Rôm 3:27 - Kálara Zyɛ̌m Edwán é mpʉ̌n

²⁷ É mpʉ yé ndɨ no e, zê mʉr óbana to dolo lé edoʼo e bɨsyɛɛla bye nye mʉr tɨʼ ɛ? Hɨʼɨ, yʉʉ sɔʼɔ, yé abe no. Yé ndɨ ekamle bɨna lé edoʼo ga? Zê motie mo Zyɛm ó ndɨ ekamle bɨna ga lé edoʼo ɛ? Hɨʼɨ, sa ndɨ esa ó, bɨna beʼ l'aka doʼo ga ɛ, yé ó buʼo bɨna mu lé edu ga ɛ,

Kálar Nzyɛ̌m : Ejwán é Sáá

²⁷ Mpʉ yé dí nó yɨ́, nzê mʉr óbánǎ tô le enkʉ́na ɨ́ bisyɛ́ɛla byé nyé mʉr tɨ̂ʼ ɛ̌? Heʼé, yʉ́ʉ́ sɔ̂ʼ, yé abe nó! Yé dí ekamle e mɨná gá ó, mɨná nkʉ́naa gâ? Nzê metié mé Nzyɛ̌m ó dí ekamle mɨ́ná gá lɨ́ enkʉ́na ɛ́? Yaá! Sá dí esâ ó, mɨná sá ankʉ́na gá yɨ́, yé ó nzɨ̌ búʼó mɨ́ná dí edû gá nyɨ́.

Rôm 3:27 ပူးပေါင်းရင်းမြစ်များ

Rôm 2:23

Gwɔɔ mʉr lé ebul doʼo e motie go a tiilɔ ɛ, ebe yé go lé eka ntaa motie monɨ ɨ? Gwɔɔ ó lé ebul gba Zyɛm fwon é nyʉl!

Rôm 4:2

Nkʉ Abraham a be ó be, bi mokebe é mih mo Zyɛm ebe mɨmpaŋ bɨsyɛɛla bye nɛʼɛ, mpa nye a si bi sa edoʼo e tɨ. Sa gwar, nye a baangbaa doʼo e bye é mih mo Zyɛm,

Galásia 3:22

Ebe, yé ó tila é Kalara Zyɛm ó, bʉr o si nwaʼ bɨbɛh, bé ó, é mpila mɨsyem myɔɔ. Mɨsyem myɔɔ, myé a si kaʼ bɨbɛh monkara. Sa gwar, Zyɛm, nye ekɛʼ ó, baa bɨbɛh lé ejyɛʼ taa buʼo yɔɔ boo Yesʉs-Krɨst ɨ.

Rôm 2:17

Gwɔɔ, mʉr lé ejebɔ ó, Yʉden ɨ, go nyá ɛ? Go ejyɛʼ taa buʼo yo é mbi go lé edu motie e. Go ekʉ doʼo njɨ e Zyɛm.

Rôm 7:21

No ó, sa me lé ebee é jɔʼ yiyɛh ó yi: é jɔʼ me lé egwɨm sa embɨa ɛ, ebebe lɛɛ ó me lé eka koʼo lé esa ɛ.

Galásia 2:16

To kœb ó, bɨna mu lé egʉa ga ó, mʉr, nye aŋa bi mokebe é mih mo Zyɛm ebe mbi nye lé edu motie e. Mʉr, nye ebi mokebe é mih mo Zyɛm ó, ebe taa buʼo nye lé ejyɛʼ boo Yesʉs-Krɨst ɨ. Bɨna bɨ jyɛʼ ga taa buʼo yina nteme boo Krɨst é l'efu ó, bɨna nkʉʼ bi ga mokebe é zi buʼo gwar yaa. Abe e mʉr lé ebi mokebe ebe mbi nye lé edu motie e. Mʉr ákwoʼ bi mokebe é mih mo Zyɛm ebe mbi nye lé edu motie me e.

1 Korɛnt 4:7

Ebe, zé a bɨr gwɔɔ kʉ, laa bʉr bɨbɛh? Yé go ndɨ e ye, yaa go a baabi ɨ? Yé be ó, go a bi ye ó bi biʼe nɛʼɛ, ebe yé go lé edoʼo e ye e? Go esa mpʉ sa lɛɛ ó, yé abe etʉm go a ntɨhɔ ɛ!

Rôm 11:6

Nye a pɛh be ó, ebe ncwɨncwɨa we; nye a baapɛh be ebe mɨmpaŋ bɨsyɛɛla byɔɔ. Nkʉ nye a be ó be, pɛh be ebe bɨsyɛɛla byɔɔ nɛʼɛ, mpa ncwɨncwɨa a baaka be ncwɨncwɨa.

Rôm 10:5

Moyiz a tile ó, ebi mokebe é mih mo Zyɛm, lé ó mʉr duʼo motie me. Nye ó: «Waa nyiwɛh lé edu motie e, nye óbi tiʼ molu mo mpoʼ mɨmɛh ó, ebe mbi nye lé edu motie maa ɛ.»

Rôm 9:32

Ebe yé, bé a baabi mokebe é zi waa ɛ? Yé a be ó, ebe, bé a baajyɛʼ taa buʼo yɔɔ boo Zyɛm! Bé a kʉ ka jyɛʼ ye ó njɨ é bɨsyɛɛla byɔɔ. É mpʉ bé a du zi waa ɛ, bɨ ze to duma temezi. Bé a bɨm ebɔʼ ó, é l'ekoʼ.

Rôm 9:11

Zyɛm a lɛɛ nye ó: «Tʉl óbe ó syɛl mosa mo ncyom we.» É jɔʼ Zyɛm a lɛɛ no e, lʉʉ egbah, lé a baapa byɛl, apa sa syɛɛla gwar, nkʉ mpaŋ syɛɛla ngwar, nkʉ syɛɛla ebebe gwar. Zyɛm a sa no ó, lé elɛʼle ó, nye esa bɨsa bye ó mpʉ nye lé ekpɛl ɨ. Nye epɛh mʉr, le ejebe nye ó, lé edu mɨtiʼa mɨ leme we nye mʉr tɨ. Nye apɛh mʉr é dɔɔ mɨmpaŋ bɨsyɛɛla mʉr waa a taare sa ɛ.

Rôm 8:2

Bɨna bé a be ga ó mɨmɛra é mpila mɨsyem. Mɨsyem myaa, myé ó b'a liŋ bɨna ga odwè é mih mo Zyɛm. Mbɨambɨa Sisim ze dwe bɨna ga tiʼ molu mo mpoʼ mɨmɛh é zyɛŋa ga wina boo Yesʉs-Krɨst.

Rôm 7:25

Bɨna dweʼ ga Zyɛm ekiba é zyɛŋa ga wina boo Tî ga wina Yesʉs-Krɨst! Yé ó mpʉ me ndɨ e nkul elɛɛ ó, mɨpɛhla mɨ leme wam, myé egwɨm sea syɛɛ ó, yaa motie mo Zyɛm ndɨ etɨe e. Nyʉl bɨpuno wam nyɛɛ, nye ekʉ ka kpɛl ó njɨ me diʼe elʉa mo Syem, le edu mɨnjwɨr mye.

Rôm 7:23

To kœb ó, me ebee é bɨpeh bɨ nyʉl wam ó, yé e lʉʉ etie lé elwimla e l'etie lé eduho é mɨpɛhla mɨ leme wam ɨ. Syem ndɨ é me e, wé ó lé entaa ocyoo wam, me ntɔʼ lihba elʉa mo Syem ndɨ me é bɨfum bɨ nyʉl ɨ.

Rôm 3:19

Bɨna bé egʉa ga ó, sa yiyɛh ndɨ Kalara Zyɛm ɨ, yé ó é l'efu e bʉr o ndɨ é monkara mo mɛra motie e. Motie Zyɛm a tiile be e, mé epɨr bʉr bɨbɛh mɨnʉm, le edwe bɨbɛh mobe é mih me.

Yʉanes 3:36

Mʉr lé ejyɛʼ taa buʼo ye boo mwan waa ɛ, nye ó ngo bi tiʼ molu mo mpoʼ mɨmɛh. No ó, waa ndɨ esa Mwan mo Zyɛm ebɨh ɨ, nye aŋa bi tiʼ molu mo mpoʼ mɨmɛh yaa, ebe, Zyɛm ókpaa empime e nye.»

Markus 16:16

Waa ójyɛʼ taa buʼo ye boo me, ntɔʼ nʉa ndubo e, nye óbi tiʼ molu mo mpoʼ mɨmɛh. Waa óbe, ajyɛʼ taa buʼo ye boo me e, nye ókabɔ bɨntɨʼa ndɨ é laŋle bebe e.

Rôm 3:26

No ó, banana, nyi ka lɛʼle bʉr ó, nye mʉr tɨ, nye ó cɨcyel mʉr. Nye nteme, nye ó waa lé edwe bʉr o ndɨ ejyɛʼ taa buʼo yɔɔ boo Yesʉs ɨ, mokebe e.

Rôm 9:31

Bwa b'Ɨzraɛl bɛɛ, bé a saa-saa ó, bé biʼe mokebe é mih mo Zyɛm ebe mbi bé a be lé edu motie e. To kœb ó, bé a baabi mokebe maa.