Rôm 2:4 - Kálara Zyɛ̌m Edwán é mpʉ̌n

⁴ Zyɛm nyɛɛ yɛɛ si lɛʼle go ncwɨncwɨa we laŋle. Nye nteme a si bee mɨsyem myo, alwib. Nye a si bul dihbe le. Zê go mu ó lé epyeh bɨsyɛɛla bye byaa ɛ? Zê go agʉa bim embɨa nye a sa go e? Embɨa le, lé ejala le elɛʼle leme go zi egwɨma mobebe mo, le edwir leme.

Kálar Nzyɛ̌m : Ejwán é Sáá

⁴ Nzyɛ̌m nyɨɛ yɨ́ɛ sí lɛ̂ʼle gó mpam nyé ɨ́ ntʉʉʉ́. Nye ntémé á si bee misyóm myô, alwib. Nye á si bu dûhwo myê. Nzê go mû ó lɨ́ epyêh bísyɛ́ɛla byé byaá ɛ́? Nzê gó agʉ́ǎ bím émbɨa nyé á sâ go lɨ́ ɛ́? Embɨa lé, lé ɨ́ jala le edǐb lémé gô nzɨ̌ etúmǒ koo le mebébe mô, le edwirǎ léme.

Rôm 2:4 ပူးပေါင်းရင်းမြစ်များ

2 Pyɛr 3:9

Da, nye ábɛa le epɛʼ nʉm we é bɛn. Nkʉ bʉʉ bʉr, bé ebee ó, nye edira monkɛʼ me jɔʼ yiyɛh e l'encyoo, é we paʼ, nye sɔʼɔ ó, é buo bihbe e bɨn, ebe, nye agwɨm ó, nuu mʉr dimɨ é nkɔb bʉr. Gwɨma leme we, yé ó, bʉr bɨbɛh gwɨma mobebe mɔɔ, le edwir mɨleme.

Éfɛsɔs 1:18

Nye bɛŋɨ bɨn mih, maa ndɨ bɨn é mɨleme tʉŋlʉ ɨ, ó bɨn biʼe mbɛla ɨ mɨleme é l'efu e motʉm Zyɛm lé ekomo baa nye a jebe e. Bɨn gʉŋa nteme tiʼ molu mo mpoʼ mɨmɛh bɨn bé óbi, jala e mopoʼ min ɨ. Nye ekomo mopoʼ monɨ ó, é l'efu le edwe mɨsaŋ mɨ bʉr be.

Éfɛsɔs 2:7

Nye a cwɨa e bɨna ga no ó, nye nkʉʼ lɛʼle kpɛl ye ndɨ apurapura sɔʼɔ ɛ, sa lé elaa yʉʉ sɔʼɔ é mpwaʼ ɛ. Kpɛl ye yaa, yé ónyin pie e l'esie e mbi jɔʼ yi. Bɨna bé ebi ga ncwɨncwɨa we ó, é zyɛŋa ga wina boo Yesʉs-Krɨst.

Éfɛsɔs 1:7

Mwan waa ó b'a pyɛl motié me, ntɔʼ jɛna mobyaʼ, le edwih bɨna ga é mpila ebebe é pololo. Nye a sa no ó, Zyɛm pɛʼɛ bɨbaa nye a bɛa niʼe bɨna ga é lɔb motie bɨna bé a ntaa ɛ. Zyɛm a sa bɨna ga bɨsyɛɛla byaa bibyɛh ó, lé elɛʼle bɨna ga mpwaʼ ncwɨncwɨa we.

Rôm 3:25

Zyɛm a ntɨh Yesʉs ó, nye ntaʼ, ze dwè, jala e mɨsyem ga mina é l'efu ó, efie le nkʉʼ leʼe empime mo Sɔŋ. Nye a dwè ó, nye nkʉʼ kɛm bʉr, ó bé jyɛʼɛ taa buʼo yɔɔ boo nye é lɔb ndwɛa motié waa ɛ. É zea Yesʉs-Krɨst a ze e, Zyɛm a si lɛʼle mpʉ nye ndɨ cɨcyel ɨ. Mɨsyem bʉr, bé a bɛa sa-sa ɛ, Zyɛm a si bul dihbe mye, kʉ lɛŋ mye é buobuo, alwib.

2 Pyɛr 3:15

Cye yiyɛh bɨn dina lé ebee ó, Da Yesʉs, nye akpahbe ze e, dɨʼe lɛɛ ga é bɨjɔʼ byaa ó: «Nye é buo bihbe é nko paʼ bʉʉ osyɛl be ebebe é l'efu ó, nye dweʼ be tiʼ molu mo mpoʼ mɨmɛh.» É mbi waa ó mɨɔ kpɛl ga wina Pol a tile bɨn ɨ. Nye a tile no ó, é l'ocyoo Zyɛm a dwe nye e.

Rôm 11:33

A ndwe e l'okum mo Zyɛm ee! Ocyoo we e ngwɨa we, byé abe e l'odumo. Zé ndɨ e nkul egʉa mɨtiʼa mɨ leme we ɛ? Zé ndɨ e nkul egʉa bɨsyɛɛla nye lé esa ɛ?

Rôm 11:22

Mbe ga: é mpʉʼ ó Zyɛm ndɨ elɛʼle mpwaʼ ncwɨncwɨa we e! Nye nteme lé edi, adihbe bʉr o b'a lɨʼa omyacyɛŋ é nkɨŋlɨ ɨ. Nye ekʉ lɛʼle ncwɨncwɨa we ó, gwɔɔ. ǃGo si bene lé eliʼ é dia ncwɨncwɨa mo Zyɛm nɛʼɛ, gʉŋa ó, nye nteme ókʉ syɛh go mpʉ lɔɔ lɨ, e ncɨr é leme.

Éfɛsɔs 2:4

To kœb ó, Zyɛm, nye é bul jwɨʼ bɨna ga nkoo. No ó nye a ze lɛʼle bɨna ga mpʉ nye a bul kpɛl bɨna kpɛl apurapura ɛ.

2 Pyɛr 3:3

Sa efoʼ, gʉa mɛr ga sa yi: é jɔʼ esie e mbi jɔʼ yi, lé óbe kunokuno le epyal ɨ, bʉr, bé óbe lé ekœʼ ebò e cyen mpʉ bɨgwɨma byɔɔ lé etine be e. Bé óbe ó bʉr o pyeh,

1 Pyɛr 3:20

Molu pihe, bé a taare be-be ó, bʉr o pyeh, lé esa lɔɔ Zyɛm ebɨh. É til molu yaa, Zyɛm a bono-bono ó e bihbe, to pyal é jɔʼ Noe a sil kpaʼ ntwaŋ byɛl ɨ. É til molu yaa yiyɛh, yé a kʉ be ó njɨ ma dœh e bʉr, agum buo, njɨ bʉr mwom, ó b'a tiʼe é byɛl waa tʉŋlʉ ɨ. Bé a tiʼe ó, gumo bé a ngbaa dwè é modibe e.

1 Timotɛ 6:17

Cyelɨ obil o bɨsa é mbi jɔʼ yiʼ mpene ó, bé l'ankɛɛ monyʉl. Mɨleme myɔɔ, myé l'ayi loŋlo e mbɛla é lɔb okum e l'ogbaa, sa ndɨ elaa mpʉ ngul mpaa ɛ. Bé jyɛʼɛ taa buʼo yɔɔ njɨ boo Zyɛm, waa lé epa dwe bɨna ga bɨsa byaa é ntuʼ-ntu-ntuʼ, lé egba bɨna ga bɨsʉhʉ é mɨleme e.

Filipi 4:19

No ó, Zyɛm Sɔŋ wam óloŋlo bɨn e bɨsa bɨn lé esaa ɛ, dwe bɨn bya ntuʼba, lé edu mpwaʼ okum we. Nye ósa no ebe zyɛŋa win boo Yesʉs-Krɨst.

Mɨngwiha 3:20

Mbe ga: me ó wâʼ lé ekwaʼle ebe ó, me niʼe. Mʉr ójoʼo lwib yam, dib me ebe e, me óni nye ye. Bɨh e nɔɔ, bé ópuhba mobo é teble ngwar.

1 Timotɛ 1:16

Ebe no ó Zyɛm a jwɨʼ me nkoo e, ebe, me ó b'a bul sahle é nko paʼ esa mɨsyem. Yesʉs-Krɨst a taare lé elɛʼle mpuo bihbe we ó, é jɔʼ nye a dihbe me e. Yé ó dweʼle nye lé elɛʼle bʉr bɨbɛh bé ójyɛʼ taa buʼo yɔɔ boo nye é molu lé eze e. Bé ójyɛʼ taa buʼo yɔɔ boo nye, ntɔʼ bi tiʼ molu mo mpoʼ mɨmɛh.

Kolosi 1:27

Zyɛm a be ó si bà jwɨʼ ndɨ e buobuo nyɔm é l'efu lɨn, bʉr o ndɨ abe oYʉden ɨ. Nye a be ó si gwih lwib odim ye ó, lé elɛʼle bʉr be ya. Nye a be si gwɨm ó, bé gʉŋa ye é kpɛhla. Lwib odim yaa, yé ó yi: Krɨst, nye mu ó é bɨn nteme! Mɨleme min, mi loŋlo e mbɛla ó, bɨn bé óbi kum tɨ.

Rôm 6:15

No, yé ó, bɨna bé aka be ga é monkara mo mɛra motie. Bɨna ga mu ó baa Zyɛm a lɛʼle ncwɨncwɨa we e. É mpʉ yé ndɨ no e, zê bɨna bé lé ejala le esa ga syem ɛ? Hɨʼɨ, yé abe ba no!

Rôm 6:1

Yé be no nɛʼɛ, bɨna kaʼ lɛɛ ga é yé? Zê bɨna toʼ ga dolo lé esa ga mɨsyem é l'efu ó, Zyɛm lɛʼla bɨna ga mpwaʼ ncwɨncwɨa we ɛ?

Kolosi 2:2

Me ejaʼra e mɨtuu myaa ó, me gbaʼ bɨn nkul é monyʉl, le esa ó, bɨn syɛŋa é leme ncwɨncwɨa. Bɨn nkʉʼ gʉa buʼo ga yina é kpɛhla, sa ndɨ bɨn e buobuo nyɔm ɨ. Bɨn gʉŋa nteme Krɨst, mʉr Zyɛm a fol é lwib odim ɨ.

Éfɛsɔs 3:16

Me ejwɨʼla e nye ó, nye gbaʼ bɨn nkul é monyʉl é zi Sisim we é l'efu ó, bɨn diʼe e tɨʼ lwɨŋla, lé edu mpwaʼ kum we.

Éfɛsɔs 3:8

É sama mɨsaŋ mɨ bʉr mo Zyɛm bɨh e boo nɔɔ ndɨ ɨ, bʉʉ bɨbɛh, bé ejala le etaare nʉŋɔ, gbaŋɔ é nkɔb. Dam be no, Zyɛm a si lɛʼle me ncwɨncwɨa we, ó me lɛŋɨ Mbɨambɨa Lɔɔ mo Yesʉs-Krɨst boo bʉr o ndɨ abe oYʉden ɨ, ó bé gʉŋa okum e l'ogbaa Krɨst lé eze bɨna ga e wa ɛ, dam be ó, wé ákwoʼ gʉŋɔ wiwɛh.

Rôm 10:12

Ebe, mbɛʼ, wé abe paʼra oYʉden bé e bʉr o ndɨ abe oYʉden ɨ. Bɨbɛh, bé ó e njwɨʼa ngwar lé elɛʼle ncwɨncwɨa boo baa bɨbɛh lé ejwɨʼla e nye e.

2 Korɛnt 8:2

Bé a si kʉ boblɔ é zi mɨtuu e mɨndɛl bé a sia e mye e. Dam be é l'enteʼe le egoblo lɔɔ, bwaʼbwaʼ bɨsʉhʉ byɔɔ, byé a si kʉ nyin é pono é zi mɨndwɛa myɔɔ.

2 Pyɛr 1:11

No nteme ó Zyɛm óbeŋle bɨn le edib bɨn zi ó, bɨn niʼe é jwɨ̀ʼa mo Tî ga wina le Tiʼbʉr ga wina Yesʉs-Krɨst ɨ. Jwɨ̀ʼa ye yaa, yé ódi ó njʉmdia e njʉmdia.

Mɨngwiha 2:21

Me a dwe nye jɔʼ ó, nye gwɨma bɨmala nye lé esa-sa ɛ, le edwir leme, nyɛɛ l'akpɛl sa no.