Rôm 2:9 - Kálara Zyɛ̌m Edwán é mpʉ̌n

⁹ Bʉr bɨbɛh ndɨ esa syem ɨ, Zyɛm óbul laŋle kab be bɨntɨʼa e mɨtuu. Bé ósia e bye, taare é l'oYʉden, to pyal é bʉr o bɨkul bɨfih.

Kálar Nzyɛ̌m : Ejwán é Sáá

⁹ Bʉr bɨ́bɛ̂h o dí esâ syóm bá, bé ósia e mitúú e mindɛ̌l, táare le oYúden, kala e baá o dí abe óYúden bá.

Rôm 2:9 ပူးပေါင်းရင်းမြစ်များ

1 Pyɛr 4:17

É jɔʼ yi, etiʼ e mɨlɔb ga lɨna mu ó si pyal! Zyɛm, nyi taare lé etiʼe mɨlɔb ga mina, bʉr o Mbɛr-Zyɛm. Tiʼa mɨlɔb waa pa taare nyan é nko paʼ ga wina, bʉr be, a dwɛʼra e bʉr o ndɨ esa Mbɨambɨa Lɔɔ ndɨ eduho boo Zyɛm ɨ, ebɨh ɨ!

Rôm 1:16

Me abe e nkul ejoʼo ba fwon lé elɛɛ Mbɨambɨa Lɔɔ, ebe, wé ó nkul mo Zyɛm é l'efu le etiʼ mʉr nyiwɛh óbuʼla we e, taare é l'oYʉden, to pyal é baa ndɨ abe oYʉden ɨ.

2 Tesalonika 1:6

Ebe, Zyɛm, nye ó cɨcyel é syɛɛla ye yiyɛh. Nye ókuna bɨn, ndwe le ebala bɨntɨʼa bʉr lé edwe bɨn ɨ.

Rôm 9:24

Sama bʉr baa, bé ó baa Zyɛm a pɛh ɛ. Nye a baapɛh-pɛh njɨ é kul bʉr oYʉden tʉŋlʉ. Nye a pɛh bʉr ó, é bɨkul bɨfih!

Rôm 2:10

Baa bɨbɛh ndɨ esa embɨa ɛ, bɛɛ, Zyɛm óseʼle be, le edwe be kum ndwe e motala. Nye ódwe be kum ó, taare é l'oYʉden, to pyal é bʉr o bɨkul bɨfih,

Mɨlʉmlʉ 3:26

No ó, é jɔʼ Zyɛm a ka lomo syɛl mosa we e, nye a taare lomo nye ó, bɨn ye, ó nye sʉʼo bɨn mocyɛʼ mo mpom me, le esa ó, mʉr nyiwɛh é sama yin, nye gwaʼa bɨsyɛɛla bɨ ebebe bye bibyɛh.»

Lʉkas 24:47

Yé a bɛa be tila nteme ó, bʉr, bé óto le elɛɛ Mbɨambɨa Lɔɔ é die le, lé eto le elɛɛ bʉr ó, bé gwɨma mobebe mɔɔ, le edwir mɨleme, Zyɛm pɛʼɛ be bɨbaa bɨ ebebe byɔɔ. Lɔb waa, wé ótunɔ ó, taare ɨ Yerʉsalɛm, to pyal é bɨkul bibyɛh.

Kolosi 3:11

É tiʼ edwan yaa, adu ga bwa mɨmbɛʼ ba: Nkʉ mʉr fih mʉr kɛ̀l, nye ó mʉr Grɛs, nkʉ nye ó Yʉden, nkʉ nye a be ó si saŋɔ mpʉn, nkʉ nye a baasaŋɔ mpʉn, nkʉ nye ó mʉr kul bʉr lé ebul cyɛlɔ ɛ, nkʉ nye ó mʉr kul bʉr o ndɨ ebul feha ɛ, nkʉ nye ó elʉa, nkʉ nye ó mʉr ndɨ é dia otî ɨ, ebe, Krɨst ó ndɨ lʉ sa yiyɛh é mɨpaʼ mimyɛh.

Galásia 3:28

Ziila, nye aka gʉa be paʼra Yʉden bé e mʉr kul fih. Yé aka gʉa be ziila paʼra elʉa bé e mʉr ndɨ é dia otî ɨ, nkʉ paʼra mʉma bé e mʉrʉm, ebe, bɨn bɨ di é zyɛŋa win boo Yesʉs-Krɨst. Bɨn bɨbɛh mu ka di ó é dia mʉr ngwar: Yesʉs-Krɨst.

Rôm 10:12

Ebe, mbɛʼ, wé abe paʼra oYʉden bé e bʉr o ndɨ abe oYʉden ɨ. Bɨbɛh, bé ó e njwɨʼa ngwar lé elɛʼle ncwɨncwɨa boo baa bɨbɛh lé ejwɨʼla e nye e.

Mɨlʉmlʉ 28:28

Pol ze ko tɨʼ ó: «Gʉŋa ga ó nɛɛ: mpaŋla nwa, waa ndɨ elɛɛ mpʉ Zyɛm mu lé edwe bʉr tiʼ molu mo mpoʼ mɨmɛh ɛ, nye mu ó lé ecenɔ bʉr o ndɨ abe oYʉden ɨ! Bɛɛ, bé ókʉ joʼo we!» [

Mɨlʉmlʉ 28:17

Molu molɛl, mé osi laa nɛʼɛ, Pol ntɔʼ baŋle ojwɨɨ be oYʉden bé a di ɨ Rom ɨ, bé ntaʼ, ze gwɨhla é mbɛr we. É jɔʼ bé a fwal ɨ, nye e be ó: «Obɨɔ ga bam aa! Me apa sa syɛɛla gwar ó, me lwimla e lal ga wina, nkʉ pyeh mɨnjwɨr bɨmpam ga bina byé a liʼe e. Dam be no, bé a si naʼ me mobo é nyʉl ɨ Yerʉsalɛm, ze ntɨhɔ me kaʼ Rom.

Mɨlʉmlʉ 26:20

Me a kʉ ka taare ó njɨ e tuno Mbɨambɨa Lɔɔ, taare é bʉr o Damas bé e baa o Yerʉsalɛm, ndwe e baa bɨbɛh ndɨ é lal Yʉda ɛ, to pyal é mɨlal mɨ bʉr o ndɨ abe oYʉden ɨ. Me a lɛɛ e bɨbɛh ó, bé gwɨma mobebe mɔɔ, dwir mɨleme, le ejyɛʼ taa buʼo yɔɔ boo Zyɛm. Bɨsyɛɛla byɔɔ, byé óbe ó bɨdweʼle, sa lé elɛʼle ó, bé mu ó ocɨcyel o bʉr, le mɨleme mɨndwira ɛ.

Mɨlʉmlʉ 20:21

Me a si boʼlo boo oYʉden, ndwe e bʉr o bɨkul bɨfih ó, bé gwɨma mobebe mɔɔ le edwir mɨleme, lé esa Zyɛm mojoʼo. Bé jyɛʼɛ taa buʼo yɔɔ boo Tî ga wina Yesʉs.

Mɨlʉmlʉ 13:26

«Obɨɔ ga bam ɔɔ! Bɨn mpoŋbʉr mo Abraham ɔɔ! Bʉr o ndɨ edwaabe Zyɛm ba ɔɔ! Bɨna ga ó b'a cenɔ mpaŋla é lɔb tiʼ Zyɛm mu lé edwe bʉr ɨ.

Mɨlʉmlʉ 11:18

Jɔʼ bé a sil joʼo mɨlɔb myaa ɛ, mɨleme ze fila be si. Bé ze dwe Zyɛm kum. Bé ó: «Yé ó no: Zyɛm, nyi toŋlo nteme baa ndɨ abe oYʉden ɨ, ndwe le edib be zi egwɨma mobebe mɔɔ, le edwir mɨleme, bé nkʉʼ bi tiʼ molu mo mpoʼ mɨmɛh.»

Mataos 16:26

ǃƗ mʉr si nʉa bɨsa bɨ si nwaʼ bibyɛh, fuʼla to dimle tiʼ ye nɛʼɛ, wáa nyɔm ndɨ nye tɨʼ ɨ? Yáa sɔʼɔ mʉr ndɨ e nkul esiila e ye ó, nye bâʼla nʉa tiʼ ye e?

Rôm 8:35

Zé ókoʼo lé ebɛʼ paʼra ga wina boo Yesʉs-Krɨst, mʉr a bul kpɛl bɨna ga ɛ? Zê mɨtuu e mɨndɛl, nkʉ mokɔbla? Zê tíila ɛ? Zê za ɛ? Zê sɔɔlʉ mompor ɛ? Zê dɔm, nkʉ fòŋ ɛ? Abe e sɔʼɔ!