Rôm 2:29 - Kálara Zyɛ̌m Edwán é mpʉ̌n

²⁹ Yʉden, nye ó mpaŋ Yʉden é jɔʼ nye ndɨ no, duho é mo si ɨ. Mpaŋ sɛa mpʉn, wé ó waa Mbɨambɨa Sisim lé esa é leme mʉr tʉŋlʉ ɨ. Wé asaŋɔ é lɔb ebaʼle motie mo Moyiz. Mʉr ndɨ e mbi sɛa mpʉn waa ɛ, ntʉʼ bʉr, bé ógumlo nye. Kum we óduho ó boo Zyɛm.

Kálar Nzyɛ̌m : Ejwán é Sáá

²⁹ Mpǎŋ Yúden, nye ó waá dí ɨ́ léme tʉ́ŋlʉ̌ nyá. Mpǎŋ tíʼá mpʉ́n, wé ó waá Sísǐm mé Nzyɛ̌m dí etíʼe ɨ́ lémé mʉ̂r wɨ́. Wé atíʼɔɔ ɨ́ lɔ̌b métié mé Moyɨ̂z. Mʉr dí e tíʼá mpʉ́n waá nyá, ntʉ bʉ̂r ngá gúmlo nyê. Kûm nyé, nye óduho ó kwá mé Nzyɛ̌m.

Rôm 2:29 ပူးပေါင်းရင်းမြစ်များ

Filipi 3:3

Bɨna ga bɛɛ ó ndɨ e mpaŋ sɛa mpʉn. Bɨna ga ó lé edwiibɨ Zyɛm é zi Sisim we. Bɨna bé edoʼo ga ó, njɨ e lɔb mo Yesʉs-Krɨst. Bɨna bé ajyɛʼ ga taa buʼo yina é bɨpuno ga bina.

1 Tesalonika 2:4

Bɨh bé a lwib e bɨn ó, lé edu mpʉ Zyɛm lé ekpɛl ɨ. Nye a ntɨh bɨh Mbɨambɨa Lɔɔ we ó, bɨh lɛŋɨ bʉr wa. Bɨh bé a baasaa enyin mbɨmbɨa é mih mo bʉr, njɨ é mih mo Zyɛm, waa lé epahle mɨleme ga mina ɛ.

1 Pyɛr 3:4

Laa ó, ojaa win, wé diʼe no, fuo gba ga yɛɛ ojaa é leme tʉŋlʉ. Ojaa waa, wé abe e nkul esie. Leme win diʼe é pyɛɛɛ. Diʼe ga é tala njwɨr. Ojaa waa, wé é buo dime é mih mo Zyɛm.

1 Korɛnt 4:5

No ó, atiʼe ga lɔb mo nuu mʉr cye yiyɛh yé l'apa pyal jɔʼ elab ɨ. Bona ga ó, Da, nye ntaʼ. Nye ópyɛl sa ndɨ é l'edurʉ ɨ, cen ye é myɛn. Nye ógwih bɨjwɨʼ bʉr lé ebà é mɨmo si ɨ. É jɔʼ yaa ó Zyɛm óseʼle bʉr be, dwe mʉr nyiwɛh kum ójala e nye e.

2 Korɛnt 10:18

Ebe, ntʉʼ waa lé eseʼle nye mʉr tɨʼ ɨ, Da lé emɛʼle. Da mɛʼle ó, waa nye mʉr tɨʼ lé eseʼle e.

Rôm 7:6

No ó, banana, bɨna bɨ dwihɔ é mpila motie. Bɨna mu ó si dwè ga é nko paʼ motie maa. Mé ó b'a mɛr bɨna ga é dia olʉa é molu pihe. Bɨna bé a dwihɔ tɨʼ ó, bɨna nkʉʼ di é dia osyɛl o mosa mo Zyɛm, lé esea e nye é zi dwan, waa Mbɨambɨa Sisim lé elɛʼle bɨna ga ɛ. Bɨna bé aka sea ga e nye lé edu sa okalara o motie, bé a tilɔ é l'epeb ɨ.

Rôm 2:27

Mʉr bɨkul l'apa saŋɔ mpʉn é nko paʼ nyʉl ɨ, ǃnye si du yɛɛ motie nɛʼɛ, nye ódwe go mobe, gwɔɔ Yʉden. Go a si ntɨhɔ okalara o motie. Go nteme si saŋɔ mpʉn. Pie tɨ, go ze ntaa motie maa!

2 Korɛnt 3:6

Nye ó b'a dwe bɨh nkul ó, bɨh nkʉʼ di bʉr o ndɨ ejala le esea nye syɛɛ ye e. Bɨh mu ó osyɛl o mosa be, lé enyiŋ bʉr ó, bé nʉŋa Edwan e Mpʉn nye a de e bʉr ɨ. Nye a de mpʉn waa e be ó, é zi Sisim we, abe é zi motie ndɨ mɨtila ɛ, ebe, motie maa, mé ejʉ ó, jʉʼo. Sisim we ó ndɨ edwe bʉr tiʼ molu mo mpoʼ mɨmɛh.

Yʉanes 12:43

Baanya-bʉa onɨ, bé a si sa no, ebe, bé a kpɛl-kpɛl ó, bʉr seʼla be, laa ó, Zyɛm seʼla be.

Yʉanes 5:44

Bɨn bé ebul kpɛl bi kum ó, njɨ paʼra win. Bɨn bé akpɛl bi kum lé eduho boo Zyɛm nye ome e. Yé be no nɛʼɛ, a, bɨn bé ójyɛʼ taa buʼo yin boo Zyɛm nyá ɛ?

Lʉkas 11:39

No ó Da a ze lɛɛ e nye ó: «Bɨn oFarizyɛŋ ba! É jɔʼ bɨn lé ejɨ pub bɨfua e l'okob ɨ, bɨn bé efuʼro bye njɨ é nko paʼ kʉl. To kœb ó, bɨfua byaa, byé ó lwɨŋla e bɨsa ndɨ é bebe e. Bɨn bé é bul kpɛl dɛn bɨsa bɨ bʉr, bɨn nteme e l'ebebe é leme.

Rôm 14:17

Jwɨ̀ʼa mo Zyɛm, yé abul dwɛʼ lɔb ede le enyʉl. Yé ó jwɨ̀ʼa ocɨcyel, motala, ndwe e bɨsʉhʉ bɨna lé ebi ga é zi mo Mbɨambɨa Sisim ɨ.

Yʉanes 4:23

Sa gwar, ewala, lé eze—lé mu ó si pyal—jɔʼ mɨmpaŋ mɨ ompʉn, bé ódwiibɨ Zyɛm Sɔŋ é mɨsisim myɔɔ é l'ocyecye e, ebe, nye esaa ó, bʉr o dwiibɨ nye é mbi waa ɛ.

Lʉkas 17:21

Bé aŋa lɛɛ bɨn ó: “Yé ó yi”, “Beŋɨ ga ye” nkʉ nteme ó: “Nye ó ndɨ kaʼ nwa!” Bɨn bé ejala le egʉa ó, jwɨ̀ʼa mo Zyɛm, yé mu ó cyela é mɨleme min tʉŋlʉ.»

Rôm 3:1

Yé be no nɛʼɛ, wáa nyɔm mʉr ndɨ e we é jɔʼ nye ndɨ mbyɛla Yʉden ɨ? Esaŋɔ mpʉn nteme lé e wáa nyɔm?

1 Korɛnt 7:19

Esaŋɔ mpʉn nkʉ di, asaŋɔ mpʉn, yé alɛɛ sɔʼɔ. Sa ndɨ e nyɔm ɨ, yé ó, go duʼo motie mo Zyɛm.