Rôm 15:8 - Kálara Zyɛ̌m Edwán é mpʉ̌n

⁸ Me eboʼlo bɨn lɔɔ wi: Krɨst a si dwir nye mʉr tɨʼ syɛl mosa é l'efu le oYʉden. Nye a sa no ó, é l'efu le elɛʼle bɨh mpʉ Zyɛm ndɨ mʉr ocyecye e. Nye esa bɨh syɛɛla yaa ó, lé edira monkɛʼ Zyɛm a liʼe bɨmpam bih e ma ɛ.

Kálar Nzyɛ̌m : Ejwán é Sáá

⁸ Me lɨ́ eboʼlo bɨ́n lɔ́ɔ́ wɨ̂: Krîst á si dwir nye mʉr tɨ̂ʼ syɛ̂l mesâ lɨ́ esú lɨ́h, Yúden. Nye á sâ nó ó, lɨ́ esú lé élɛ̂ʼle bɨ́h mpʉ̌ Nzyɛ̌m dí mʉr otyeetye yɨ́. Nó ó nyé á lɨl menkɛ̌ʼ Nzyɛ̌m á dwe bimpám bíh má yɨ́.

Rôm 15:8 ပူးပေါင်းရင်းမြစ်များ

Mataos 15:24

Yesʉs ze bɨha e be ó: «Me a kʉ ka lomɔ ó njɨ é l'efu e bɨntœme bɨ lal Ɨzraɛl mu si pɔhba, to dim ɨ.»

Yʉanes 1:11

Nye a ze ó, é lal we. Sa gwar, jyɛɛ ye, anʉa nye.

2 Korɛnt 1:20

Ebe, monkɛʼ mɨmɛh Zyɛm a liʼe bʉr be e ma ɛ, nye edira me ó, njɨ é zyɛŋa ga wina boo Yesʉs. Ebe no nteme ó bɨna lé elɛɛ ga ó: «Amɛn» ɨ. Bɨna bé edwiibɨ ga Zyɛm ó tɨ, é zi mɨnjwɨʼla myaa.

Yʉanes 10:16

Me e byʉʉ bɨntœme l'apa ni é nkal bɨntœme nwaʼ ɛ. Yé ekʉ jala ó, me toʼ, to nʉa bye, niŋle bye é nkal. Byé ójoʼo ecel lam. Bɨn e boo nɔɔ, bé óbe ó daa egwar, kobla bɨntœme ngwar.

Rôm 15:16

Nye a be ó si sʉ me mocyɛʼ mo mpom, ó me diʼe syɛl mosa mo Yesʉs-Krɨst é l'efu e bʉr o ndɨ abe oYʉden ɨ. Me mu ó mpʉ para lé eliŋ bʉr baa mɨndwɛa Zyɛm lé ebee mbɨmbɨa é zi Mbɨambɨa Sisim ɨ. Syɛɛ para me lé esa nɨ, yé ó é zi esa tuno é lɔb Mbɨambɨa Lɔɔ ndɨ eduho boo Zyɛm ɨ.

Rôm 3:3

No ó, bɨna bé ólɛɛ ga é yé, tiibe e bʉr o b'a baajyɛʼ taa buʼo yɔɔ boo Zyɛm ɨ? Zê elele e mɨleme lɔɔ, lé ó e nkul ekamle Zyɛm lé edira monkɛʼ me ɛ?

Éfɛsɔs 2:12

Toŋla ga nteme mpʉ bɨn bé a taare be-be e. É til molu yaa, Lœma mulo mo Zyɛm a baakunbo e bɨn. É nko paʼ kul bwa b'Ɨzraɛl, bɨn bé a si pɨmɔ é sama yɔɔ, duho mya. É nko paʼ mpʉn Zyɛm a de e bɨmpam byɔɔ ɛ, ndwe e monkɛʼ nye a liʼe bye e ma ɛ, bɨn bé a baabe ba e nkɔb tɨ. É til molu yaa yiyɛh, mɨleme min, myé a baabe ba e mbɛla. É si nwaʼ nyiwɛh, bʉr o bɨkul bin, bé a be ó, lé ejeʼe Zyɛm.

Rôm 11:30

Bɨn, bʉr o ndɨ abe oYʉden ɨ, bɨn bé a si sa Zyɛm ebɨh é molu pihe. Banana, mpʉ oYʉden bɛɛ mu si sa nye ebɨh ɨ, Zyɛm, nyi ka ze jwɨʼ bɨn nkoo.

Rôm 11:22

Mbe ga: é mpʉʼ ó Zyɛm ndɨ elɛʼle mpwaʼ ncwɨncwɨa we e! Nye nteme lé edi, adihbe bʉr o b'a lɨʼa omyacyɛŋ é nkɨŋlɨ ɨ. Nye ekʉ lɛʼle ncwɨncwɨa we ó, gwɔɔ. ǃGo si bene lé eliʼ é dia ncwɨncwɨa mo Zyɛm nɛʼɛ, gʉŋa ó, nye nteme ókʉ syɛh go mpʉ lɔɔ lɨ, e ncɨr é leme.

Rôm 4:16

Ebe no ó Zyɛm a dwe Abraham bé e l'onta be, tiʼ molu mo mpoʼ mɨmɛh ebe taa buʼo bé a jyɛʼ boo nye e. Tiʼ molu mo mpoʼ mɨmɛh Zyɛm a kɛʼ bɨna ga ɛ, yé ó sa lé elɛʼle ncwɨncwɨa we e. Nkɛʼ waa, wé ó sa ebuʼlɔ é paʼ bʉr o mpoŋbʉr mo Abraham bɨbɛh. Yé a baadwɛʼ njɨ mʉr a du motie e. Yé a dwɛʼ nteme ó, mʉr a be e buʼo gwar mo Abraham ɨ. Yé ó, ebe, Abraham, nye ó sɔŋ ga wina, bɨna ga bɨbɛh.

Rôm 3:26

No ó, banana, nyi ka lɛʼle bʉr ó, nye mʉr tɨ, nye ó cɨcyel mʉr. Nye nteme, nye ó waa lé edwe bʉr o ndɨ ejyɛʼ taa buʼo yɔɔ boo Yesʉs ɨ, mokebe e.

Mɨlʉmlʉ 13:46

Pol bé e Barnabas ze lwib e be é kpɛŋlɛm, abe e bʉa. Bé ó: «Yé a jala ó, lɔɔ Zyɛm, wé taara lɛɔ bɨn ye, oYʉden. Sa gwar, bɨn mu ó lé ebene we, bɨn bé ebee ó, mbi bɨbɨbla bɨ bʉr bɨn ndɨ ɨ, yé ajala ó, bɨn biʼe tiʼ molu mo mpoʼ mɨmɛh. Mpʉ bɨn sa no e, bɨn bé esa ó, bɨh laŋa, lé eto lɛɛ lɔɔ waa boo bʉr o ndɨ abe oYʉden ɨ,

1 Korɛnt 15:50

Obɨɔ ga bam aa! Me ekʉ lɛɛ e bɨn ó, ntʉʼ mamʉr bɨpuno le motié ndɨ e nkul eniŋlɔ é jwɨ̀ʼa mo Zyɛm. Sa lé edwè, debe, bo e, yé abe e nkul ebi nkɔb é sa lé edi njʉmdia e njʉmdia ɛ.

1 Korɛnt 10:29

Me alɛɛ ó, go saʼ no ebe mɨpɛhla mɨ leme go. Me ekʉ lɛɛ ó, go duʼo myaa mɨ leme mo nyiha mʉr. Zê yé ó cɨcyel é jɔʼ mʉr lé edwe me mobe é lɔb bɨsyɛɛla me lé esa ngbàa me mu é dia otî ɨ?

Mataos 20:28

ebe, Mwan mo Mʉr nye mʉr tɨʼ a baaze ó, bʉr sea e nye. Nye a ze ó, lé eze sea e bʉr, ndwe le ekɛha tiʼ ye lé ejala e mobebe mɔɔ, le ekʉr be.»

1 Korɛnt 10:19

Yé me be lé egwɨm lɛɛ ɛ? Me alɛɛ ó tir a bàŋɔ é mpah bé ndɨ edwiibɨ bɨbaŋabaŋa bɨdweʼle e, nye a be ó si dweŋɔ nuu zyɛm é l'ocyecye. Me alɛɛ ó, bɨbaŋabaŋa bɨdweʼle ndɨ mɨkpɛʼa ɛ, byé ó ozyɛm.

1 Korɛnt 1:12

Me ejoʼo ó, mʉr nyiwɛh é l'esama lɨn, nye mu lwib ó, we mbi. Nwaʼ, nye ó: «Me ó mʉr mo Pol.» Nuu, nye ó: «Me ó mʉr mo Apolos.» Nuu, nye ó: «Mɛm, me ó waa mo Sefas.» Nuu nteme, nye ó: «Me ó waa mo Krɨst.»