Rôm 2:20 - Kálara Zyɛ̌m Edwán é mpʉ̌n

²⁰ Go elɛɛ nteme ó, go ó lé ejala le eturo mɨmiʼ mɨlʉ, le eyeʼle bwɔɔncyom. Go elɛɛ ó, ngwɨa motie waa, wi dwe go ocyoo ndwe e l'ocyecye wiwɛh.

Kálar Nzyɛ̌m : Ejwán é Sáá

²⁰ Gǒ lɛ́ɛ́ ntémé ó, go ó jálá le etwîn bígʉ́ʼ milʉ̂, le elɛ̂ʼle bwá ó ntwǒm. Gǒ lɨ́lɛ́ɛ́ ó, ngwɨ́á métié maá, wɨ́ dwe gó ocwóó le otyeetye wɨ́wɛ̂h.

Rôm 2:20 ပူးပေါင်းရင်းမြစ်များ

2 Timotɛ 3:5

Bé ósa jaale, lé ejɨ nyin ó, bɛɛ ó ndɨ edwaabe Zyɛm. To kœb ó, bé ókɛla ó, buʼo ga yina, yé abe e nkul. Cɛra e bʉr onɨ.

Títos 1:16

Bé ekʉ boʼlo ó, bé egʉa Zyɛm. Sa gwar, bɨsyɛɛla byɔɔ, byɛɛ yɛɛ lé ekʉ lɛʼle ó, bé dina ó lé ekʉ lɛʼle ó, bé agʉa nye. Bʉr baa, bé é lwaʼbe. Bé ó baajoʼo-motɨɨ. É bɨsyɛɛla bɨ ncwɨncwɨa bibyɛh mʉr ndɨ bɛm sa ɛ, abe e syɛɛla gwar bé ndɨ e nkul ekoʼo e.

2 Timotɛ 1:13

Gʉa baʼle mpaŋ sikʉlʉ go a joʼo me lé edwe e. Yé diʼe go dweʼle, sa go óto le entɛŋ bʉʉ bʉr ɨ. Dɨʼe yeʼle é mbi waa, e buʼo, ndwe e kpɛl, mpʉ bɨna lé ebi ga bye é zyɛŋa wina boo Yesʉs-Krɨst ɨ.

1 Korɛnt 3:1

Obɨɔ ga bam aa! É l'ocyecye, me a baalwib e bɨn mpʉ mʉr lé ejala le elwib e baa b'a bi Mbɨambɨa Sisim ɨ. Me a fuo lwib e bɨn ó, mpʉ me lé ejala le elwib e bʉr o si nwa, nkʉ ntɔʼ mpʉ bɨcyee byé a lwanbe kʉ di é zyɛŋa wɔɔ boo Krɨst ɨ.

Rôm 6:17

Bɨna dweʼ ga Zyɛm ekiba! Bɨn bé a taare be ó mpʉ molʉa, lé esa mɨsyem. No ó, bɨn mu é bananaʼ ó, si sa mojoʼo e mɨleme min mimyɛh, lé edu mbi sikʉlʉ mu lé ebaʼle bɨn ɨ.

1 Pyɛr 2:2

Gwɨmɨ ga ó, bɨn jwɨʼɨ mɨmpaŋ mɨyeʼla, myaa ndɨ ejala e bɨn ɨ. Myé ó ngo sa ó, bɨn gwɨa é zi we, bɨn ntɔʼ bi tiʼ molu mo mpoʼ mɨmɛh. Saʼ ga no mpʉ bɨcyee ndɨ egwɨm monyaŋ ɨ,

Ebrœ̂ 5:13

Mʉr dina lé ede monyaŋ ɨ, nye apa jyɛnba e sikʉlʉ lé etiibe e l'ocɨcyel ga wina ɛ, ebe, nye dina ó ma cyee.

Mataos 11:25

É jɔʼ yaa ó Yesʉs a ze lɛɛ ó: «Da, me edwiibɨ go, gwɔɔ Njwɨɨ kʉ e si, ebe, go a be ó si lɛʼle bʉr o ndɨ mpʉ bwɔɔncyom ɨ, bɨsa go a fol mɨcɨcyoo e l'ogwɨa o si nwaʼ ɛ.

Rôm 2:19

Gɨ kʉ bee ó, gwɔɔ ó jala le elɛʼle ontim zi! Nkʉ ó, gwɔɔ ó lé ejala le ekʉn bʉr o ndɨ é l'edurʉ ɨ, zi.

Rôm 3:31

É jɔʼ bɨh lé elɛɛ lɔɔ buʼo ga yina ɛ, zê bɨh bé lé egbɛɛ motie ɛ? Hɨʼɨ, yé abe ba no. Bɨh bé elɨl motie maa ó, lɨl lɨlɨ.

Jacques 3:1

Obɨɔ ga bam aa! Yé ajala ó, buobuo bʉr o mbɛr Zyɛm win yeʼla mɨlɔb mo Zyɛm. Bɨn bé egʉa ó, é jɔʼ Zyɛm ótiʼe bɨh bɛɛ oyeʼle mɨlɔb ɨ, nye ótiʼe mye ó, e ncɨr é leme, abe mpʉ nye ótiʼe myaa mɨ bʉʉ bʉr ɨ.