Rôm 2:8 - Kálara Zyɛ̌m Edwán é mpʉ̌n

⁸ Bʉʉ bʉr bɛɛ, bé ó baanya-evuŋo. Bé esa epɨh lé edu sa ndɨ cɨcyel ɨ, bula du sa ndɨ ozyɛhozyɛh ɛ. Bɨha, bé ó baa Zyɛm óbul kpaa empime e be e.

Kálar Nzyɛ̌m : Ejwán é Sáá

⁸ Bʉ́ʉ́ bʉ̂r, bé lɨ́ epɨra páʼ nyɔ́ɔ́. Bé akam ótyeetye. Bé jaá dû ó, njɨ kʉ̌ tyen ónzyɛ́h ónzyɛ́h. Bɨ́haá, bé ó baá Nzyɛ̌m óbuú lɛ̂ʼle nkpáa nyé bá.

Rôm 2:8 ပူးပေါင်းရင်းမြစ်များ

Mɨngwiha 16:19

Nkana nɨnɨ yaa, yé ntɔʼ bwiʼ, ze bʉl mɨmyal mɨlɛl. Bɨnkana bɨfih é myʉʉ mɨlal nteme, byé a si duma si. Zyɛm a be ó si toŋlo bɨsyɛɛla mo Babilɔn, nkana nɨnɨ. Nye ntɔʼ kab nye bɨntɨʼa, lé edu mpʉ leme we, wé a loŋlo e l'empime é lurʉdʉ ɨ.

1 Pyɛr 4:17

É jɔʼ yi, etiʼ e mɨlɔb ga lɨna mu ó si pyal! Zyɛm, nyi taare lé etiʼe mɨlɔb ga mina, bʉr o Mbɛr-Zyɛm. Tiʼa mɨlɔb waa pa taare nyan é nko paʼ ga wina, bʉr be, a dwɛʼra e bʉr o ndɨ esa Mbɨambɨa Lɔɔ ndɨ eduho boo Zyɛm ɨ, ebɨh ɨ!

2 Tesalonika 1:8

Nye óze lé eze kab bʉr o ndɨ abuʼla ɛ, bɨntɨʼa, e baa ndɨ asa mojoʼo é jɔʼ bé lé ejoʼo Mbɨambɨa Lɔɔ mo Tî ga wina Yesʉs ɨ.

Mɨngwiha 14:10

nye óbee nteme mpʉ Zyɛm ókpaa empime e nye e. Nye ósia e l'empime laa mpʉ mʉr lé esia e monwoʼ é jɔʼ bé ndɨ ako ba modibe tɨʼ ɨ. Nye óntɨʼ mʉr waa ó e siʼe ndwe e pir. Nye óntɨʼɔ ó, é mih beengles ndɨ mɨsaŋ ɨ, ndwe e maa mo Ma Ntœme.

Ebrœ̂ 11:8

É zi buʼo, Abraham a si sa Zyɛm mojoʼo é jɔʼ nye a jebe nye ó, nye toʼ, to di é lal nye a be ó, nye dwe ó nye e. Tœa nye a to é lal waa ɛ, wé a be ó, nye l'agʉa simsim gumo Zyɛm a gwɨm ó, nye toʼ, to di ɨ.

Ebrœ̂ 10:27

Mʉr lé entaa motie no e, yé eka liʼ nye ó, njɨ ejoʼo bʉa, le ebono ebee mbi mobe Zyɛm ódwe nye e. Nye óto é Bɨ-siʼe ndɨ é diʼa diʼa, yé ódiʼ bʉr o dɔm mo Zyɛm ɨ.

Ebrœ̂ 5:9

Pie mɨtuu myaa ó nye a be, nye mu si kumo é l'ombɨmbɨa é mɨpaʼ mimyɛh ɛ. No ó nye a ze fuʼla Etin e tiʼ é l'efu e bʉr bɨbɛh bé ósa nye mojoʼo e.

Títos 3:9

Cɛra e bʉr o ndɨ epere motwii mpʉ bɨgʉ, le edî motia ndɨ abe e nyɔm ɨ. Bé ajala le epu mɨlɔb si é lɔb bɨláa-ntan nkʉ é lɔb motie mo Zyɛm, ebe, mɨlɔb mɨnɨ, myé ó mbɛh e mbɛh.

1 Korɛnt 11:16

ǃƗ mʉr si bâʼle gwɨm do e bɨh é lɔb waa nɛʼɛ, nye gʉŋa ó, bɨh e myʉʉ mɨmbɛr mɨ Zyɛm mimyɛh, bɨh bé abe lé elɛʼle bʉr njwɨr fih.

Rôm 15:18

Me aŋa lwib sa fih, njɨ syɛɛ Yesʉs-Krɨst a sea é zi wam, ó me dula bʉr o ndɨ abe oYʉden ɨ, pyal e be é mih mo Zyɛm. Bé mu ó lé esa nye mojoʼo ebe bɨlwib me a lwib-lwib ɨ, ndwe e bɨsyɛɛla me a sa-sa ɛ.

Rôm 10:16

É jɔʼ oYʉden, bé a joʼo Mbɨambɨa Lɔɔ ɛ, ntʉʼ bɨbɛh, bé a mɛʼle we. Ngwiha mɨlɔb Ezayi nye mʉr tɨʼ a lɛɛ ó: «Da, zé a buʼla lɔɔ go bɨh bé a lɛɛ be e?»

Rôm 9:22

Zyɛm a sa syɛɛla yaa ó, nye lɛʼla bʉr bim nye lé ekpaa empime e be e, ndwe e mpwaʼ nkul we. Ebe no ó bɨn ndɨ ebee nye lé ebul dihbe bʉr o jala le ekpaŋɔ empime e. Bɛɛ bé ó baa bé ódim ɨ.

Rôm 6:17

Bɨna dweʼ ga Zyɛm ekiba! Bɨn bé a taare be ó mpʉ molʉa, lé esa mɨsyem. No ó, bɨn mu é bananaʼ ó, si sa mojoʼo e mɨleme min mimyɛh, lé edu mbi sikʉlʉ mu lé ebaʼle bɨn ɨ.

Rôm 1:18

Zyɛm, nyi lɛʼle bɨna ga mpʉ nye lé ekpaa empime é lɔb ga wina ɛ. Nye esa no ó, bʉr é sʉlʉlʉ, duho é jobo kʉ. Bɨna bé esa ga nye ebɨh ndwe e bɨsyɛɛla bɨ ebebe bibyɛh. Bɨna bé elwimla ga e l'ocyecye, du-du njɨ bɨsyɛɛla bɨ ozyɛhozyɛh.

1 Pyɛr 3:1

Bɨn bʉba ɛɛ! Saʼ ga ojʉm bɨn mojoʼo. ǃƗ nuu mʉr é sama bʉrʉm baa si sa lɔɔ Zyɛm ebɨh nɛʼɛ, nye óbana buʼla yɛɛ ebe mbɨambɨa ebò e cyen myɛl lé ekœʼ œ. Yé aŋa jɨ é nko paʼ mʉma nɨ ó, nye lɛŋɨ njʉm lʉʉ ekan,

2 Korɛnt 12:20

ebe, me ekpɛɛ ó, me amu be, abâʼle bɔma e bɨn lé epyal lam mpʉ me lé egwɨm ɨ. Bɨn bé amu kœb me, abe mpʉ bɨn lé egwɨm ɨ. Yé amu be nteme ó, me kœbɨ bɨn lé esa mpɔʼa monkɔm, zii, mompime, zyee lé efuo bɨdia, movoʼ, mpuʼ, nkɛa nyʉl, le bɨntʉ.

Galásia 5:20

edwiibɨ bɨbaŋabaŋa bɨdweʼle, esɛa mɨmir mɨ eleme, esie bʉr, esa mosono, bé e zii e mompime ndwe e zyee lé efuo bɨdia, esiila motwii paʼ win, esa mpɔʼa monkɔm,

Filipi 1:17

No ó, bʉr onɨ, bé elɛɛ lɔɔ mo Krɨst lé esa zyee lé efuo bɨdia e me, bɛɛ lé ejwɨʼ ó, bé óko me tuu fih cye yiyɛh me dina é mbʉʼ ɨ. Sa yaa, yé aduho be é mɨmo si.

Filipi 2:3

Asa ga zyee lé efuo bɨdia paʼ win. Ankɛɛ ga monyʉl. Mʉr nyiwɛh, nye dweʼ bʉʉ bʉr duu, laa mpʉ nye lé ebee nye mʉr tɨʼ ɨ.

Jacques 3:14

Sa gwar, yé be ó, bɨn bé esiila paʼ win ndwe le esa zyee lé efuo bɨdia nɛʼɛ, adoʼo ga mbɛh e syɛɛla nɨ, nkʉ lɛɛ ó, bɨn ó ndɨ e buʼo, sa ndɨ abe e l'ocyecye e,

Jacques 3:16

Ebe, gumo baʼ bʉr lé esie bʉʉ ndwe le esa zyee lé efuo bɨdia ɛ, tɨʼ, yé ó e l'oleŋeleŋe ndwe e bɨbebebebe mɨnjwɨr, mɨmbi mɨmbi.