Rôm 2:12 - Kálara Zyɛ̌m Edwán é mpʉ̌n

¹² Baa motie mo Moyiz, mé a baakamle sɔʼɔ ɛ, é jɔʼ bé lé esa mɨsyem ɨ, bé edim é nkɔb bʉr. Ntʉʼ motie mo Moyiz ndɨ esa ó, bé dwèʼ no. OYʉden bɛɛ ó ndɨ baa ndɨ é monkara mo mɛra motie e. ǃBé ósa mɨsyem wa, bé ódweŋɔ mobe lé edu mpʉ motie maa lé elɛɛ ɛ.

Kálar Nzyɛ̌m : Ejwán é Sáá

¹² Osyɛ̂l o mísyóm o b'á be atyélɔɔ metié mé Moyɨ̂z bá, bé ódîm ɨ́ nkɔb bʉr. Sâ gwár, bé ádwe ɨ́ lɔ̌b métié Moyɨ̂z á tyêl lɨ́ esú lé óYúden má. OYúden bɨ́ɛ, bʉr o b'á bi metié mé Moyɨ̂z bá, bé ódweŋɔɔ mébě ó, dû mpʉ métié maá dí etɨ́e yɨ́.

Rôm 2:12 ပူးပေါင်းရင်းမြစ်များ

1 Korɛnt 9:21

É jɔʼ me ndɨ esyɛŋa zi e bʉr o ndɨ adu motie mo Moyiz ɨ, bɨh e boo nɔɔ, bé e l'ebò e cyen egwar. Yé anwɨɨla ó, me ó é monkara mo mɛra motie. Me esa no ó, me nkʉʼ dulo bʉr o bɨkul bɨfih onɨ. É l'ocyecye, me agwɨm dwih nyʉl wam é nkara motie mo Zyɛm, ebe, me ó é nkara mo Krɨst.

Galásia 3:10

Ebe, ǃɨ mʉr si buʼla ó, Zyɛm ódwe nye mokebe ebe mbi nye lé edu motie nɛʼɛ, nye e bɨkɔ́ɔlʉ, ebe, yé ó tila é l'okalara o motie mo Moyiz ó: «Mʉr nyiwɛh ndɨ adu motie mɨmɛh ndɨ mɨtila wâʼ ɛ, nye e bɨkɔ́ɔlʉ.»

Rôm 8:3

Yé ó no! Ebe, yé a baabana ó, bɨna biʼe tiʼ molu mo mpoʼ mɨmɛh ebe mbi bɨna lé edu ga motie e, ebe, nyʉl bɨpuno ga wina a be ó é cyɛʼ. Sa motie mo Moyiz, mé a baakoʼo lé esa ɛ, Zyɛm nyɛɛ a si bana sa ye. Nye a si ntɨh Mwan we é si nwa, nyʉl we lé ekʉ nwɨɨla e waa ga wina, osyɛl o mɨsyem. Nye a ze é lɔb syem ga wina waa ó, nye ntaʼ, ze pɛʼ we. Zyɛm a si dwe Yesʉs mobe é lɔb syem waa.

Rôm 1:32

Dam be ó, bʉr baa, bé egʉa ó, Zyɛm a lɛɛ ó, bʉr bɨbɛh ndɨ esa mɨmbi mɨ ebebe myaa ɛ, bé edaʼre ó efie é monyʉl mɔɔ, bɛɛ, bé ó njɨ lé eto dolo lé esa-sa bɨsyɛɛla byaa. Yé abe njɨ no, yé ome. É jɔʼ bé lé ebee bʉʉ bʉr lé esa syem ɨ, bé ekʉ mɛʼle bɨsyɛɛla byɔɔ le esoʼlo be ó, bé toʼ dolo lé esa bye, to-to ó toʼ.

Mataos 11:24

Ebe no, me elɛɛ bɨn ó nɛɛ: é dobo le etiʼ e mɨlɔb, bʉr o lal Sodɔm, bé aŋa kabɔ bɨntɨʼa mpʉ mo go, Kapernaʉm.»

Jacques 2:10

Mʉr dam du motie mo Zyɛm mɨmɛh, ǃnye si ka ntaa etie egwar nɛʼɛ, nye e mobe jwɨʼ gwar e gwar mpʉ waa a ntaa mɨmɛh ɛ.

Rôm 4:15

É jɔʼ Zyɛm lé etiile bʉr motie e, bé entaa motie maa, Zyɛm, nye ntɔʼ kpaa empime. Nkʉ motie, mé a be ó be, abe nɛʼɛ, mpa ntaŋa motie nteme, wé abe.

Mataos 11:22

Ebe no ó me lé egʉa kʉ lɛɛ bɨn ó, é dobo le etiʼ e mɨlɔb, bʉr o Tir e Sidɔn, bé aŋa bul kabɔ bɨntɨʼa mpʉ bɨn.

Galásia 3:22

Ebe, yé ó tila é Kalara Zyɛm ó, bʉr o si nwaʼ bɨbɛh, bé ó, é mpila mɨsyem myɔɔ. Mɨsyem myɔɔ, myé a si kaʼ bɨbɛh monkara. Sa gwar, Zyɛm, nye ekɛʼ ó, baa bɨbɛh lé ejyɛʼ taa buʼo yɔɔ boo Yesʉs-Krɨst ɨ.

Yʉanes 19:11

Yesʉs, nye e nye ó: «Nkʉ nkul mo Zyɛm a be ó be, apyal boo go nɛʼɛ, mpa go abe e nkul é me. Ebe no, mʉr lé ekɛha me, cen me é mobo mo e, nyɛɛ ó b'a bul sa syem, laa go.»

Mɨlʉmlʉ 2:23

Zyɛm a bɛa gʉa ó, bɨn bé ókɛha nye é mobo mo bʉr o ndɨ entaa motie e. Bɨn bé a kʉ du ó, mpʉ nye a bɛa tiʼe é leme we e. Bé ze cyèl nye é klos kʉ, jʉŋɔ nye.