Rôm 3:25 - Kálara Zyɛ̌m Edwán é mpʉ̌n

²⁵ Zyɛm a ntɨh Yesʉs ó, nye ntaʼ, ze dwè, jala e mɨsyem ga mina é l'efu ó, efie le nkʉʼ leʼe empime mo Sɔŋ. Nye a dwè ó, nye nkʉʼ kɛm bʉr, ó bé jyɛʼɛ taa buʼo yɔɔ boo nye é lɔb ndwɛa motié waa ɛ. É zea Yesʉs-Krɨst a ze e, Zyɛm a si lɛʼle mpʉ nye ndɨ cɨcyel ɨ. Mɨsyem bʉr, bé a bɛa sa-sa ɛ, Zyɛm a si bul dihbe mye, kʉ lɛŋ mye é buobuo, alwib.

Kálar Nzyɛ̌m : Ejwán é Sáá

²⁵ Nzyɛ̌m á ntɨh nye ó, nye ntáa dwe, búra e misyóm gá míná lɨ́ esú lé éleʼě Nzyɛ̌m ɨ́ nkpaa nyé. Nye á dwe ó, nye nkʉ̂ kɛm bʉ̂r o dí ebúʼlǎ ndwéá métié waá bá. Ɨ́ nzéá Yésʉs-Krîst á nze wɨ́, Nzyɛ̌m á si lɛ̂ʼle mpʉ nyé dí tîtyěl yɨ́. Misyóm bʉ̂r bé á boo sɨ̂sa mí, Nzyɛ̌m á si bu dûhwo myê, kʉ́ lɛŋ myé ɨ́ buo buo, alwib.

Rôm 3:25 ပူးပေါင်းရင်းမြစ်များ

1 Yʉanes 4:10

Mpaŋ kpɛl, yé abe yaa bɨna lé elɛʼle ga Zyɛm ɨ. Mpaŋ kpɛl, yé ó yaa Zyɛm nyɛɛ a lɛʼle bɨna ga ɛ, ebe, nye a si ntɨh bɨna ga Mwan we. Nye ó mʉr a dwè, jala e mɨsyem ga mina, lé eleʼe empime mo Zyɛm ɨ.

1 Yʉanes 2:2

Ebe, Yesʉs-Krɨst, nye ó mʉr a dwè, jala e mɨsyem ga mina, efie le laa, lé ó ngo leʼe empime mo Zyɛm. Abe njɨ mɨsyem ga mina, myé ome. Nye a dwè ó, jala e bʉr o si nwaʼ nyiwɛh!

Rôm 5:9

Yesʉs pa taare pyɛl motié me, ntɔʼ dwè é l'efu ó, nye dweʼ bɨna ga, osyɛl be ebebe, mokebe, a dwɛʼra e sa nye ósa bɨna ga ɛ! Nye ókʉ baʼle bɨtiʼ ga bina é jɔʼ Zyɛm ókpaa empime e bʉʉ bʉr ɨ.

Mɨlʉmlʉ 17:30

«É jɔʼ mya, bɨmpam bin, byé a be-be ó, lé ejeʼe Zyɛm. Nye a baabul gba ebɨh laa é nkɔb. No ó, banana, nyi ka lɛɛ e bʉr bɨbɛh é bɨgumo bibyɛh ó, bé gwɨma mobebe mɔɔ le edwir mɨleme.

Ebrœ̂ 10:4

Ebe, motié mɨnjʉm bɨntɛɛ ndwe e maa bɨkɨla, mé ákwoʼ sa ó, Zyɛm pɛʼɛ baa nye a niʼe mʉr é lɔb mɨsyem mye e.

Mɨngwiha 13:8

No ó, odil o si nwaʼ bɨbɛh, bé ódwiibɨ tir waa, pɛʼ njɨ baa Zyɛm a bɛa tile mie mɔɔ é kalara tiʼ we e. Kalara waa a bɛa be tila ó, duho é l'etɛɛrɨ e si nwaʼ ɛ. Nye ó é mobo mo Ma Ntœme bé a bɛa jʉ ɨ.

Ebrœ̂ 11:7

É zi buʼo, Noe a si joʼo é jɔʼ Zyɛm a bal nye é lɔb sa yé a be ó, yé ósyɛɛlɨ ɨ. Nye l'apa bee ye e dih, nye a be ó si nʉa lwib mo Zyɛm yaa, gba é nkɔb, ntɔʼ kpaʼ byɛl, du mpʉ Zyɛm a tɨe nye ó, nye saʼ ɛ. Nye ze ni tɨ, bé e mbɛr bʉr we, bɨbɛh ntɔʼ tiʼe. É mbi waa ó nye a dwe bʉʉ bʉr mobe e, nyɛɛ ntɔʼ bi mokebe é mih mo Zyɛm, maa lé eduho é buʼo e.

Rôm 5:1

Zyɛm mu ó si dwe bɨna ga mokebe ebe taa buʼo bɨna lé ejyɛʼ boo Krɨst ɨ. Ebe no ó bɨna ga e boo Zyɛm mu mbɨmbɨa, dumo e Tî ga wina Yesʉs-Krɨst ɨ.

Mɨngwiha 20:15

Bʉr o b'a be, abe e mie mɨtila é kalara tiʼ ɨ, bé nteme, bé a si guhɔ é Bɨ-siʼe.

Mɨngwiha 5:9

Bé a jɛɛ-jɛɛ ó, edwan e jɛɛ. Bé ó: «Go ó lé ejala le enʉa mbom kalara wi, bʉ oluʼ bé a ŋmɛhɔ sitam ɨ, le egwìh mbom kalara, ebe, go a si jʉŋɔ. Go ntɔʼ jɛna bwaʼbwaʼ tɔɔ, lé ekʉr bʉr. Motié mo, mé a si bwam Zyɛm Sɔŋ sa yé a jala e nye e: bʉr o moveh mɨmɛh, ndwe e bɨlwib bibyɛh, bʉr o mɨlal mimyɛh, ndwe e bɨkul bibyɛh.

Ebrœ̂ 11:14

Bʉr o lé elwib é mbi waa ɛ, bé elɛʼle tɨʼ ó, bé esaa lal bé ódi ɨ.

1 Yʉanes 1:10

Yé be ó, bɨna bé ekɛla ga ó, bɨna bé asa ga syem nɛʼɛ, lɛɛ ó, bɨna bɨ lɛɛ ga ó, Zyɛm ó ndɨ mpʉmpʉl. Lwib ye, yé abe e ja é mɨleme ga mina.

Ebrœ̂ 11:17

É zi buʼo, Abraham a si kebe é jɔʼ Zyɛm a boblo nye e. Abraham ze sa ó, nye jʉ ó nye Ɨzak tɔɔ motwina. Abraham ó b'a bi monkɛʼ monɨnɨ mo Zyɛm. Leme, wé a be ó nye é ntɨɨɨŋ ó, nye kɛha ó etiʼe e mwan le laa.

Ebrœ̂ 9:5

Yé a be nteme ó e mbuura Wolo sàa, gumo bé a myɛʼ-myɛʼ motié mé a leʼe-leʼe empime mo Zyɛm ɨ. É mbuura waa kʉ, yé a be ó e bɨdweʼle bɨ okerʉbim oba. Mompaba mɔɔ, mé a be ó mɨsyɛma, lé esa duʼbo é nko paʼ mbuura. Bé ó b'a be lé elɛʼle ó, Zyɛm, nye ó tɨʼ é gumo yaa. Bɨna bé abe e nkul epu bɨsa byaa si wâʼ é banana.

1 Timotɛ 1:15

Lɔɔ wi, wé ó lɔɔ ebuʼla, waa bʉr bɨbɛh lé ejala le emɛʼle e: Yesʉs-Krɨst a ze kaʼ é si nwaʼ ó, nye ntaʼ, ze dwe osyɛl o mɨsyem tiʼ molu mo mpoʼ mɨmɛh. No ó, é sama osyɛl o mɨsyem yaa, mɛm ó b'a be si sahle!

Rôm 5:11

Yé abe njɨ no, yé ome: bɨna mu lé emɨɨla ga nteme ó, dumo e Tî ga wina Yesʉs-Krɨst, é zyɛŋa ga wina boo Zyɛm. Nye ó b'a sa sàa paʼra ga wina boo Zyɛm é jɔʼ yi.

Rôm 3:26

No ó, banana, nyi ka lɛʼle bʉr ó, nye mʉr tɨ, nye ó cɨcyel mʉr. Nye nteme, nye ó waa lé edwe bʉr o ndɨ ejyɛʼ taa buʼo yɔɔ boo Yesʉs ɨ, mokebe e.

Rôm 2:4

Zyɛm nyɛɛ yɛɛ si lɛʼle go ncwɨncwɨa we laŋle. Nye nteme a si bee mɨsyem myo, alwib. Nye a si bul dihbe le. Zê go mu ó lé epyeh bɨsyɛɛla bye byaa ɛ? Zê go agʉa bim embɨa nye a sa go e? Embɨa le, lé ejala le elɛʼle leme go zi egwɨma mobebe mo, le edwir leme.

Mɨlʉmlʉ 4:28

To kœb ó, syɛɛla bé a sa ɛ, yé ó b'a dira sa go a bɛa tiʼe é leme go, lé edu mpʉ nkul go le gwɨma yo ndɨ ɨ.

Mɨlʉmlʉ 3:18

To kœb ó, é mbi nɨ ó Zyɛm a bir ó, bʉr saʼ syɛɛla ebebe nye a bɛa lɛɛ ó, bé ósa ɛ. Yé ntɔʼ syɛɛ no ó, lé edira mɨlɔɔ nye a bɛa lɛɛ é mɨnʉm mɨ ogwiha o mɨlɔb be ó, Lœma mulo mo Zyɛm ósia e mɨtuu no, nye ntɔʼ dwè.

Mɨlʉmlʉ 15:18

waa lé ebɛa gʉa bye, taare mya ɛ.”»

Mɨlʉmlʉ 2:23

Zyɛm a bɛa gʉa ó, bɨn bé ókɛha nye é mobo mo bʉr o ndɨ entaa motie e. Bɨn bé a kʉ du ó, mpʉ nye a bɛa tiʼe é leme we e. Bé ze cyèl nye é klos kʉ, jʉŋɔ nye.

Yʉanes 6:47

Me elɛɛ bɨn cyecye ó nɛɛ: mʉr lé ejyɛʼ taa buʼo ye boo me e, nyi bi tiʼ molu mo mpoʼ mɨmɛh.

Mɨlʉmlʉ 14:16

Molu pihe, nye a si bir bɨkul bɨ bʉr, tɔɔ mɨmya é buobuo ó, bé toʼ é mɔɔ mozi bé bʉr o tɨʼ, bé a bɛa pɛh ɛ.

Rôm 5:18

Jwɨʼ gwar e gwar mpʉ bʉr bɨbɛh, bé a dweŋɔ mobe, duho é mʉr ngwar a ntaa etie e, no nteme ó, mpaŋ syɛɛla mʉr ngwar a sa ɛ, yé ópɛʼ bʉr bɨbɛh é nkar ɨ. Bé ósɔba é feerɨ, ze bi tiʼ molu mo mpoʼ mɨmɛh.

1 Korɛnt 5:7

Pɛʼɛ ga njʉ̌m levure waa, ó bɨn liʼɨ mɨleme é pupupu. No ó bɨn bé óbe edwan e bler, abe e levure ɨ. Me egʉa ó, bɨn mu ó bɛa be no, ebe, Krɨst a be ó si tiʼɔ tɔɔ ma ntœme, lé esa ó, bɨna jema ga ebʉʼ e Paska le.

2 Korɛnt 5:21

Mʉr a baasa syem ɨ, nye ó ndɨ waa Zyɛm a kɛl mɨsyem mimyɛh é koo é ziʼrɨ ɨ. Yé a be ó é l'efu ga lɨna, ó bɨna nkʉʼ di ga ocɨcyel o bʉr é mih mo Zyɛm dumo e cɨcyel mʉr waa.

Éfɛsɔs 1:7

Mwan waa ó b'a pyɛl motié me, ntɔʼ jɛna mobyaʼ, le edwih bɨna ga é mpila ebebe é pololo. Nye a sa no ó, Zyɛm pɛʼɛ bɨbaa nye a bɛa niʼe bɨna ga é lɔb motie bɨna bé a ntaa ɛ. Zyɛm a sa bɨna ga bɨsyɛɛla byaa bibyɛh ó, lé elɛʼle bɨna ga mpwaʼ ncwɨncwɨa we.

Éfɛsɔs 2:13

To kœb ó, banana, bɨn mu ó é zyɛŋa win boo Yesʉs-Krɨst! Bɨn bʉr o b'a taare be é ncɛra e Zyɛm ɨ, bɨn mu ó kunokuno e nye, cwɨɨ é zi motié mo Krɨst.

Ebrœ̂ 9:28

Jwɨʼ gwar e gwar yaa nteme e Krɨst. Nye a kʉ ka dwè ó njɨ é jɔʼ gwar é l'efu ó, nye jala e mɨsyem mɨ bʉr é buobuo. É dobo nye óbula ze e, nye aŋa bâʼle dwih bʉr é mpila ebebe lɔɔ. Zea nye óze e, wé óbe ó, lé edwe bʉr o ndɨ ebono nye e, tiʼ molu mo mpoʼ mɨmɛh.

Mɨngwiha 1:5

Mocyɛʼ mo mpom le motala mo Yesʉs-Krɨst, mé swɨŋɨ é bɨn. Nye ó ndɨ mpaŋ mboʼla, le mʉr ebuʼlɔ. Nye ó mwan modweʼe mo Zyɛm a pàh é foo e. Nye ó ndɨ ejwɨʼ mɨnjwɨɨbʉr mɨ si nwa. Nye a si kpɛl bɨna ga, nye ze sʉ motié me si, lé edwih bɨna ga é mpila mɨsyem ga mina é pololo.