Rôm 3:2 - Kálara Zyɛ̌m Edwán é mpʉ̌n

² Yé e nyɔm é mozi mɨmɛh! Gumo nyɔm we ndɨ enyin ɨ, yé ó, Zyɛm a taare timle mɨngwiha mɨlɔb mye ó, bɨh oYʉden, ó bɨh baʼla mye.

Kálar Nzyɛ̌m : Ejwán é Sáá

² Yé e nyɔm ɨ́ menzɨ̌ mɨ́mɛ̂h. Sá ésôʼ dí e nyɔm yɨ́, yé ó, Nzyɛ̌m á taare edwe mingwíhá mílɔ̌b myé ó, bɨ̌n oYúden.

Rôm 3:2 ပူးပေါင်းရင်းမြစ်များ

Rôm 9:4

Bɨɔ bam, bwa b'Ɨzraɛl, bé ó baa Zyɛm a pɛh ó, bé nkʉʼ cyelɔ é dia bwan o mobœʼa be. Bé ó b'a taare bee kum we. Nye a taare de mpʉn ó e be. Bé ó b'a joʼo motie nye a tiile e. Bé ó b'a taare lɛʼlɔ mpʉ bé lé ejala le edwiibɨ Zyɛm ɨ. Bé ó b'a taare bi monkɛʼ mo Zyɛm.

Mɨlʉmlʉ 7:38

Nye ó b'a kœʼ e bwa b'Ɨzraɛl, jɔʼ bé a be é feha si ɨ. Nye a be ó, bé e bɨmpam ga bina ndwe e l'engles a lwib e be é l'ecwɨʼ e Sinayi ɨ. Moyiz ó b'a taare bi mɨngwiha mɨlɔb é zi mo engles, ka ntɛŋ bɨmpam ga bina mya. Mɨlɔb myaa ó ndɨ edwe bʉr tiʼ molu mo mpoʼ mɨmɛh.

Ebrœ̂ 5:12

Yi bɛa laa jɔʼ bɨn bé a jala le epam oyeʼle e. To kœb ó, yé dina lé ejɨ ó, bʉʉ bʉr bâʼla ze dwe bɨn sikʉlʉ efoʼ bɨn bé a taare dweŋɔ é mɨlɔb mo Zyɛm ɨ! Bɨn dina ó kʉ be mpʉ bɨcyee lé ede njɨ monyaŋ ɨ! Bɨn bé apa jyɛnba lé ede mode mo otamabʉr.

1 Korɛnt 9:17

Nkʉ me a be ó be, pɛh syɛɛ elɛɛ lɔɔ waa nɛʼɛ, mpa yé ó syɛɛ me lé ebono myɛna e tɨʼ ɨ. No ó, é mpʉ yé ndɨ ó, me a lomɔ ó loma, agban gbana syɛɛ yaa ɛ, me ekʉ lɛɛ lɔɔ we ó, é l'efu le eloŋlo syɛɛ me a timlɔ ɛ.

1 Pyɛr 4:11

ǃƗ mʉr si sa ó, nye pyɛl ó mokan nɛʼɛ, yé beʼ yɛɛ maa mé óntɛŋ bʉr mokan mo Zyɛm ɨ. Yé be ó, nye fuʼo ó bʉʉ bʉr nɛʼɛ, nye fuʼa be e nkul Zyɛm nye mʉr tɨʼ a ntɨh nye e. No ó Zyɛm ódwiibɔ é zyɛŋa ga wina boo Yesʉs-Krɨst ɨ. Kum e nkul, byé dweŋɔ nye, njʉmdia e njʉmdia. Amɛn.

Mɨngwiha 22:6

Nye e me ó: «Mɨlɔb mɨnɨ, myé ó mɨmpaŋ mɨlɔb, le myaa mɨ ebuʼlɔ. Da Zyɛm, Sɔŋ mo ogwiha o mɨlɔb be, nyi lomlo osyɛl o mosa be engles we ó, nye ntaʼ, ze lɛɛ be sa mu kunokuno le epyal ɨ.»

Mɨngwiha 19:10

Jɔʼ me a joʼo no e, me ntɔʼ bɨʼ mpom wam si é mih me, lé edwiibɨ nye. Nye ze lɛɛ e me ó: «Daʼ sa no. Bɨna bé ó bʉr o ndɨ é l'empomo e syɛɛ egwar ɨ. Me ó mpʉ obɨɔ bo ndwe e l'okɛl bo ndɨ eboʼlo é lɔb mo Yesʉs ɨ. Dweʼ kum njɨ Zyɛm, ebe, ngwiha mɨlɔb nyiwɛh, nye eboʼlo ó, njɨ lɔb mo Yesʉs.»

1 Timotɛ 6:20

No ó, Timote ɛɛ! Baʼla sikʉlʉ Zyɛm a timle go e. Go à syɛhle baalwibalwiba o bʉr o ndɨ esa lɔɔ Zyɛm ebɨh ɨ, baa bʉr lé ejwɨʼ ó, bé ó «mpaŋ ngwɨa» ɛ.

Galásia 2:7

Yé a baakunbo le esyɛɛlɨ no, ebe, bé a mɛʼle ó, Zyɛm, nyi timle me Mbɨambɨa Lɔɔ, ó me toʼ le elɛɛ we é jɔʼ me ndɨ e bʉr o bɨkul bɨfih ɨ. Nye a timle me wa ó, é l'efu e bɨkul bɨfih, mpʉ nye a timle Pyɛr wa é l'efu le oYʉden ɨ...

2 Korɛnt 5:19

Ebe, Zyɛm a sa sàa e bʉr o si bɨbɛh ó, dumo e Krɨst. Nye aka láa bim bɨbaa nye a niʼe bʉr é lɔb motie bé a ntaa ɛ. Nye ze dwe bɨh nkul ó, bɨh toʼ le etuno mbɨambɨa sàa waa.

Rôm 3:3

No ó, bɨna bé ólɛɛ ga é yé, tiibe e bʉr o b'a baajyɛʼ taa buʼo yɔɔ boo Zyɛm ɨ? Zê elele e mɨleme lɔɔ, lé ó e nkul ekamle Zyɛm lé edira monkɛʼ me ɛ?

Rôm 2:18

Go elɛɛ-lɛɛ ó, mpʉ motie maa, mɨ bul tɨe go e, no ó go mu ó lé ekʉ gʉa sa Zyɛm lé egwɨm ó, go saʼ ɛ. Yé edib go zi ebɛʼ bɨsɔʼɔ, le epɛh yaa ndɨ é mbɨa ɛ.

Rôm 1:2

Mbɨambɨa Lɔɔ waa, Zyɛm a si bɛa kɛʼ é zi ogwiha o mɨlɔb ó, nye óntɨh bɨna ga wa. Nkɛʼ waa, nye ó tila é Kalara Zyɛm.

Yʉanes 5:39

Bɨn bé egba monyʉl lé ejwɨʼ Kalara Zyɛm é dwiii, bɨn lé ebee ó, tɨʼ ó bɨn bé óbi tiʼ molu mo mpoʼ mɨmɛh ɛ. To kœb ó, Kalara Zyɛm ngwar e ngwar waa ó ndɨ eboʼlo é lɔb wam!

Rôm 3:1

Yé be no nɛʼɛ, wáa nyɔm mʉr ndɨ e we é jɔʼ nye ndɨ mbyɛla Yʉden ɨ? Esaŋɔ mpʉn nteme lé e wáa nyɔm?