Rôm 2:6 - Kálara Zyɛ̌m Edwán é mpʉ̌n

⁶ Nye ójɛna mʉr nyiwɛh ó, du mpʉ bɨsyɛɛla bye, byé a be e.

Kálar Nzyɛ̌m : Ejwán é Sáá

⁶ Nye ójána mʉ̂r nyɨnyɛ̂h ó, dû mpʉ bísyɛ́ɛla byé dí yɨ́.

Rôm 2:6 ပူးပေါင်းရင်းမြစ်များ

2 Korɛnt 5:10

Ebe, bɨna bé ó yɨma ó, bɨna pyala ga é mih mo Krɨst é dia tiʼà mɨlɔb ye. Mʉr nyiwɛh óbi myɛna nkʉ ntɨʼa ó, du mpʉ bɨsyɛɛla bye, byé a be nye é jɔʼ nye a be, nye dina é tiʼ si nwaʼ ɛ: nkʉ byé a be ó é mbɨa, nkʉ ó, byé a be ó é bebe.

Mataos 16:27

Ebe, Mwan mo Mʉr muno ze pyal é moncɛnba mo Sɔŋ we bé e beengles be. É jɔʼ yaa ó nye ódwe mʉr nyiwɛh myɛna, du mpʉ bɨsyɛɛla bye, byé a be e.

Mɨngwiha 22:12

Yesʉs, nye ó: «Mbe ga, me ó ma ze nɨ! Me eze ó e myɛna é mobo. Me eze ó, lé eze dwe mʉr nyiwɛh myɛna mo syɛɛ nye a sea ɛ.

Mɨngwiha 20:12

Me ntɔʼ bee odwè. É bʉr baa, yé a be ó e bʉr bɨbɛh, taare é baanteʼenteʼe, to pyal é l'osabene. Bé a be ó si cyɛb é l'empom e dia taʼa. Okalara, bé ntɔʼ bɛɔ. Nuu kalara fih ntɔʼ bɛɔ nteme. Nyiha, nye ó kalara tiʼ. Zyɛm ze pahle odwè. Nye a tiʼe mɨlɔb myɔɔ ó, lé edu mpʉ bɨsyɛɛla byɔɔ, byé a be e. Byé a be ó mɨtila é l'okalara be efoʼ baa.

1 Korɛnt 3:8

Mʉr lé ebè e, bé e waa lé esʉ modibe e, bé ó jwɨʼ gwar. Zyɛm ódwe mʉr myɛna ó, nye osi jwɨʼ bim syɛɛ nyiha mʉr a sea nye e.

Mɨngwiha 2:23

Me nteme, me ójʉ nye bwan. Ebe no ó mɨmbɛr mɨ Zyɛm mimyɛh, myé óka gʉa ó, mɛm ó ndɨ egʉa mɨpɛhla ndwe e bɨgwɨma bɨ bʉr ɨ. É mbɛr Zyɛm win, mʉr nyiwɛh ósa yiʼ syɛɛla nkʉ yʉʉ ɨ, me ójɛna nye syɛɛla ye ó, du mpʉ ye ndɨ ɨ.”

1 Korɛnt 4:5

No ó, atiʼe ga lɔb mo nuu mʉr cye yiyɛh yé l'apa pyal jɔʼ elab ɨ. Bona ga ó, Da, nye ntaʼ. Nye ópyɛl sa ndɨ é l'edurʉ ɨ, cen ye é myɛn. Nye ógwih bɨjwɨʼ bʉr lé ebà é mɨmo si ɨ. É jɔʼ yaa ó Zyɛm óseʼle bʉr be, dwe mʉr nyiwɛh kum ójala e nye e.

Rôm 14:22

Sa go mu si buʼla ɛ, baʼla ye é leme go tʉŋlʉ. Bɨn e Zyɛm oba nkʉʼ gʉa ye. Zyɛm ósʉ mocyɛʼ mo mpom me ó, é mʉr lé ekœʼ ebò e cyen mʉr tɨʼ a pa mɛʼle e. Mʉr waa, nye aŋa gwɨma ebò e cyen le laa.

2 Korɛnt 11:15

Ebe no, yé be ó, osyɛl o mosa mo Satan, bé eliŋ bé bʉr o tɨʼ ocɨcyel o bʉr nɛʼɛ, yé abe sa jehe. Efehle lɔɔ, lé ódu mpʉ bɨsyɛɛla byɔɔ, byé a be e.

2 Timotɛ 4:14

Alɛksandros, ndɨ lul molul ɨ, a si bul sa me ebebe. Da Yesʉs óbala bɨsyɛɛla bye byaa.