Rôm 3:26 - Kálara Zyɛ̌m Edwán é mpʉ̌n

²⁶ No ó, banana, nyi ka lɛʼle bʉr ó, nye mʉr tɨ, nye ó cɨcyel mʉr. Nye nteme, nye ó waa lé edwe bʉr o ndɨ ejyɛʼ taa buʼo yɔɔ boo Yesʉs ɨ, mokebe e.

Kálar Nzyɛ̌m : Ejwán é Sáá

²⁶ Nó ó, ɨ́ báánâ, nyɨ́ kǎ lɛ̂ʼle bʉ̂r ó, nye mʉr tɨ̂, nye ó tîtyěl mʉr. Nyě dwé nkâm ó, bʉr o dí edyɛ̂ʼwo e Yésʉs bá.

Rôm 3:26 ပူးပေါင်းရင်းမြစ်များ

Rôm 4:5

To kœb ó, mʉr ngwar é sama bʉr o ndɨ asa mɨmpaŋ bɨsyɛɛla ɛ, nye óbɛm jyɛʼ taa buʼo ye boo Zyɛm, ebe, nye ó waa ndɨ edwe bʉr o ndɨ adwaabe nye e, mokebe e. Zyɛm óbee mpʉ nye ndɨ ejyɛʼ taa buʼo ye boo nye e, ntɔʼ nʉa buʼo ye mpʉ bɨsyɛɛla bɨ ocɨcyel.

Rôm 3:30

ebe, Zyɛm, nye ó njɨ ngwar! É nko paʼ bʉr o b'a saŋɔ mpʉn ɨ, nye edwe be mokebe ó, ebe taa buʼo bé lé ejyɛʼ boo Zyɛm ɨ. Nye edwe mokebe nteme ó, bʉr o b'a baasaŋɔ mpʉn ɨ, ebe buʼo gwar yaa.

Rôm 8:33

Zé ndɨ e nkul epur mɨpɛha mɨ bʉr mo Zyɛm? Zyɛm nyɛɛ, nye abe e nkul esa no, ebe, nye mʉr tɨʼ ó b'a sa ó, bɨna biʼe ga mokebe é mih me!

Mɨngwiha 15:3

jɛɔ jɛɛ mo Moyiz, syɛl mosa mo Zyɛm. Jɛɛ yaa nteme, yé ó yaa mo Ma Ntœme. Bé a jɛɛ ó: «Da Zyɛm Nkul nyiwɛh! Bɨsyɛɛla byo, byé é laŋle bwaʼ. Ndwe nteme, byé ó bɨsa bɨ jehe. Mozi mo mɨmɛh, mé ó ocɨcyel. Mé ó maa mo ocyecye. Ndwe nteme, go ó Njwɨɨbʉr lé ekœʼ e bɨkul bibyɛh ɛ.

Lʉkas 1:80

No ó mwan waa a ze gwɨe le ebi molele é sisim. Nye a di-di ó, é feha si, to pyal é dobo nye a cyɛb é mih mo bwa b'Ɨzraɛl lé elɛʼle nyʉl ɨ.

Rôm 3:25

Zyɛm a ntɨh Yesʉs ó, nye ntaʼ, ze dwè, jala e mɨsyem ga mina é l'efu ó, efie le nkʉʼ leʼe empime mo Sɔŋ. Nye a dwè ó, nye nkʉʼ kɛm bʉr, ó bé jyɛʼɛ taa buʼo yɔɔ boo nye é lɔb ndwɛa motié waa ɛ. É zea Yesʉs-Krɨst a ze e, Zyɛm a si lɛʼle mpʉ nye ndɨ cɨcyel ɨ. Mɨsyem bʉr, bé a bɛa sa-sa ɛ, Zyɛm a si bul dihbe mye, kʉ lɛŋ mye é buobuo, alwib.

Rôm 3:27

É mpʉ yé ndɨ no e, zê mʉr óbana to dolo lé edoʼo e bɨsyɛɛla bye nye mʉr tɨʼ ɛ? Hɨʼɨ, yʉʉ sɔʼɔ, yé abe no. Yé ndɨ ekamle bɨna lé edoʼo ga? Zê motie mo Zyɛm ó ndɨ ekamle bɨna ga lé edoʼo ɛ? Hɨʼɨ, sa ndɨ esa ó, bɨna beʼ l'aka doʼo ga ɛ, yé ó buʼo bɨna mu lé edu ga ɛ,