Rôm 2:10 - Kálara Zyɛ̌m Edwán é mpʉ̌n

¹⁰ Baa bɨbɛh ndɨ esa embɨa ɛ, bɛɛ, Zyɛm óseʼle be, le edwe be kum ndwe e motala. Nye ódwe be kum ó, taare é l'oYʉden, to pyal é bʉr o bɨkul bɨfih,

Kálar Nzyɛ̌m : Ejwán é Sáá

¹⁰ Bʉr bɨ́bɛ̂h o dí esâ émbɨa bá bɨɛ, Nzyɛ̌m ódwe bé kûm le dúu. Nye ógbâ bé mepyɛbla ɨ́ miléme. Nye ódwe ó, táare le oYúden, tó kala e baá o dí abe óYúden bá.

Rôm 2:10 ပူးပေါင်းရင်းမြစ်များ

1 Pyɛr 1:7

Bɨn bé ebɔma e mobʉbla maa ó, bɨn nkʉʼ gʉa bee pie tɨʼ nkʉ bɨn bé ó e buʼo mpa. Taa buʼo bɨn lé ejyɛʼ boo Zyɛm ɨ, yé ó bɨn é bul buo dime, laa gol. Gol ndɨ sa yé ódim ɨ, pa taare gbaŋɔ é duro e molul, ó yé gʉa nyin nkʉ yé ó mpaŋ gol cyecye, a dwɛʼra e buʼo ga yina! Ebe no ó bʉr, bé ógumlo Zyɛm, le edwiibɨ nye é dobo Yesʉs-Krɨst óbula ze e.

Jacques 3:13

É mbɛr Zyɛm win, zé ndɨ cɨcyoo le ngwɨa ɛ? Mʉr ndɨ no e, nye ejala le elɛʼle ocyoo we waa ó, é zi mbɨambɨa ebò e cyen nye lé ekœʼ œ. Nye saʼ mɨmpaŋ bɨsyɛɛla, le etala njwɨr e bʉr bɨbɛh. Mpaŋ ocyoo, wé ó nɨ.

Rôm 8:6

Ebe, bʉr o ndɨ epahle njɨ bɨgwɨma bɨ nyʉl bɨpuno e, byé edaʼre ó efie é monyʉl mɔɔ. Gwɨma mo Mbɨambɨa Sisim yɛɛ, yé edwe bʉr tiʼ molu mo mpoʼ mɨmɛh ndwe e motala.

Rôm 2:7

Baʼ bʉr, bé esaa ó, kum é mih mo Zyɛm, e duu le tiʼ ndɨ asie-sie e. Bé edihbe sɔɔlʉ waa e bihbe, lé esa bɨsyɛɛla bɨ ncwɨncwɨa. Bé ó baa Zyɛm ódwe tiʼ molu mo mpoʼ mɨmɛh ɛ.

Lʉkas 1:79

Mɨmbah, myé ókʉn bɨna ga bʉr o b'a be-be é l'edurʉ, baa b'a be-be é ka foo e. Nye ólɛʼle bɨna ga ebò e cyen bɨna lé ejala le ekœʼ ga ɛ, bɨna ga e boo nɔɔ nkʉʼ tiʼe é motala.»

Jacques 2:22

Bɨna bé ekʉ bee ga ó, Abraham a si buʼla, buʼo ye lé ebaʼra e bɨsyɛɛla. Bɨsyɛɛla bye, byé ntɔʼ sa ó, buʼo ye, yé kuma é l'ombɨmbɨa é mɨpaʼ mimyɛh.

Galásia 5:6

Yé be ó, mʉr fih mʉr kɛ̀l, nyi di é zyɛŋa wɔɔ boo Yesʉs-Krɨst nɛʼɛ, lɛɛ ó, esaŋɔ mpʉn, lé aŋa ka be nye e nyɔm. Yé nteme, yé aŋa ntɨʼ, nkʉ nye óbe, l'asaŋɔ nye. Sa ndɨ nye e nyɔm ɨ, yé ó mbi buʼo lé enyin é bɨsyɛɛla bɨ ncwɨncwɨa ɛ.

Rôm 5:1

Zyɛm mu ó si dwe bɨna ga mokebe ebe taa buʼo bɨna lé ejyɛʼ boo Krɨst ɨ. Ebe no ó bɨna ga e boo Zyɛm mu mbɨmbɨa, dumo e Tî ga wina Yesʉs-Krɨst ɨ.

Rôm 2:9

Bʉr bɨbɛh ndɨ esa syem ɨ, Zyɛm óbul laŋle kab be bɨntɨʼa e mɨtuu. Bé ósia e bye, taare é l'oYʉden, to pyal é bʉr o bɨkul bɨfih.

Yʉanes 16:33

Me elɛɛ bɨn mɨlɔb mɨnɨ ó, bɨn nkʉʼ di é zyɛŋa ga wina, bɨn nkʉʼ di é motala. Bɨn bé ósia e mɨtuu lé edi é bebebebe si nwa. Dam be no, tʉmɨ ga monyʉl. Mɛm, mɨ ntaa nye é nkul!»

Filipi 4:7

Zyɛm óbaʼle mɨleme min ndwe e mɨsisim min ó, é zi motala me. Mɨleme min loŋla e motala ebe zyɛŋa win boo Yesʉs-Krɨst, ebe, motala mo Zyɛm lé entaa ocyoo wiwɛh ɛ, mé óbaʼle mɨleme min ndwe e mɨsisim min é zyɛŋa win boo Yesʉs-Krɨst.

Galásia 5:22

Sa gwar, Mbɨambɨa Sisim, nye e bɨsyɛɛla nye lé esa e bɨna ga ɛ. Mpumo lé egumo é zi mo Mbɨambɨa Sisim ɨ, nye ó: kpɛl, bɨsʉhʉ, motala, bihbe, njwɨʼa-nkoo, ncwɨncwɨa, edira monkɛʼ,

Rôm 15:13

No ó, Zyɛm lé egba bʉr mbɛla é mɨleme e, nye cyɛba bɨn é mɨleme, ó bɨn soha é jɔʼ yiyɛh. Mɨleme min, myé loŋla e motala ebe buʼo yin. No ó myé óloŋlo e mbɛla ebe nkul mo Mbɨambɨa Sisim ɨ.

Rôm 14:17

Jwɨ̀ʼa mo Zyɛm, yé abul dwɛʼ lɔb ede le enyʉl. Yé ó jwɨ̀ʼa ocɨcyel, motala, ndwe e bɨsʉhʉ bɨna lé ebi ga é zi mo Mbɨambɨa Sisim ɨ.

Rôm 9:23

Zyɛm, nye esa no, bʉr gʉŋa ó, nye e mpwaʼ kum. Nye ókab bɨna ga kum waa, bɨna ga, bʉr nye a kpɛl cwɨa e be e, ebe, bɨna ga ó ndɨ baa nye a bɛa cye ó, nye ókab be kum waa ɛ.

Rôm 9:21

Hɨʼɨ, mel mompɨ, nye e nkul esa sa nye kpɛl ɨ, e deʼe le. Nye óbɛm nʉa buʼ deʼe, pɛʼ ye bɨpeh bɨba, nʉa wiʼ paʼ, me jaa daala e tɨ; nʉa guu paʼ nɛʼɛ, me yʉʉ sa daala yé óbiŋɔ-biŋɔ dobo lɨlɛh ɛ.

Mɨlʉmlʉ 10:35

Zyɛm, nye ebee mbɨmbɨa ó, mʉr nyiwɛh lé edwaabe nye, ndwe le esa syɛɛla ndɨ cɨcyel ɨ. Nye esyɛŋ bʉr baa ó, lé edwih be é bɨkul bibyɛh.

Yʉanes 12:26

ǃƗ mʉr si gwɨm sea e me nɛʼɛ, yé ekʉ jala ó, nye duʼo me. Gumo me ndɨ ɨ, gumo yaa ó syɛl mosa wam nteme, nye ódi ɨ. Waa nyiwɛh ósea e me e, Sɔŋ wam ókʉ seʼle nye.»

Lʉkas 22:14

É jɔʼ ewala le edɨɨ, lé a pyal ɨ, Yesʉs bé e mɨlʉmlʉ mye ze diŋɔ si é teble.

Lʉkas 19:42

Nye ó: «Nkʉ go be ó be, gʉa muh sa yé a ngbaa sa ó, mɨlɔb, myé kwɨmlɨ paʼra win boo Zyɛm nɛʼɛ, mpa go mu ó mbɨmbɨa! Banana, yé ó go fela. Go abe e nkul ebee ye!

Lʉkas 12:37

Mocyɛʼ mo mpom, mé e l'osyɛl o mosa sɔŋ wɔɔ ókœb ó, bé be ó si di nkehe e. Me elɛɛ bɨn cyecye ó nɛɛ: nye óbwar mɨkan mye mpʉ syɛl mosa, ntɔʼ sa ó, bé diʼe si, ó bé deʼ. Nye òsea e be.

Lʉkas 9:48

Nye ze lɛɛ e be ó: «Mʉr nyiwɛh óbɨlan e mbi mancyom wiʼ mbɨmbɨa é die lam ɨ, nyi bɨlan e me mʉr tɨ. Mʉr bɨlan e me e, nyi bɨlan nteme e mʉr a ntɨh me e. É l'esama lɨn, mʉr bɨn bɛɛ lé ebee ó, nye ó ndɨ é bul twaʼbe e, nye ó ndɨ waa lé elaa bɨn bɨbɛh ɛ!»

Mataos 10:13

ǃƗ bʉr o mbɛr waa si bɨlan e bɨn mbi ndɨ ejala nɛʼɛ, motala mɨn, mé liʼɨ é sama yɔɔ é jɔʼ bɨn bé ólaa, to e. Yé be ó, bé abɨlan e bɨn no nɛʼɛ, motala mɨn maa, mé óbula ze kœb bɨn.

1 Pyɛr 5:4

É jɔʼ Kobla bɨntœme nɨnɨ óbâʼle nyin ɨ, nye ópaʼle bɨn syɛɛ yin yaa, le ebœr bɨn mopʉʼlʉ mo duu mɨn. Mé ódi-di ó, njɨ é ncyɛn-nti-ncyɛn, akuna-kuna.

Yʉanes 14:27

«Motala ó me lé eliʼe bɨn e ma ma. Motala mam ó me lé edwe bɨn ma. Me adwe bɨn motala mam mpʉ bʉr o si nwaʼ lé edweela bɨsɔʼɔ, ka bula dɛn bye e. Asyɛl ga ba. Ajoʼo ga bʉa.

1 Timotɛ 1:17

Zyɛm ndɨ Njwɨɨbʉr njʉmdia e njʉmdia, waa ndɨ abe e nkul edwè, waa ndɨ anyin bʉr é mih, waa ndɨ Zyɛm nye ome e, duu ndwe e kum, byé diʼe é nye njʉmdia e njʉmdia. Amɛn.

Ebrœ̂ 2:7

É ma jɔʼ, go a si fil nye si. Beengles, bé a si nyin e duu, laa nye ba titia. Pie tɨ, gɨ ka bœr nye epʉʼlʉ é lʉ, le edwe nye kum ndwe e duu.