Rôm 2:11 - Kálara Zyɛ̌m Edwán é mpʉ̌n

¹¹ ebe, Zyɛm, nye adwaabe bʉr é lɔb mompom mɔɔ.

Kálar Nzyɛ̌m : Ejwán é Sáá

¹¹ Ebě, Nzyɛ̌m, nyé abe lɨ́ edwáawo bʉ̂r mempǒm.

Rôm 2:11 ပူးပေါင်းရင်းမြစ်များ

Mɨlʉmlʉ 10:34

No ó Pyɛr a ze nʉa lwib. Nye ó: «Mɨ kʉ gʉa cyecye é bananaʼ ó, Zyɛm, nye adwaabe bʉr é lɔb mompom mɔɔ.

Galásia 2:6

Me a si to bee baa bé a nyin é mih ó, bé ó ocyɛb be efoʼ e... Nkʉ bé ó ocyɛb be efoʼ é l'ocyecye, nkʉ bé abe be, no yé asa mɛm sɔʼɔ, ebe, Zyɛm, nye adwaabe bʉr é lɔb mompom mɔɔ... Bʉr o b'a bul nyin no e, é jɔʼ me a lɛɛ be Mbɨambɨa Lɔɔ me lé elɛɛ bʉr ɨ, bé a baakɛl ekan egwar tɨʼ kʉ.

Kolosi 3:25

Syɛl ebebe nyɛɛ óbi sa lé ejala e l'ebebe le e, ebe, Zyɛm, nye adwaabe bʉr é lɔb mompom mɔɔ.

Éfɛsɔs 6:9

Bɨn ojwɨʼa o molʉa ɛɛ! Saʼ ga molʉa mɨn bɨsyɛɛla bɨmpwar bɨnɨ. Daʼ bɛŋ ga be. Bɨn bé ejala le egʉa ó, Da Yesʉs, mʉr mu lé edi é jobo kʉ ɨ, nye ó ndɨ Tî win boo molʉa mɨn, bɨn bɨbɛh. Nye adwaabe bʉr é lɔb mompom mɔɔ.

Mataos 22:16

No ó bé a ze lomo bʉʉ ompʉn bɔɔ nko nye a be e, bé e bʉr o mpoʼo Erod. Bé e nye ó: «Yeʼle, bɨh bɨ gʉa ó, go elɛɛ ó ocyecye. Go nteme, go edwe bɨh sikʉlʉ tiibe e Zyɛm é l'ocyecye. Sa mʉr fih lé ebee é we paʼ ɛ, yé alɛɛ go sɔʼɔ. Go ádwaabe bʉr é lɔb mompom mɔɔ.

Lʉkas 20:21

No ó bé a ze lɛɛ e nye ó: «Yeʼle, bɨh bé ekʉ gʉa ó, sikʉlʉ go lé edwe bɨh ɨ, yé ó njɨ cɨcyel. Go ádwaabe bʉr é lɔb mompom mɔɔ. Go eyeʼle bɨh ekœʼ ebò e cyen Zyɛm lé ekpɛl ó, bʉr kœʼœ œ.

1 Pyɛr 1:17

É mpʉ bɨn lé esa Zyɛm mɨnjwɨʼla, ndwe le emɛʼle ó, nye etiʼe bʉr mɨlɔb, abe lé edwaabe bʉr é lɔb mompom mɔɔ, le egʉa ó, nye esa no lé edu mpʉ bɨsyɛɛla byɔɔ, byé a be e, gʉŋa ga nteme ó, bɨn bé ejala le elɛŋ tiʼ yin lé ekœʼ ebò e cyen lé elɛʼle ó, bɨn bé edwaabe nteme nye e. Dɨʼe sa ga no cye yiyɛh bɨn dina kʉ ɨ.

Rôm 9:14

Yé be no nɛʼɛ, bɨna kaʼ lɛɛ ga é yé? Zê Zyɛm, nye lé esa bɨsyɛɛla ndɨ ozyɛhozyɛh ɛ? Hɨʼɨ, yé abe ba no,