Rôm 2:17 - Kálara Zyɛ̌m Edwán é mpʉ̌n

¹⁷ Gwɔɔ, mʉr lé ejebɔ ó, Yʉden ɨ, go nyá ɛ? Go ejyɛʼ taa buʼo yo é mbi go lé edu motie e. Go ekʉ doʼo njɨ e Zyɛm.

Kálar Nzyɛ̌m : Ejwán é Sáá

¹⁷ Yê nyá, gua, mʉr dí ejébɔɔ Yúden nyá? Gǒ dídyɛ́ʼwó ó e metié. Gǒ jaá nkʉ́nǎ njɨ ó, go ó dí mʉr mé Nzyɛ̌m.

Rôm 2:17 ပူးပေါင်းရင်းမြစ်များ

Rôm 2:23

Gwɔɔ mʉr lé ebul doʼo e motie go a tiilɔ ɛ, ebe yé go lé eka ntaa motie monɨ ɨ? Gwɔɔ ó lé ebul gba Zyɛm fwon é nyʉl!

Mɨngwiha 2:9

“Me egʉa mɨtuu min, ndwe e l'enteʼe lɨn—to kœb ó, bɨn bé ó mɨsʉsʉ mɨ bʉr—, ndwe e movoʼ bʉr lé efœʼ bɨn ɨ. Baanya-movoʼ baa, bé dam lɛɛ ó, bé ó oYʉden, bé abe yɛɛ oYʉden ompa. Bé ó bʉr o mpah mɨnjwɨʼla mo Satan!

Rôm 9:32

Ebe yé, bé a baabi mokebe é zi waa ɛ? Yé a be ó, ebe, bé a baajyɛʼ taa buʼo yɔɔ boo Zyɛm! Bé a kʉ ka jyɛʼ ye ó njɨ é bɨsyɛɛla byɔɔ. É mpʉ bé a du zi waa ɛ, bɨ ze to duma temezi. Bé a bɨm ebɔʼ ó, é l'ekoʼ.

Yʉanes 5:45

«Sa gwar, atoŋlo ga ó, me ópur bɨn é mih mo Da. Moyiz, mʉr bɨn bé a jyɛʼ taa buʼo yin boo nye e, nye ó ngo pur bɨn.

Mataos 3:9

Adɨ lɛɛla ga paʼra win ó: “Bɨna ga bé e sɔŋ ó Abraham,” ebe, me elɛɛ bɨn cyecye ó nɛɛ: Zyɛm óbɛm liŋ mokoʼ maʼ bwan mo Abraham.

Mɨngwiha 3:9

Mbe ga: é mpʉʼ ó me ósa bʉr o mpah mɨnjwɨʼla mo Satan, baa lé elɛɛ ó, bé ó oYʉden, bɛɛ l'abe be e. Bé ekʉ ka sa ó njɨ mpʉl. Me ósa ó, bé ntaʼ, ze bɨʼ mompom mɔɔ si é mih mɨn, ó bé nkʉʼ gʉa ó, me ekpɛl bɨn.

Mɨngwiha 3:1

«Tila kalara. Go à cen engles lé edwiile mbɛr Zyɛm ndɨ ɨ Sardɛs ɨ. Lɛŋɨ nye ó: Waa lé emɛr mɨsisim mo Zyɛm tambɛl ndwe e baatwitwɛn tambɛl ɨ, nye elɛɛ ó: “Me egʉa sa yiyɛh go lé esa ɛ. Bʉr bé eseʼle go, lé elɛɔ ó, go ó kublakubla, to kœb ó, gwɔɔ, go ó mpʉ muu!

Éfɛsɔs 2:11

Toŋla ga ebyɛl lɨn. Bɨn, bʉr o ndɨ abe oYʉden ɨ, bɨn bé ó baa oYʉden lé ejebe ó, bʉr o ndɨ asaŋɔ mpʉn ɨ. Tina, yé ó, bʉr o ndɨ ejebe bɨn no e, bé ejebe bé bʉr o tɨʼ ó, baa b'a saŋɔ mpʉn ɨ. To kœb ó, mpʉn bé a saŋɔ ɛ, bʉr, bé a sa be nya ó, njɨ é nyʉl.

Galásia 2:15

Bɨna ga ó ndɨ bɨmpɛh bɨ oYʉden, abe bʉr o bɨkul bɨfih, baa lé ejebɔ-jebɔ ó, osyɛl o mɨsyem ɨ.

2 Korɛnt 11:22

Zê bé ó bɨmpɛh bɨ Ebrœ ɛ? Me nteme, me ó ye! Zê bé ó bɨmpɛh bɨ Ɨzraɛl ɛ? Me nteme, me ó ye! Zê bé ó mpoŋbʉr mo Abraham ɛ? Me nteme, me ó mʉr tɨ!

Yʉanes 8:41

Bɨn bé esa naa ó, bɨsyɛɛla bɨ sɔŋ win.» Bé e nye ó: «Bɨh bé abe bʉr o b'a byɛl pie mɨfyɛba! Bɨh bé ó e Sɔŋ ngwar, njɨ Zyɛm nye ome.»

Yʉanes 8:33

Bé e nye ó: «Bɨh bé ó mpoŋbʉr mo Abraham. No ó, bɨh bé apa di molʉa mo bʉr. Wáa mbi zi go ndɨ e nkul elɛɛ e bɨh ó, bɨh bé ófuʼla di é dia otî ɨ?»

Yʉanes 7:19

Ntʉʼ Moyiz a tiile bɨn motie e? Sa gwar, abe e mʉr lé edu motie maa. Ebe yé bɨn lé esaa ejʉ me e?»

Lʉkas 10:28

Yesʉs ntɔʼ lɛɛ ó: «Eee, gɨ kʉ gʉa bɨha. Saʼ no, go nkʉʼ bi tiʼ molu mo mpoʼ mɨmɛh!»

Yʉanes 5:39

Bɨn bé egba monyʉl lé ejwɨʼ Kalara Zyɛm é dwiii, bɨn lé ebee ó, tɨʼ ó bɨn bé óbi tiʼ molu mo mpoʼ mɨmɛh ɛ. To kœb ó, Kalara Zyɛm ngwar e ngwar waa ó ndɨ eboʼlo é lɔb wam!

Rôm 3:27

É mpʉ yé ndɨ no e, zê mʉr óbana to dolo lé edoʼo e bɨsyɛɛla bye nye mʉr tɨʼ ɛ? Hɨʼɨ, yʉʉ sɔʼɔ, yé abe no. Yé ndɨ ekamle bɨna lé edoʼo ga? Zê motie mo Zyɛm ó ndɨ ekamle bɨna ga lé edoʼo ɛ? Hɨʼɨ, sa ndɨ esa ó, bɨna beʼ l'aka doʼo ga ɛ, yé ó buʼo bɨna mu lé edu ga ɛ,