Rôm 15:7 - Kálara Zyɛ̌m Edwán é mpʉ̌n

⁷ É mpʉ yé ndɨ no e, beŋla ga paʼra win mpʉ Yesʉs-Krɨst a beŋle bɨn ɨ. Saʼ ga no é l'efu ó, bʉr dwiibɨ Zyɛm, duho tɨ.

Kálar Nzyɛ̌m : Ejwán é Sáá

⁷ Nwɨnwɨɨlaa gá páʼ nyɨ́n mpʉ̌ Yésʉs-Krîst á nʉa bɨ̌n yɨ́. Sáʼ gá nó lɨ́ esú lé édwě Nzyɛ̌m kûm.

Rôm 15:7 ပူးပေါင်းရင်းမြစ်များ

Mataos 10:40

«Mʉr bɨlan e bɨn mbɨmbɨa ɛ, nye ebɨlan e me. Waa lé ebɨlan e me e, bɨlan ó e mʉr a ntɨh me e.

Yʉanes 13:34

Me mu ó lé etiile bɨn edwan e tiila: kpɛla ga paʼra win, mpʉ me a kpɛl bɨn ɨ.

Rôm 5:2

Yesʉs-Krɨst ó b'a kar zi é l'efu ó, Zyɛm nkʉʼ lɛʼle bɨna ga ncwɨncwɨa we. Bɨna mu ó lé ebi ga ncwɨncwɨa waa ó, é zi buʼo ga yina, lé ekʉ mɨɨla e mbɛla mu lé eloŋlo mɨleme ga mina ɛ. Bɨna bé ga e mbɛla é mɨleme ó, bɨna bé ópyal ga é dia kum mo Zyɛm.

Éfɛsɔs 1:18

Nye bɛŋɨ bɨn mih, maa ndɨ bɨn é mɨleme tʉŋlʉ ɨ, ó bɨn biʼe mbɛla ɨ mɨleme é l'efu e motʉm Zyɛm lé ekomo baa nye a jebe e. Bɨn gʉŋa nteme tiʼ molu mo mpoʼ mɨmɛh bɨn bé óbi, jala e mopoʼ min ɨ. Nye ekomo mopoʼ monɨ ó, é l'efu le edwe mɨsaŋ mɨ bʉr be.

Lʉkas 9:48

Nye ze lɛɛ e be ó: «Mʉr nyiwɛh óbɨlan e mbi mancyom wiʼ mbɨmbɨa é die lam ɨ, nyi bɨlan e me mʉr tɨ. Mʉr bɨlan e me e, nyi bɨlan nteme e mʉr a ntɨh me e. É l'esama lɨn, mʉr bɨn bɛɛ lé ebee ó, nye ó ndɨ é bul twaʼbe e, nye ó ndɨ waa lé elaa bɨn bɨbɛh ɛ!»

Markus 9:37

«Mʉr nyiwɛh óbɨlan e mbi mancyom wiʼ mbɨmbɨa é die lam ɨ, nyi bɨlan e me mʉr tɨ. To kœb ó, mʉr bɨlan e me e, nye abɨlan e me e me; nyi bɨlan nteme ó e mʉr a ntɨh me e.»

Lʉkas 15:2

No ó oFarizyɛŋ bé e l'oyeʼle o motie, bé a be ó lé eto le etʉʼra paʼra wɔɔ. Bé ó: «Mbe ga: mʉr nwa, nye ebɨlan e l'osyɛl o mɨsyem! Bé e boo nɔɔ bana de fua gwar!»

Éfɛsɔs 1:12

Nye a kpɛl ó, bɨna dwiibɨ ga nye ebe mpwaʼ kum we, ebe, bɨna ga ó ndɨ bʉr o b'efoʼ nye a loŋlo mɨleme e mbɛla dumo e Krɨst ɨ.

Rôm 15:9

Nye a ze sea nteme ó, é l'efu e bʉr o bɨkul bɨfih, ó byé gʉŋa mpʉ Zyɛm lé ejwɨʼ bʉr nkoo e, byé nkʉʼ gumlo nye tɨ. Yé ó tila é Kalara Zyɛm ɨ. Yé ó tila ó: «Ebe no, me ógumlo go teme bɨkul bɨfih. Me ójɛɛ go osam lé eseʼle die lo.»

Yʉanes 6:37

Mʉr nyiwɛh Sɔŋ wam lé elomlo me e, nye óze boo me. Ndwe nteme, me abe e nkul ekubra waa nyiwɛh lé eze boo me e.

Kolosi 3:13

Dihba ga ebebe paʼra win, alwib. ǃƗ mʉr si fuuba be e lɔb, bé e nuu mbuʼla nɛʼɛ, bé ejala le epɛʼla bɨbaa bɨ ebebe bé a niʼla paʼra wɔɔ ɛ. Dɨʼe pɛʼla ga bɨbaa bɨ ebebe paʼra win mpʉ Da Yesʉs a pɛʼ byaa nye a niʼe bɨn ɨ.