokebe lé edu zi waa. Bʉr o ndɨ ejyɛʼ taa buʼo yɔɔ boo Zyɛm ɨ, bé ó ndɨ ebi mokebe boo nye.

Rôm 8:4

Nye a jaʼra e bɨntɨʼa é nyʉl we ó, nye nkʉʼ du ocɨcyel o motie mɨmɛh Zyɛm a tiile bʉr ɨ. Bɨna bé ebi ga mopoʼ mo syɛɛla ye yaa ó, é jɔʼ bɨna lé ekœʼ ga ebò e cyen Mbɨambɨa Sisim lé etɨe bɨna ga ɛ, aka be lé edu bɨgwɨma bɨ nyʉl bɨpuno ga wina.

Galásia 2:19

É jɔʼ me a taare be é monkara mo mɛra motie mo Moyiz ɨ, me a be ó si ntaa motie maa, é ntaa ntaa, me ntɔʼ dwè. É jɔʼ me a dwè ebe motie maa ɛ, efie lam, lé ó b'a sa ó, me pʉʼa tɨ, ó me l'aka nyamle cwɨɨ tɨ. Sa yaa yiyɛh, yé a syɛɛlɨ no ó, me nkʉʼ nʉa edwan e tiʼ yam, ze dwe le Zyɛm nye mʉr tɨ.

Rôm 7:25

Bɨna dweʼ ga Zyɛm ekiba é zyɛŋa ga wina boo Tî ga wina Yesʉs-Krɨst! Yé ó mpʉ me ndɨ e nkul elɛɛ ó, mɨpɛhla mɨ leme wam, myé egwɨm sea syɛɛ ó, yaa motie mo Zyɛm ndɨ etɨe e. Nyʉl bɨpuno wam nyɛɛ, nye ekʉ ka kpɛl ó njɨ me diʼe elʉa mo Syem, le edu mɨnjwɨr mye.

Rôm 7:22

Gwɨma, yé eduho me é mo si ó, me duʼo motie mo Zyɛm.

Rôm 4:14

Nkʉ bʉr, bé be ó be, be e nkul ebi si tiila, jala e nkɔb wɔɔ ebe mbi bé lé edu motie nɛʼɛ, mpa buʼo ga yina, yé abe e nyɔm é guu paʼ. Mpa nkɛʼ Zyɛm a liʼe bɨna ga e wa ɛ, nyi dwè ntuʼ.

Rôm 3:4

Hɨʼɨ, yé abe ba no. Dam be ó, bʉr bɨbɛh, bé ó mɨmpʉmpʉl, Zyɛm nyɛɛ, nye ekʉ ka lɛɛ ó njɨ ocyecye: «É l'efu ó, go nkʉʼ dweŋɔ mokebe é jɔʼ bʉr lé ejoʼo mokan mo e. ǃBé si jwɨʼla saa epur go é mpah mɨlɔb nɛʼɛ, gwɔɔ, go óbi mokebe.»

Mataos 15:6

É mbea win, waa si sa no e, nye abe e nkul eka gul sɔŋ e nyɔŋ e tɨ. No yé ó: é jɔʼ bɨn ndɨ adwaabe osɔŋ e l'onyɔŋ bɨn ɨ, bɨn bé egbɛɛ lɔɔ Zyɛm é l'efu le edu mɨnjwɨr bɨmpam bin byé a ntɛŋ bɨn ɨ!

Mataos 5:20

Ebe no, me elɛɛ bɨn ó nɛɛ: ǃɨ ocɨcyel win, wé si be, alaa waa oFarizyɛŋ, nkʉ waa oyeʼle o motie nɛʼɛ, bɨn bé ákwoʼ ni é jwɨ̀ʼa mo Da.»

Mataos 3:15

Yesʉs ze bɨha e nye ó: «Birɨ, yé syɛŋɨ no, ebe, yé ejala ó, loŋlo bɨsyɛɛla bɨ ocɨcyel bibyɛh.» Yʉanes ntɔʼ mɛʼle.

Lʉkas 20:16

Mɛm, me ebee ó, nye óze jʉ osyɛl o mosa baa bɨbɛh, ze cyel bʉʉ bʉr ofih é peme yaa.» É jɔʼ bʉr, bé a joʼo no e, bé ó: «Tɨtoʼo, yʉʉ sɔʼɔ, yé ákwoʼ syɛɛ ba no!»

Rôm 2:20

Go elɛɛ nteme ó, go ó lé ejala le eturo mɨmiʼ mɨlʉ, le eyeʼle bwɔɔncyom. Go elɛɛ ó, ngwɨa motie waa, wi dwe go ocyoo ndwe e l'ocyecye wiwɛh.

Rôm 3:6

Hɨʼɨ, yé abe ba no, ebe, nkʉ Zyɛm be ó be, l'abe e nkam lé edwe bɨna ga mobe ebe mɨsyem nɛʼɛ, mpa nye abe e nkul etiʼe bʉr bɨbɛh mɨlɔb.