Rôm 16:2 - Kálara Zyɛ̌m Edwán é mpʉ̌n

² É jɔʼ nye óze gʉʼ bɨn ye e, bɨn bé à beŋle nye mbɨmbɨa é die mo Da Yesʉs, mobeŋla lé ejala e mɨsaŋ mɨ bʉr mo Zyɛm ɨ. Dweʼ ga nye sa yiyɛh yé ósa nye sɔɔlʉ ɨ, ebe, nye mʉr tɨʼ a si fuʼo bʉr é buobuo ndwe e mɛm mʉr tɨʼ nteme.

Kálar Nzyɛ̌m : Ejwán é Sáá

² Jɔʼ nyé ópyâl gʉ̂ʼ kwá nyɨ́n yɨ́, bɨ̌n e béŋlé nyé mbɨ̂mbɨá ɨ́ díé mé Tî Yésʉs, mebeŋla me dí ejala e bʉr o mé Nzyɛ̌m má. Dwéʼ gá nye sá yɨ́yɛ̂h ngá sâ nyé sɔ́ɔlʉ yɨ́, ebě, nye mʉr tɨ̂ʼ á si súʼo bʉr ɨ́ buo buo ti e mɛm mʉr tɨ̂ʼ ntémé.

Rôm 16:2 ပူးပေါင်းရင်းမြစ်များ

Filipi 2:29

Ebe no, é jɔʼ nye ópyal é l'esama lɨn ɨ, bɨn bé à nʉa nye e bɨsʉhʉ bibyɛh ebe nye ndɨ mɨɔ ga wina, waa ndɨ é zyɛŋa ga wina boo Da Yesʉs ɨ. Dwaaba ga mbi bʉr o ndɨ mpʉ mo nye e,

Filipi 1:27

Sa gwar, kœʼœ ga ebò e cyen lé ejala e bʉr o ndɨ ebuʼla Mbɨambɨa Lɔɔ mo Krɨst ɨ. ǃBɨn si sa no nɛʼɛ, me ójoʼo lɔɔ win, gʉa nteme ó, bɨn dina é zyɛŋa win boo Sisim ngwar ɨ, lé ecyɛb é nkʉʼʉ e twii ngwar, le ekœʼ ebò e cyen é zi buʼo mpʉ Mbɨambɨa Lɔɔ lé elɛʼle e. Me ójoʼo lɔɔ é lɔb ebò e cyen laa, me ntɔʼ soho, me dam be si pyal, bee bɨn e mih, me dam liʼ é guu paʼ, ntɔʼ joʼo njɨ lɔɔ e lɔɔ.

2 Yʉanes 1:10

Ebe no, yé be ó nuu mʉr, nye efuuba ze gʉʼ bɨn ye, adwe bʉr bɨsikʉlʉ bɨmpwar ga bina nɛʼɛ, aniŋle ga nye ɨ modwii mɨn, nkʉ soho nye soha,

Filemɔŋ 1:17

Ebe no, yé be ó, go emɛʼle ó, bɨna bé ó e mpaʼra nɛʼɛ, dɨʼe bɨlan e nye mpʉ go ngbaa bɨlan e me mʉr tɨʼ ɨ.

Filemɔŋ 1:12

Mɨ lomo nye gʉʼ go ye. Yé ó mpʉ me ndɨ e nkul entɨh go bumo leme yam ɨ!

Títos 2:3

Lɛŋɨ mɨsile mɨ bʉba jwɨʼ gwar ó, bé kœʼœ mbi ebò e cyen ndɨ ejala e mʉr lé edwaabe Zyɛm ɨ. Bé l'ayi fœʼ bʉʉ bʉr. Bé l'ayi bɛble monwoʼ, nkʉ di molʉa mo tɨ. Bé dweʼ bʉr mɨmpaŋ motɨɨ.

2 Timotɛ 1:18

Go ekʉ gʉa nteme mpʉ nye a sea e bʉr o Efɛɛz ɨ. Da Yesʉs saʼ ó, nye biʼe njwɨʼa-nkoo é mih me é dobo nye óbula ze e.

1 Timotɛ 2:10

Bé ejala le elɛʼle bʉr ó, bé e bɨsyɛɛla bɨ ncwɨncwɨa lé ejala e bʉba lé edwaabe Zyɛm ɨ.

Kolosi 4:10

Aristarkus, mʉr nwan yam ndɨ é mbʉʼ wâʼ ɛ, nye esoho bɨn. Markus, mɨɔ mo Barnabas, nye esoho bɨn nteme—bɨn mu ó si bɛa bi kalara me a tile, tiibe e nye e. ǃNye si ze gʉʼ bɨn ye nɛʼɛ, bɨn bé à gʉa bɨlan e nye.

Éfɛsɔs 5:3

Sa gwar, mʉr ayi joʼo lʉʉ dobo ó, mʉr fih mʉr kɛ̀l, nye ó é mbɛr Zyɛm win, nye nteme lé elœʼ nyʉl é zi bɨduo, nkʉ lé elama fwon lé edu njɨ bɨjyɛʼ bye, nkʉ lé ecen mih é bɨsa byoonkan. Mɨsaŋ mɨ bʉr mo Zyɛm, myé ajala le ebul jwɨ̂ʼlɨ e bɨsyɛɛla binɨ.

Rôm 16:23

Gaywis, nye esoho bɨn nteme. Nye ebɨlan e me jwɨʼ gwar e gwar é mbi nye lé ebɨlan e bʉr o Mbɛr-Zyɛm bɨbɛh ɛ. Erast, mbɔʼlʉ ekuro e bɨmɔn bɨ nkana yiʼ ɨ, bé e mɨɔ ga wina Kwartos, bé esoho bɨn nteme.

Rôm 16:9

Me esoho Urbanos, mʉr bɨh e nɔɔ ndɨ é l'empomo e syɛɛ egwar é zyɛŋa wih boo Yesʉs-Krɨst ɨ. Me esoho nteme mɨɔ kpɛl wam Stakus.

Rôm 16:6

Me esoho nteme Maaria, mʉma a bul sea bɨn syɛɛ ɛ.

Rôm 15:7

É mpʉ yé ndɨ no e, beŋla ga paʼra win mpʉ Yesʉs-Krɨst a beŋle bɨn ɨ. Saʼ ga no é l'efu ó, bʉr dwiibɨ Zyɛm, duho tɨ.

Mɨlʉmlʉ 9:41

Pyɛr ntɔʼ mɛr nye é mbo, gbɛl nye si. Nye ze jebe mɨsaŋ mɨ bʉr mo Zyɛm ndwe e mɨkuho mɨ bʉba, ze lɛʼle be nya, nye osi pàh.

Mɨlʉmlʉ 9:39

No Pyɛr a mʉa si, bé e boo nɔɔ ze to. É jɔʼ bé a pyal ɨ, bé ze to e nye é tiʼe mbɛr waa. Mɨkuho mɨ bʉba mimyɛh, myé a be ó lé ejɨŋɔ modwe. Bé ntɔʼ bʉmra Pyɛr é nka, le elɛʼle nye bɨdur le mɨlen mɨ okʉr Dɔrkas a bœr be é jɔʼ nye a baapa dime mih ɨ.

Mɨlʉmlʉ 9:36

Nuu mpʉn mʉma a be ó ɨ Yope, die le Tabita. (No yé é lwib grɛk ó, Dɔrkas.) Jɔʼ yiyɛh, nye a be ó lé ebul sa bɨsyɛɛla bɨ ncwɨncwɨa, le efuʼo-fuʼo baanteʼenteʼe.

Mataos 25:40

«No ó, njwɨɨbʉr, wé óka bɨha e be ó: “Me elɛɛ bɨn cyecye ó nɛɛ: gumo bɨn bé a sa mʉr ngwar é sama obɨɔ bam baʼ no e, dam be ó, waa ndɨ agbaŋɔ é nkɔb ɨ, gumo yaa, bɨn bé a sa nteme ó me.”

Mɨlʉmlʉ 9:13

Ananias ntɔʼ bɨha ó: «Da, buobuo bʉr, bé a si lɛɛ me lɔb we. Bé be-be ó lé elɛɛ ebebe lɨlɛh nye a sa mɨsaŋ mɨ bʉr myo ndɨ ɨ Yerʉsalɛm ɨ.

Mɨlʉmlʉ 9:15

No ó Da Yesʉs a lɛɛ e nye ó: «Toʼ, ebe, me a si pɛh mʉr nɨ. Lɔɔ wam, wé óto lɛɔ boo bʉr o ndɨ abe oYʉden ó, é zi we. Nye ólɛɛ nteme mɨnjwɨɨbʉr mɨ bʉr baa, bé e bwa b'Ɨzraɛl.

Rôm 16:15

Me esoho nteme Filolɔg bé e Yʉlia. Soha ga me nteme Nereus bé e kɛl, le Olɛmpa. Me esoho nteme myʉʉ mɨsaŋ mɨ bʉr mo Zyɛm mimyɛh bé e boo nɔɔ ndɨ gumo gwar ɨ.