Rôm 2:7 - Kálara Zyɛ̌m Edwán é mpʉ̌n

⁷ Baʼ bʉr, bé esaa ó, kum é mih mo Zyɛm, e duu le tiʼ ndɨ asie-sie e. Bé edihbe sɔɔlʉ waa e bihbe, lé esa bɨsyɛɛla bɨ ncwɨncwɨa. Bé ó baa Zyɛm ódwe tiʼ molu mo mpoʼ mɨmɛh ɛ.

Kálar Nzyɛ̌m : Ejwán é Sáá

⁷ Bâʼ bʉ̂r, bé sáá ó kûm, le dúu le twiʼ dí asíesie yɨ́. Bé lɨ́ edûhwǒ sɔ́ɔlʉ waá e bíhwó, lɨ́ esâ mímpaŋ bísyɛ́ɛla. Bé ó baá Nzyɛ̌m ngá dwě twǐʼ njʉ̌m dǐ bá.

Rôm 2:7 ပူးပေါင်းရင်းမြစ်များ

Lʉkas 8:15

No ó mʉʉ mompœʼ mɛɛ, mé a kur ó, é si mocyɛʼ, sa nɨ lé edweʼle bʉr o b'a be e mɨmpaŋ mɨleme. É jɔʼ bé a joʼo lɔɔ Zyɛm ɨ, bé a si baʼle we é mɨleme myɔɔ le egumo mpumo é bɨtiʼ byɔɔ, ndwe le esa bihbe.»

2 Timotɛ 1:10

Ncwɨncwɨa waa a ka nyin é kpɛŋlɛm ó, é l'epyal mo Yesʉs-Krɨst, Tiʼbʉr ga wina. Nyi gbah efie. Nyi lɛʼle bɨna é zi Mbɨambɨa Lɔɔ nteme ó, bɨna bé ebi tiʼ molu mo mpoʼ mɨmɛh é zyɛŋa wina boo Krɨst.

1 Korɛnt 15:58

Ebe no, obɨɔ o kpɛl bam aa! Cyɛba ga é nkʉʼʉ. Gbaʼ ga monyʉl lé esea syɛɛ mo Da Yesʉs é jɔʼ yiyɛh. Gʉŋa ga ó, syɛɛ bɨn lé esea nye e, yé ákwoʼ dwè ntuʼ.

Rôm 6:23

Myɛna mo mʉr lé esa syem ɨ, mé ó njɨ efie. To kœb ó, ndwɛa Zyɛm a dwe bʉr edwɛna ɛ, wé ó tiʼ molu mo mpoʼ mɨmɛh é zyɛŋa ga wina boo Tî ga wina Yesʉs-Krɨst.

Kolosi 1:27

Zyɛm a be ó si bà jwɨʼ ndɨ e buobuo nyɔm é l'efu lɨn, bʉr o ndɨ abe oYʉden ɨ. Nye a be ó si gwih lwib odim ye ó, lé elɛʼle bʉr be ya. Nye a be si gwɨm ó, bé gʉŋa ye é kpɛhla. Lwib odim yaa, yé ó yi: Krɨst, nye mu ó é bɨn nteme! Mɨleme min, mi loŋlo e mbɛla ó, bɨn bé óbi kum tɨ.

Galásia 6:9

Bɨna toʼ ga dolo lé esa mɨmpaŋ bɨsyɛɛla. Mʉr afil mobo me si. ǃBɨna si be ga, abir bye nɛʼɛ, bɨna bé ódira ga nyɔm, duho é bɨsyɛɛla byaa, pie ma jɔʼ.

Rôm 8:18

Mbea wam, wé ó, mɨtuu bɨna lé ebɔma ga e mye é bananaʼ ɛ, myé ó sa ndɨ kʉ be mbɛh ɛ. Sa ndɨ é bwaʼ lɔb, laa mɨtuu myaa ɛ, yé ó kum Zyɛm ólɛʼle bɨna ga ɛ.

Rôm 2:10

Baa bɨbɛh ndɨ esa embɨa ɛ, bɛɛ, Zyɛm óseʼle be, le edwe be kum ndwe e motala. Nye ódwe be kum ó, taare é l'oYʉden, to pyal é bʉr o bɨkul bɨfih,

1 Yʉanes 2:25

No ó, Zyɛm Sɔŋ nye mʉr tɨʼ a be ó si kɛʼ bɨna ga tiʼ molu mo mpoʼ mɨmɛh.

Rôm 9:23

Zyɛm, nye esa no, bʉr gʉŋa ó, nye e mpwaʼ kum. Nye ókab bɨna ga kum waa, bɨna ga, bʉr nye a kpɛl cwɨa e be e, ebe, bɨna ga ó ndɨ baa nye a bɛa cye ó, nye ókab be kum waa ɛ.

Yʉanes 5:44

Bɨn bé ebul kpɛl bi kum ó, njɨ paʼra win. Bɨn bé akpɛl bi kum lé eduho boo Zyɛm nye ome e. Yé be no nɛʼɛ, a, bɨn bé ójyɛʼ taa buʼo yin boo Zyɛm nyá ɛ?

Ebrœ̂ 6:15

Abraham a be ó si dihbe mpono. Ebe no ó nye a bi sa Zyɛm a kɛʼ nye e.

Ebrœ̂ 6:12

Bɨh bé agwɨm ó, bɨn saʼ ontwii. Bɨh bé ekʉ ka gwɨm ó njɨ bɨn nʉŋa dweʼle tiʼ mo bʉʉ obuʼla mo Zyɛm. Bé e buʼo ndwe e bihbe. Bɛɛ nteme ó ngo bi sa Zyɛm a kɛʼ be, jala e nkɔb wɔɔ ɛ.

Mataos 25:46

«Bʉr baa, bé óto é Bɨ-siʼe, to sia e ntɨʼa ndɨ njʉmdia e njʉmdia ɛ. Ocɨcyel o bʉr bɛɛ, bé óto ó, to bi tiʼ molu mo mpoʼ mɨmɛh.»

Lʉkas 21:19

Tiʼɨ ga monyʉl mɨn é zi bihbe win.»

Yʉanes 4:36

Mʉr lé eze é mɨngol ɨ, nye ebi ó myɛna me. Sa nye lé esyɛŋ é mobeʼe e, yé ódi njʉmdia e njʉmdia. No ó, mbèl mompœʼ, bé e mʉr lé eze é mɨngol ɨ, bɨbɛh, bé esoho jwɨʼ gwar,

1 Korɛnt 15:42

Yé óbe nteme ó no, é jɔʼ odwè, bé ópàh ɛ. Ndwè, nye edebe, ze bo. É jɔʼ ndwè ópàh ɛ, nye aŋa ka dwè, nkʉ bo.

1 Korɛnt 15:50

Obɨɔ ga bam aa! Me ekʉ lɛɛ e bɨn ó, ntʉʼ mamʉr bɨpuno le motié ndɨ e nkul eniŋlɔ é jwɨ̀ʼa mo Zyɛm. Sa lé edwè, debe, bo e, yé abe e nkul ebi nkɔb é sa lé edi njʉmdia e njʉmdia ɛ.

Éfɛsɔs 6:24

Mocyɛʼ mo mpom mo Zyɛm, mé swɨŋɨ é mʉr nyiwɛh lé ekpɛl Tî ga wina Yesʉs-Krɨst kpɛl apurapura ɛ.

1 Timotɛ 1:17

Zyɛm ndɨ Njwɨɨbʉr njʉmdia e njʉmdia, waa ndɨ abe e nkul edwè, waa ndɨ anyin bʉr é mih, waa ndɨ Zyɛm nye ome e, duu ndwe e kum, byé diʼe é nye njʉmdia e njʉmdia. Amɛn.

Ebrœ̂ 2:7

É ma jɔʼ, go a si fil nye si. Beengles, bé a si nyin e duu, laa nye ba titia. Pie tɨ, gɨ ka bœr nye epʉʼlʉ é lʉ, le edwe nye kum ndwe e duu.