Rôm 2:14 - Kálara Zyɛ̌m Edwán é mpʉ̌n

¹⁴ Paʼ bʉr o ndɨ abe oYʉden, baa ndɨ agʉa motie mo Moyiz ɨ, ǃbé si sa yɛɛ mpʉ motie maa lé elɛɛ nɛʼɛ, yé óbe be ó, mpʉ sa lɛɛ ó, bé e motie maa mɨtila é mɨleme myɔɔ tʉŋlʉ, dam be ó, bé abe e me.

Kálar Nzyɛ̌m : Ejwán é Sáá

¹⁴ Ɨ́ nkǒ páʼ bʉ̂r o dí abe óYúden, baá o dí agʉ́a métié mé Moyɨ̂z bá, bɨ́ɛ bé ósâ mpʉ métié maá dí etɨ́e yɨ́ nó, yé óbe bé ó, mpʉ̌ sá lɛ́ɛ́, bé e metié maá micɛmá ɨ́ milémé myɔ́ɔ́ tʉ́ŋlʉ̌.

Rôm 2:14 ပူးပေါင်းရင်းမြစ်များ

Rôm 2:12

Baa motie mo Moyiz, mé a baakamle sɔʼɔ ɛ, é jɔʼ bé lé esa mɨsyem ɨ, bé edim é nkɔb bʉr. Ntʉʼ motie mo Moyiz ndɨ esa ó, bé dwèʼ no. OYʉden bɛɛ ó ndɨ baa ndɨ é monkara mo mɛra motie e. ǃBé ósa mɨsyem wa, bé ódweŋɔ mobe lé edu mpʉ motie maa lé elɛɛ ɛ.

Rôm 2:27

Mʉr bɨkul l'apa saŋɔ mpʉn é nko paʼ nyʉl ɨ, ǃnye si du yɛɛ motie nɛʼɛ, nye ódwe go mobe, gwɔɔ Yʉden. Go a si ntɨhɔ okalara o motie. Go nteme si saŋɔ mpʉn. Pie tɨ, go ze ntaa motie maa!

Éfɛsɔs 2:12

Toŋla ga nteme mpʉ bɨn bé a taare be-be e. É til molu yaa, Lœma mulo mo Zyɛm a baakunbo e bɨn. É nko paʼ kul bwa b'Ɨzraɛl, bɨn bé a si pɨmɔ é sama yɔɔ, duho mya. É nko paʼ mpʉn Zyɛm a de e bɨmpam byɔɔ ɛ, ndwe e monkɛʼ nye a liʼe bye e ma ɛ, bɨn bé a baabe ba e nkɔb tɨ. É til molu yaa yiyɛh, mɨleme min, myé a baabe ba e mbɛla. É si nwaʼ nyiwɛh, bʉr o bɨkul bin, bé a be ó, lé ejeʼe Zyɛm.

Mɨlʉmlʉ 17:30

«É jɔʼ mya, bɨmpam bin, byé a be-be ó, lé ejeʼe Zyɛm. Nye a baabul gba ebɨh laa é nkɔb. No ó, banana, nyi ka lɛɛ e bʉr bɨbɛh é bɨgumo bibyɛh ó, bé gwɨma mobebe mɔɔ le edwir mɨleme.

Mɨlʉmlʉ 10:35

Zyɛm, nye ebee mbɨmbɨa ó, mʉr nyiwɛh lé edwaabe nye, ndwe le esa syɛɛla ndɨ cɨcyel ɨ. Nye esyɛŋ bʉr baa ó, lé edwih be é bɨkul bibyɛh.

Rôm 1:32

Dam be ó, bʉr baa, bé egʉa ó, Zyɛm a lɛɛ ó, bʉr bɨbɛh ndɨ esa mɨmbi mɨ ebebe myaa ɛ, bé edaʼre ó efie é monyʉl mɔɔ, bɛɛ, bé ó njɨ lé eto dolo lé esa-sa bɨsyɛɛla byaa. Yé abe njɨ no, yé ome. É jɔʼ bé lé ebee bʉʉ bʉr lé esa syem ɨ, bé ekʉ mɛʼle bɨsyɛɛla byɔɔ le esoʼlo be ó, bé toʼ dolo lé esa bye, to-to ó toʼ.

1 Korɛnt 11:14

Njwɨr ebyɛl, wé mʉr tɨ, wé eyeʼle bɨn nteme ó, é jɔʼ mʉrʉm lé ebaʼle mpuo é jaa jaa ɛ, sa yaa, yé ó nye é sa fwon.

Filipi 4:8

Obɨɔ ga bam aa! Sa me óka tile bɨn é l'epihe e, yé ó nɛɛ: pahla ga bɨsa ndɨ cyecye e ndwe e byaa bɨ duu, bɨsa ndɨ cɨcyel ɨ. Pahla ga bɨsa ndɨ é pememe le ebul kpɛlɔ ɛ. Pahla ga mɨlɔb bʉr lé ebul mɛʼle e, le bɨsa ndɨ é mbɨa le egumlɔ ɛ.

Mɨlʉmlʉ 14:16

Molu pihe, nye a si bir bɨkul bɨ bʉr, tɔɔ mɨmya é buobuo ó, bé toʼ é mɔɔ mozi bé bʉr o tɨʼ, bé a bɛa pɛh ɛ.

Rôm 2:15

É jɔʼ bé lé esa no e, bé ekʉ lɛʼle ó, sa motie lé etɨe e, yé ó tila é mɨleme myɔɔ. Mɨpɛhla mɨleme myɔɔ, myé eboʼlo nteme no. Myé enwahle é biʼ bɨjɔʼ ó, bé a si jeʼe esa. É byʉʉ bɨjɔʼ, myé elɛʼle be ó, bé a be ó si gʉa esa.

1 Korɛnt 9:21

É jɔʼ me ndɨ esyɛŋa zi e bʉr o ndɨ adu motie mo Moyiz ɨ, bɨh e boo nɔɔ, bé e l'ebò e cyen egwar. Yé anwɨɨla ó, me ó é monkara mo mɛra motie. Me esa no ó, me nkʉʼ dulo bʉr o bɨkul bɨfih onɨ. É l'ocyecye, me agwɨm dwih nyʉl wam é nkara motie mo Zyɛm, ebe, me ó é nkara mo Krɨst.

Éfɛsɔs 2:3

Bɨna bɨbɛh, bé a taare kœʼ ga ó, ebò e cyen egwar laa. Bɨna bé a kʉ saa-saa ga ó, njɨ edu bɨgwɨma bɨ nyʉl bɨpuno ga wina. Bɨgwɨma byaa ó b'a bul pebre-pebre bɨna ga é mɨleme. Sa yé a kʉ jala e bɨh oYʉden ɨ, yé a be ó, Zyɛm kpaŋa empime le e bɨh, jwɨʼ gwar e gwar mpʉ nye a jala le ekpaa e bʉr o ndɨ abe oYʉden ɨ.