Rôm 2:1 - Kálara Zyɛ̌m Edwán é mpʉ̌n

¹ No ó, gwɔɔ, mʉr lé edwe bʉr mobe e, go abe e nkar é mih mo Zyɛm! É jɔʼ go be ó, go dwe ó bʉr mobe e, nʉm go, wé ebula dwe go mʉr tɨʼ mobe, ebe, gwɔɔ yɛɛ «tiʼà mɨlɔb», gwɔɔ lé ekʉ sa nteme bɨsyɛɛla bɨmpwar byaa!

Kálar Nzyɛ̌m : Ejwán é Sáá

¹ Nó ó, gua, mʉr dí edwe bʉ̂r mebě nyá, gó abe e nkul ekar ɨ́ míh mé Nzyɛ̌m. Jɔʼ gó dwé bʉ̂r mebě yɨ́, num gô, wé lɨ́ edwe ntémé go mʉr tɨ̂ʼ mebě, ebě, gua yɨ́ɛ tîʼ milɔ̌b, gǒ jaá sâ ntémé ó, njɨ bisyɛ́ɛla bimpwár byaá.

Rôm 2:1 ပူးပေါင်းရင်းမြစ်များ

Lʉkas 6:37

«Atiʼe ga mɨlɔb mɨ bʉʉ bʉr; Zyɛm nkʉʼ be, atiʼe myaa min. Adwe ga bʉr mobe, bɨn jaa dweŋɔ mobe. Pɛʼɛ ga bʉr bɨbaa bɨ ebebe bɨn bé a niʼe be e, Zyɛm nkʉʼ pɛʼ bɨn byaa nye lé eniʼe bɨn ɨ.

Rôm 2:3

Gwɔɔ mʉr lé edwe bʉʉ bʉr mobe ebe bɨsyɛɛla bé lé esa ɛ, gwɔɔ nteme lé esa bɨsyɛɛla bɨmpwar byaa! Go ósa nyá ɛ? Zê go ósyɛhle tiʼa mɨlɔb mo Zyɛm ɛ?

Rôm 9:20

Gwɔɔ mʉr lé edo e Zyɛm ɨ, go ebee ó, go ejala le entɛŋ nye motia, dɔɔ waa yé? Sa mʉr a me e deʼe e, zê yé e nkul ebɛʼ e mel ó: «Ebe yé go a me me mpʉnʉ nɨ» ɛ?

Jacques 4:11

Obɨɔ ga bam aa! Mʉr asa ga movoʼ paʼra win. Waa nyiwɛh lé efœʼ mɨɔ we, nkʉ dwe nye mobe e, nye mu ó mpʉ sa lɛɛ, nyi bee etie mo Zyɛm e bɨgwɨh. Mbi mʉr waa, nye aka be lé edu motie me. Nye mu lé ejwɨʼ ó, nye ó mbɨra kʉ, motie mɛɛ lé eliʼ si.

Jacques 2:20

Sa mbɛh mʉr aa! Zê go lé egwɨm gʉa ó, buʼo ndɨ anyin bɨsyɛɛla ɛ, yé abe e nyɔm ɛ?

Lʉkas 19:22

«Sabene, nye e nye ó: “Go sa bɨbla syɛl mosa yi! Me ótiʼe go lɔb é mokan lé eduho é nʉm go e. Go a be ó si gʉa ó, me é lele mbo. Go a gʉa ó, me enʉa-nʉa sa me a baakomo e. Go a bee ó, me ekpɛl mwaʼ mode ó, é peme me a baabè mompœʼ tɨʼ ɨ.

1 Korɛnt 7:16

Mʉma ndɨ mbuʼla ɛ, go ógʉa é yé? Diŋa ó, go ó ndɨ e nkul etiʼ njʉmo. Yé abe no? Mʉrʉm ndɨ mbuʼla ɛ, gwɔɔ nteme, go ógʉa é yé? Diŋa ó, go ó ndɨ e nkul etiʼ myɛlo.

Lʉkas 12:14

Yesʉs, nye e nye ó: «Wɛɛ! Zé a cyel me lɔ̀b é mɨlɔb min? Zé a pa kʉ lɛɛ ó, me kaba bɨliʼ mo sɔŋ win?»

Rôm 2:2

Bɨna bé ekʉ gʉa ga é nko paʼ bʉr o ndɨ esa mɨmbi bɨsyɛɛla byaa ó, Zyɛm, nye edwe be mobe tɨ. Nye esa no ó, é l'ocyecye.

Rôm 3:9

Yé be no nɛʼɛ, zê bɨh oYʉden o ndɨ elaa bʉʉ bʉr é mih mo Zyɛm? Hɨʼɨ, yé abe ba no. Me be ó si dwe oYʉden ndwe e bʉr o ndɨ abe oYʉden ɨ, mobe. Mɨsyem myɔɔ, myé ejwɨʼ ó bɨbɛh.

Rôm 14:22

Sa go mu si buʼla ɛ, baʼla ye é leme go tʉŋlʉ. Bɨn e Zyɛm oba nkʉʼ gʉa ye. Zyɛm ósʉ mocyɛʼ mo mpom me ó, é mʉr lé ekœʼ ebò e cyen mʉr tɨʼ a pa mɛʼle e. Mʉr waa, nye aŋa gwɨma ebò e cyen le laa.

1 Korɛnt 4:5

No ó, atiʼe ga lɔb mo nuu mʉr cye yiyɛh yé l'apa pyal jɔʼ elab ɨ. Bona ga ó, Da, nye ntaʼ. Nye ópyɛl sa ndɨ é l'edurʉ ɨ, cen ye é myɛn. Nye ógwih bɨjwɨʼ bʉr lé ebà é mɨmo si ɨ. É jɔʼ yaa ó Zyɛm óseʼle bʉr be, dwe mʉr nyiwɛh kum ójala e nye e.