Rôm 16:4 - Kálara Zyɛ̌m Edwán é mpʉ̌n

⁴ É jɔʼ me a ngbaa dwè e, bé a si tiʼ me. Bé a be ó, bé dwè be, jala e me, é l'efu le etiʼ me. Bɨh e mɨmbɛr mɨ Zyɛm ndɨ ɨ mɨlal mɨ bʉr o ndɨ abe oYʉden ɨ, bɨh bé ebul dwe be ekiba tɨ.

Kálar Nzyɛ̌m : Ejwán é Sáá

⁴ Jɔʼ mé á gwa dwe yɨ́, bé á si tiʼ me. Bé á be ó, bé búrá ó e me, lɨ́ esú lé étiʼ mê. Bɨ̌h e bʉr ó páʼ mé Mbɛ̌r-Nzyɛ̌m dí lɨ́ esú é bíkûl e biloo wɨ́, bɨ̌h bé lɨ́ ebuú dwe bé nzyǒo tɨ̂.

Rôm 16:4 ပူးပေါင်းရင်းမြစ်များ

1 Yʉanes 3:16

É mbi wiʼ ó bɨna lé edweʼe ga sa ndɨ mpaŋ kpɛl ɨ: Yesʉs-Krɨst a si dwè, jala e bɨna ga. No nteme ó bɨna mu ó e mpɔla boo bʉʉ obuʼla ɛ. Bɨna bé ejɛna ga mpɔla waa ó, lé edwè, jala e l'obuʼla.

Filipi 2:30

ebe, nye a be ó si ngbaa dwè é lɔb syɛɛ mo Krɨst! Nye a si ngbaa dimle tiʼ ye, lé eze tʉŋ me, lé edwe me ngula bɨn bé a be, abe e nkul edwe me e.

1 Tesalonika 2:14

Obɨɔ ga bam aa! Bʉr o mɨmbɛr mɨ Zyɛm ndɨ é zyɛŋa wɔɔ boo Yesʉs-Krɨst, myaa ndɨ é lal Yʉda ɛ, bé a si sia e mɨtuu. Mɨtuu myaa, myé ó b'a kumo nteme e mbɛr Zyɛm win. Bɨn bɨ nʉa dweʼle tiʼ yɔɔ, ebe, bʉr o kul yin, bɨ tíile bɨn é mpʉ oYʉden bɛɛ lé ebɛa sa-sa obɨɔ bɔɔ ndɨ ejyɛʼ taa buʼo boo Yesʉs ɨ.

1 Korɛnt 16:1

É nko paʼ mozyɛŋ é l'efu e mɨsaŋ mɨ bʉr mo Zyɛm, me elɛɛ bɨn ó nɛɛ: mpʉ me a bɛa liʼe nʉm é mɨmbɛr mɨ Zyɛm ndɨ é lal Galat ɨ, saʼ ga jwɨʼ gwar e gwar yaa.

1 Korɛnt 7:17

Gʉa baʼle ga yɛɛ sa yi: Yé ejala ó, mʉr nyiwɛh diʼe é cye Da a bɛa cyel nye e. Mʉr mbɨa ó, kœʼ ebò e cyen Zyɛm a bɛa sa ó, nye kœʼœ œ. Motɨɨ maa, mé ó me lé entɛŋ mɨmbɛr mɨ Zyɛm mimyɛh ɛ.

Rôm 5:7

Bɨna bé egʉa ga ó, yé é bul kɔbla ó, nuu mʉr mɛʼla ó, nye jala e mʉr fih, mʉr waa dam be cɨcyel mʉr. Dam be no, nuu mʉr óbɛm tiʼe é leme we ó, nye ka ó fuo jala yɛɛ e mʉr ndɨ é mbɨa ɛ.

Mɨlʉmlʉ 16:5

No ó mɨmbɛr mɨ Zyɛm, myé a nʉa pim é buʼo e. Tɔɔ obuʼla nteme ze kʉ buo-buo bua dobo lɨlɛh.

Mɨlʉmlʉ 15:41

No ó bé a ze to, to laa lal Siria ndwe e waa Silisia, le egba mɨmbɛr mɨ Zyɛm nkul é monyʉl.

Yʉanes 15:13

Kpɛl ndɨ é bul laŋle bwaʼ ɛ, yé ó yaa mo mʉr lé edwe tiʼ ye é ziila e l'ofo be e.

Mɨngwiha 1:4

Mɛm Yʉanes ó lé etile bɨn, bʉr o mɨmbɛr mɨ Zyɛm tambɛl ndɨ é lal Azia ɛ. Mocyɛʼ mo mpom le motala mo Zyɛm, mé swɨŋɨ é bɨn. Nye ó waa a bɛa be, waa ndɨ, ndwe e waa lé eze e. Mé diʼe e bɨn nteme, duho é Mbɨambɨa Sisim ndɨ ti, waa ndɨ é l'empom e dia taʼa ye e.

Mɨlʉmlʉ 9:31

No ó, Zyɛm ze dwe bʉr o Mbɛr-Zyɛm jɔʼ ó, bé diʼe é motala é mɨlal mɨ Yʉda, Galɨle ndwe e Samari mimyɛh. Bé a si bul nʉa pim é buʼo, ebe, Mbɨambɨa Sisim a be ó lé egba be nkul é monyʉl. Mbɛr-Zyɛm ntɔʼ bwaʼ le gwɨe. Bé a tiʼe-tiʼe nteme ó, lé ekʉ dwaabe Da Yesʉs.

Mɨlʉmlʉ 15:26

Bé ó b'a kɛha bɨtiʼ byɔɔ ebe die mo Tî ga wina Yesʉs-Krɨst.

Rôm 16:3

Soha ga me Priska bé e njʉm we Akilas, bʉr o nwan yam ndɨ é l'empomo e syɛɛ egwar é zyɛŋa wih boo Yesʉs-Krɨst ɨ.

Rôm 16:5

Soha ga nteme bʉr o mbɛr Zyɛm ndɨ eze gwɨhla é mbɛr wɔɔ ɛ. Me esoho mɨɔ kpɛl wam Epayɨnetɔs. Nye ó b'a be mʉr efoʼ é lal Azia lé ejyɛʼ taa buʼo ye boo Krɨst ɨ.