Rôm 3:21 - Kálara Zyɛ̌m Edwán é mpʉ̌n

²¹ To kœb ó, banana, Zyɛm, nyi lɛʼle bʉr ó, bé e nkul ebi mokebe, abe ó, bé edu motie mo Moyiz. Nye mʉr tɨʼ a si kar zi fih é l'efu le edwe bʉr baa mokebe. Motie mo Moyiz ndwe e sikʉlʉ ogwiha o mɨlɔb, bé a dwe e, yé eboʼlo ó, zi waa, nye ódibɔ.

Kálar Nzyɛ̌m : Ejwán é Sáá

²¹ Tó kœb ó, ɨ́ báánâ, Nzyɛ̌m, nyɨ́ lɛ̂ʼle ó, bʉr bíʼee nkam abe ɨ́ mbaʼlá métié. Nye mû ó sí kar nzɨ́ swîh nyaá lɨ́ esú lé édwe bʉ̂r nkam. Moyɨ̂z, bé le ogwíha o mílɔ̌b, bé á si nyɛɛ boʼlo lɔ̌b nzɨ́ nyaá.

Rôm 3:21 ပူးပေါင်းရင်းမြစ်များ

Mɨlʉmlʉ 10:43

Nye ó mʉr lɔb we ndɨ tila é l'okalara be ogwiha o mɨlɔb bɨbɛh ɛ. Bé a lɛɛ-lɛɛ ó, mʉr nyiwɛh ójyɛʼ taa buʼo ye boo nye e, Zyɛm ópɛʼ bɨbaa nye lé eniʼe é lɔb mɨsyem mye e. Nye ósa no ó, ebe die mo Yesʉs.»

Filipi 3:9

Me egwɨm ó, Zyɛm beŋɨ njɨ ó, me ó é zyɛŋa wih boo nɔɔ. Me agwɨm bi mokebe é mih me ebe mbi me lé edu motie e. Me egwɨm ó, nye dweʼ me mokebe ebe taa buʼo me lé ejyɛʼ boo Krɨst ɨ.

Galásia 3:8

Bé a si bɛa tile é Kalara Zyɛm ó, Zyɛm ódwe bʉr o bɨkul mokebe é mih me ó, ebe taa buʼo bé ójyɛʼ boo nye e. No ó, Mbɨambɨa Lɔɔ wi, wé a taare tunɔ ó, Abraham. Zyɛm a lɛɛ e nye ó: «Me ósʉ bɨkul bɨfih mocyɛʼ mo mpom ó, é zi go,»

Rôm 5:19

Jwɨʼ gwar e gwar mpʉ mʉr ngwar a sa Zyɛm ebɨh, Zyɛm nyɛɛ ntɔʼ láa ó, bʉr é buobuo, bé mu ó osyɛl o mɨsyem ɨ, jwɨʼ gwar yaa nteme ó, é jɔʼ mʉr ngwar a sa Zyɛm mojoʼo e, Zyɛm a be ó si láa ó, buobuo bʉr, bé mu ó ocɨcyel o bʉr ɨ.

Rôm 1:17

Mbɨambɨa Lɔɔ waa, wé elɛʼle mpʉ bʉr lé ebi mokebe é mih mo Zyɛm ɨ. Mokebe maa, mé edweŋɔ ó, njɨ ebe taa buʼo mʉr lé ejyɛʼ boo Krɨst ɨ, taare é l'etɔɔrʉ, to pyal é l'efehle. Yé ó mpʉ yé ndɨ tila é Kalara Zyɛm ɨ. Yé ó tila ó: «Mʉr ndɨ e tiʼ molu mo mpoʼ mɨmɛh ɛ, nye ó njɨ waa a bi mokebe é mih mo Zyɛm ebe taa buʼo nye a jyɛʼ boo nye e.»

Rôm 1:2

Mbɨambɨa Lɔɔ waa, Zyɛm a si bɛa kɛʼ é zi ogwiha o mɨlɔb ó, nye óntɨh bɨna ga wa. Nkɛʼ waa, nye ó tila é Kalara Zyɛm.

Mɨlʉmlʉ 15:11

To kœb ó, bɨna bɛɛ, bé ebuʼla ga ó, bɨna bé óbi tiʼ molu mo mpoʼ mɨmɛh ó, njɨ ebe ncwɨncwɨa mo Da Yesʉs, jwɨʼ gwar e gwar e mbi bé óbi nteme nye e.»

Lʉkas 24:44

Nye ze lɛɛ e be ó: «Bɨsyɛɛla bi, byé ó byaa me a bɛa lɛɛ bɨn ó, byé ósyɛɛlɨ ɨ. Bɨna dina lé ekœʼ ga sama, me a bal bɨn ó, sa yiyɛh, yé ósyɛɛ lé edira mɨlɔɔ ndɨ tila é l'okalara o motie Moyiz a tile e, e sikʉlʉ ogwiha o mɨlɔb bé a dwe e, ndwe e Kalara OSam, tiibe e me e.»

2 Pyɛr 1:1

Mɛm, Simɔn Pyɛr, ndɨ syɛl mosa mo Yesʉs-Krɨst, ndɨ nteme lʉmlʉ we e, ó lé etile bɨn kalara nwa. Me etile ó bʉr o b'a bi mbi buʼo bɨh ndɨ e ye e, buʼo ga yina e l'odime é mɨpaʼ mimyɛh. Bɨna bé a bi ga buʼo yaa ó, ebe syɛɛla mo Yesʉs-Krɨst yé a be cɨcyel ɨ. Nye ó Zyɛm ga wina le Tiʼbʉr ga wina.

1 Pyɛr 1:10

Ogwiha o mɨlɔb, bé a bɛa gwih ó, Zyɛm ólɛʼle bɨn ncwɨncwɨa we, lɛɔ nteme ó, Zyɛm óbana dwe bɨn tiʼ molu mo mpoʼ mɨmɛh. Bé a si saa egʉa mozi nye a be ó, nye ótiʼ bɨn e tɨʼ ɨ, é saa saa, abeɔ.

Galásia 5:5

É wih paʼ, bɨh bɛɛ, bé a si jyɛʼ taa buʼo yih boo Zyɛm. Ebe buʼo yaa ó Mbɨambɨa Sisim lé egba bɨh mbɛla é mɨleme e. Bɨh bé e mbɛla ó, bɨh bé óbana bi mokebe é mbo mo Zyɛm.

Rôm 16:26

yaa nye a ka gwih bɨna ga ɛ. Mpaŋla waa a bɛa be ó tila é l'okalara be ogwiha o mɨlɔb. Bʉr o bɨkul bibyɛh, bé mu ka gʉa nye ó, é mpʉ Zyɛm a bɛa lɛɛ é l'efu lɔɔ ɛ. Zyɛm ndɨ njʉmdia e njʉmdia ɛ, a cen be mpaŋla lé etiibe e mʉr waa ó, bé nkʉʼ jyɛʼ taa buʼo yɔɔ boo nye, le esa nye mojoʼo.

Mɨlʉmlʉ 26:22

Sa gwar, Zyɛm a si kʉ kamle e me, ze pyal é muh é dobo lɨ. Me dina ó wâ, lé elɛɛ bʉr bɨbɛh lɔb mo Yesʉs, taare é baanteʼenteʼe, to pyal é l'osabene. Me alɛɛ yʉʉ sa fih, njɨ mɨlɔɔ lé etiibe e bɨsyɛɛla ogwiha o mɨlɔb ndwe e Moyiz bé a bɛa lɛɛ ó, byé ósyɛɛlɨ ɨ.

Yʉanes 1:45

Pie tɨ, Filip ze to bee Natanaɛl. Nye e nye ó: «Bɨh bɨ bee mʉr lɔb we ndɨ tila é motie mo Moyiz, waa ogwiha o mɨlɔb, bé a tile, tiibe e nye e! Mʉr waa, nye ó Yesʉs, mwan mo Yoseb, mʉr Nazarɛt!»

2 Korɛnt 5:21

Mʉr a baasa syem ɨ, nye ó ndɨ waa Zyɛm a kɛl mɨsyem mimyɛh é koo é ziʼrɨ ɨ. Yé a be ó é l'efu ga lɨna, ó bɨna nkʉʼ di ga ocɨcyel o bʉr é mih mo Zyɛm dumo e cɨcyel mʉr waa.

1 Korɛnt 1:30

Bɨn bé ó é zyɛŋa win boo Yesʉs-Krɨst ó, dumo e Zyɛm. Nye ó b'a sa nteme ó, bɨn biʼe ocyoo mo Yesʉs. Bɨn mu ó ocɨcyel o bʉr é mih me, dumo e Krɨst. Krɨst nteme ó b'a pubo bɨna ga. Nye ó b'a dwih bɨna ga é mpila ebebe é pololo.

Rôm 9:30

Yé be no nɛʼɛ, bɨna kaʼ lɛɛ ga é yé, tiibe e bʉr o ndɨ abe oYʉden ɨ? Bʉr o b'a baasaa zi ebi mokebe é mih mo Zyɛm ɨ, bé ó b'a ka bi mokebe maa. Sa gwar, bé a bi me ó, ebe taa buʼo bé a jyɛʼ boo Krɨst ɨ.

Rôm 5:21

Jwɨʼ gwar e gwar mpʉ Syem, wé a jwɨ̀ʼ bʉr, ntɔʼ jʉ be e, jwɨʼ gwar e gwar yaa nteme ó Ncwɨncwɨa mo Zyɛm mu lé ejwɨʼ bɨna ga ɛ. Nye edwe bɨna ga mokebe é mih me ó, nye nkʉʼ dwe bɨna ga tiʼ molu mo mpoʼ mɨmɛh dumo e Tî ga wina Yesʉs-Krɨst.

Mɨlʉmlʉ 28:23

Bé ze cyel moho, bé e boo nɔɔ, bé a be ó, bé óbɔma ɛ. É jɔʼ moho waa, wé a pyal ɨ, bé ntɔʼ ze e bʉr é buobuo, ze kœb nye é gumo nye a di-di ɨ. Taare é mɛn, to pyal é bii kʉʼ, Pol a be ó lé epɛʼle be lɔɔ Zyɛm, le eboʼlo, tiibe e jwɨ̀ʼa mo Zyɛm, ndwe le esaa ó, nye dulo ó be, ó bé buʼla sikʉlʉ nye a dwe lé etiibe e Yesʉs ɨ. Nye a kœb-kœb sikʉlʉ nɨ ó, é motie mo Moyiz ndwe e sikʉlʉ ogwiha o mɨlɔb, bé a dwe e.

Rôm 3:28

ebe, mbea wih, wé ó, mʉr Zyɛm lé edwe mokebe e, nye ó waa lé ejyɛʼ taa buʼo ye boo Zyɛm ɨ. Nye adwe nye mokebe é dɔɔ mbaʼla motie we.

2 Korɛnt 3:9

Sa Moyiz a sa ó, bʉr nkʉʼ dweŋɔ mobe tɨʼ ɨ, yɛɛ pa taare ncɛnba, a dwɛʼra e yaa Zyɛm a sa ó, bʉr biʼe mokebe tɨʼ ɨ! Yé óbe ó, é ncyɛn-nti-ncyɛn, laa yiha.