Rôm 16:7 - Kálara Zyɛ̌m Edwán é mpʉ̌n

⁷ Me esoho nteme mɨmbyɛl myam, Andronikus bé e Yʉnias. Bɨh e boo nɔɔ ó b'a be é mbʉʼ. Bé ó b'a taare jyɛʼ taa buʼo yɔɔ boo Krɨst e me. Bé é bul gʉŋɔ boo sama mɨlʉmlʉ mo Da.

Kálar Nzyɛ̌m : Ejwán é Sáá

⁷ Me lɨ́ esoho ntémé mimbyɛ́l myâm, Androníkus, bé e Yʉniâs. Bɨ̌h le onɔ́ɔ́ ó b'á be ɨ́ mbʉʼ. Bé ó b'á nyɛɛ dyɛ̂ʼwo e Krîst e me. Ɨ́ sɔ́má bʉ̂r o mílʉ́mlʉ́ bé, bé ó bʉr o jálá le ebuú sêʼlɔɔ bá.

Rôm 16:7 ပူးပေါင်းရင်းမြစ်များ

Rôm 16:21

Timote, mʉr nwan yam ndɨ é l'empomo e syɛɛ egwar ɨ, nye esoho bɨn. Mɨmbyɛl myam mi, Lʉsiʉs, Yasɔn, ndwe e Sosipatros, myé esoho nteme bɨn.

Rôm 16:11

Me esoho mbyɛl wam Erodion. Me esoho nteme bʉr o mbɛr bʉr mo Nasisʉs, baa ndɨ é zyɛŋa wɔɔ boo Da Yesʉs ɨ.

Filemɔŋ 1:23

Epafras, mʉr nwan yam bɨh e nɔɔ ndɨ é mbʉʼ ebe Yesʉs-Krɨst ɨ, nye esoho go.

Kolosi 4:10

Aristarkus, mʉr nwan yam ndɨ é mbʉʼ wâʼ ɛ, nye esoho bɨn. Markus, mɨɔ mo Barnabas, nye esoho bɨn nteme—bɨn mu ó si bɛa bi kalara me a tile, tiibe e nye e. ǃNye si ze gʉʼ bɨn ye nɛʼɛ, bɨn bé à gʉa bɨlan e nye.

Éfɛsɔs 2:10

Bɨna ga bé ó baa Zyɛm a kpaʼ e mobo me nye mʉr tɨʼ ɨ. Nye ntɔʼ ze dil bɨna ga é Yesʉs-Krɨst dil dilɨ é l'efu ó, bɨna diʼe ga bʉr bé ósa bɨsyɛɛla bɨ ncwɨncwɨa ɛ. Zyɛm nye mʉr tɨʼ ó b'a bɛa tiʼe é leme we ó, bɨna saʼ ga nye bya.

Galásia 1:22

Cye yaa yiyɛh, mɨmbɛr mɨ Zyɛm mu é zyɛŋa wɔɔ boo Yesʉs-Krɨst, myaa ndɨ é lal Yʉda ɛ, myé a baapa gʉa me.

2 Korɛnt 5:17

Yé be ó, nuu mʉr, nye ó é zyɛŋa wɔɔ boo Krɨst cyecye nɛʼɛ, lɛɛ ó, nye mu ó edwan e cyea sɔʼɔ. Mɨnjʉ̌m bɨsɔʼɔ mimyɛh, mi laa; bɨsa bibyɛh mu ó, njɨ modwan e modwan.

Mɨngwiha 1:9

Yé ó mɛm mɨɔ win Yʉanes. Bɨna ga bé ó é zyɛŋa-mɨleme obuʼla tʉŋlʉ. Bɨna ga bé ó bʉr o ndɨ ebɔma e tíila gwar ɨ. Bɨna ga bɨbɛh, bé ó é jwɨ̀ʼa mo Yesʉs. Bɨna ga bɨbɛh, bé edihbe mɨtuu mɨmpwar ebe nye. Bé a si mɛr me, pɨrɔ me é dine Patmos. Bé a sa me no ó, ebe lɔɔ Zyɛm me a be lé elɛɛ ɛ, ndwe e mboʼla me lé eboʼlo, tiibe e Yesʉs ɨ.

1 Yʉanes 5:20

Bɨna bé egʉa ga nteme ó, Mwan mo Zyɛm a si ze, ze gba bɨna ga pɨʼ é mɨleme, ó bɨna gʉŋa ga Zyɛm ndɨ cyecye e. Bɨna bé edi ga é zyɛŋa ga wina boo mʉr ndɨ cyecye e, ebe, bɨna bé edi ga é zyɛŋa ga wina boo Mwan we, Yesʉs-Krɨst. Nye ó ndɨ Zyɛm cyecye ndwe e l'Etin e Tiʼ.

1 Yʉanes 4:13

Bɨna bé egʉa ga ó, bɨna bé etiʼe ga é zyɛŋa wina boo Zyɛm, nyɛɛ é zyɛŋa ga wina. Bɨna bé egʉa no ó, ebe, nye a si ntɨh bɨna ga Sisim we.

Galásia 6:15

Yé asiila sɔʼɔ nkʉ gɨ saŋɔ mpʉn, nkʉ go asaŋɔ nye. Bwaʼbwaʼ sɔʼɔ, yé ó, Zyɛm bula cye go.

Galásia 5:6

Yé be ó, mʉr fih mʉr kɛ̀l, nyi di é zyɛŋa wɔɔ boo Yesʉs-Krɨst nɛʼɛ, lɛɛ ó, esaŋɔ mpʉn, lé aŋa ka be nye e nyɔm. Yé nteme, yé aŋa ntɨʼ, nkʉ nye óbe, l'asaŋɔ nye. Sa ndɨ nye e nyɔm ɨ, yé ó mbi buʼo lé enyin é bɨsyɛɛla bɨ ncwɨncwɨa ɛ.

Galásia 2:6

Me a si to bee baa bé a nyin é mih ó, bé ó ocyɛb be efoʼ e... Nkʉ bé ó ocyɛb be efoʼ é l'ocyecye, nkʉ bé abe be, no yé asa mɛm sɔʼɔ, ebe, Zyɛm, nye adwaabe bʉr é lɔb mompom mɔɔ... Bʉr o b'a bul nyin no e, é jɔʼ me a lɛɛ be Mbɨambɨa Lɔɔ me lé elɛɛ bʉr ɨ, bé a baakɛl ekan egwar tɨʼ kʉ.

2 Korɛnt 11:23

Zê bé ó osyɛl o mosa mo Krɨst ɛ? (Me ekʉ lwib ó mpʉ gʉ!) Mɛm ó ndɨ é bul laŋle é nko paʼ waa! É nko paʼ bɨsyɛɛ, mɛm ó ndɨ é bul laŋle. É nko paʼ egbaŋɔ é mbʉʼ, mɛm ó ndɨ é bul laŋle. É nko paʼ mobiʼe, yé abe e tolɔɔ. É nko paʼ efie, me a be ó si jʉŋɔ zɔʼ e zɔʼ.

2 Korɛnt 5:21

Mʉr a baasa syem ɨ, nye ó ndɨ waa Zyɛm a kɛl mɨsyem mimyɛh é koo é ziʼrɨ ɨ. Yé a be ó é l'efu ga lɨna, ó bɨna nkʉʼ di ga ocɨcyel o bʉr é mih mo Zyɛm dumo e cɨcyel mʉr waa.

1 Korɛnt 1:30

Bɨn bé ó é zyɛŋa win boo Yesʉs-Krɨst ó, dumo e Zyɛm. Nye ó b'a sa nteme ó, bɨn biʼe ocyoo mo Yesʉs. Bɨn mu ó ocɨcyel o bʉr é mih me, dumo e Krɨst. Krɨst nteme ó b'a pubo bɨna ga. Nye ó b'a dwih bɨna ga é mpila ebebe é pololo.

Rôm 8:1

Banana, bʉr o ndɨ é zyɛŋa wɔɔ boo Yesʉs-Krɨst ɨ, Zyɛm, nye aka láa be bɨbaa bɨ ebebe byɔɔ, nkʉ kab be bɨntɨʼa ndɨ ejala e le e.

Yʉanes 15:2

Mɨlɔɔ mɨ tɨʼ mimyɛh ndɨ agumo mpumo e, nye etiʼe mye. No ó, mɨlɔɔ mimyɛh ndɨ e mpumo e, nye etiʼe-tiʼe bɨntoʼdu lé epah tɨʼ ɨ, le ekomlo mye ó, myé guma mpumo é buobuo.

Yʉanes 14:20

Dobo laa, bɨn bé ógʉa ó, me ó ɨ Sɔŋ wam, ndwe nteme, bɨn bé ó ɨ me, mɛm ɨ bɨn.

Yʉanes 6:56

Mʉr nyiwɛh lé ede bɨpuno byam le ebɛble motié mam ɨ, nye etiʼe ó, é zyɛŋa wina boo nɔɔ. Me ódɨ kœʼ e nye.

Galásia 2:2

Me a to no ó, ebe mɨfela mɨlɔb Zyɛm a gwih me e. É jɔʼ me a pyal gʉʼ ɨ, bɨh e mɨlʉ mɨ mbɛr Zyɛm waa, bé a be ó si sa bʉm. Me ntɔʼ ze lɛʼle be mpʉ me ndɨ elɛɛ Mbɨambɨa Lɔɔ boo bʉr o ndɨ abe oYʉden ɨ. Me a baamɛʼle ó, syɛɛ me a be lé ebɛa sea ɛ, yé dwèʼ ntuʼ.

Rôm 8:11

No nteme, ǃɨ Mbɨambɨa Sisim, mʉr a pɛ̀h Yesʉs-Krɨst é foo e, di é bɨn nɛʼɛ, lɛɛ ó, nye ópɛ̀h monyʉl mɨn é foo, maa lé edwè e. Nye ódwe monyʉl mɨn tiʼ é zi Sisim we ndɨ é monyʉl mɨn ɨ.

Rôm 9:3

Wé ekpaa me ó, lé ebee obɨɔ bam, bʉr o bɨh e boo nɔɔ bé a byɛl ɨ, bé mu é bɨkɔ́ɔlʉ tʉŋlʉ. Nkʉ Zyɛm be ó be, mɛʼle nɛʼɛ, mpa mɨ fuo ka lɛɛ ó, nye pɛʼɛ be bɨkɔ́ɔlʉ byɔɔ byaa, nye dihba káale yɛɛ me, dam be ó, bɨh e Krɨst, bé ófuo bɔʼa mpa.

Rôm 16:3

Soha ga me Priska bé e njʉm we Akilas, bʉr o nwan yam ndɨ é l'empomo e syɛɛ egwar é zyɛŋa wih boo Yesʉs-Krɨst ɨ.

Rôm 16:6

Me esoho nteme Maaria, mʉma a bul sea bɨn syɛɛ ɛ.

Rôm 16:8

Me esoho nteme mɨɔ kpɛl wam Amplɨatɔs ndɨ é zyɛŋa ga wina boo Da Yesʉs ɨ.

Rôm 16:9

Me esoho Urbanos, mʉr bɨh e nɔɔ ndɨ é l'empomo e syɛɛ egwar é zyɛŋa wih boo Yesʉs-Krɨst ɨ. Me esoho nteme mɨɔ kpɛl wam Stakus.

Rôm 16:10

Me esoho Apelɛs. Nye ó é zyɛŋa wɔɔ boo Krɨst. Nye ó é bul seʼlɔ. Me esoho nteme bʉr o mbɛr bʉr mo Aristobul.

2 Korɛnt 12:2

Me egʉa nuu mʉr é zyɛŋa wɔɔ boo Krɨst, muh mɨmbu ewʉm e mɨnâ. Mʉr waa a si nʉŋɔ, bɨnɔ kʉ, to pyal é jobo lɛl tʉŋlʉ. —Nkʉ nye a to ó, nye dina é cye mʉr ye nɛʼɛ, me agʉa. Nkʉ nye a baabe e nyʉl bɨpuno é jɔʼ yaa nɛʼɛ, me nteme agʉa. Zyɛm nye ome ó ndɨ ekʉ gʉa.