Rôm 15:5 - Kálara Zyɛ̌m Edwán é mpʉ̌n

⁵ Zyɛm ó ndɨ esa ó, bɨna saʼ ga bihbe. Nye nteme ó lé egba bɨna ga nkul é monyʉl. Nye cyɛba bɨn é mɨleme, ó bɨn diʼe e mbi pɛhla ngwar, waa Yesʉs-Krɨst ótɨe bɨn ɨ,

Kálar Nzyɛ̌m : Ejwán é Sáá

⁵ Nzyɛ̌m, mʉr dí egbâ mɨ́ná gá nkul ɨ́ miléme, waá dí esâ ó, mɨná sâʼ gá bíhwó nyá, nye tyɛ́bɨɨ bɨ̌n ɨ́ miléme, ó bɨ̌n díʼee e mbǐ pahlá ngwár, mpʉ̌ Yésʉs-Krîst ngá tɨ́e bɨ́n yɨ́,

Rôm 15:5 ပူးပေါင်းရင်းမြစ်များ

1 Pyɛr 3:8

Sa epihe, yé ó nɛɛ: diʼe ga e mbi pɛhla ngwar. Joʼa ga njwɨʼa-nkoo ngwar. Kpɛla ga paʼra win kpɛl obuʼla. Lɛʼla ga kpɛl ndɨ eduho é leme tʉŋlʉ ɨ. Filɨ ga monyʉl si paʼra win.

Rôm 12:16

Diʼe ga twii paʼra win. Ankɛɛ ga monyʉl; mɛʼla ga ó, bɨn sea mbi syɛɛ wiwɛh, yé dam be mbi ma syɛɛ bʉr ndɨ epyeh e. Atoŋlo ga ó, bɨn e bɨn ó ndɨ mɨcɨcyoo.

Éfɛsɔs 5:2

Kœʼœ ga ebò e cyen ndɨ elɛʼle leme ncwɨncwɨa win ɨ, mpʉ Krɨst a taare cwɨa e bɨna ga ɛ. Nye a si dwè, jala e bɨna ga, ó nye diʼe mpʉ mɨndwɛa ndwe e motwina. Motwina me maa, mé a be ó e monumo Zyɛm lé ebul kpɛl ɨ.

2 Korɛnt 13:11

Obɨɔ ga bam aa! Sa me óka tile bɨn é l'epihe e, yé ó nɛɛ: diʼe ga mbɨmbɨa. Dɨʼe komla ga paʼra win. Dɨʼe gba ga nkul é nyʉl mo mɨɔ nyiwɛh paʼra win. Dɨʼe toŋlo ga sa gwar. Tiʼa ga é motala. No ó Zyɛm lé eze bɨna ga e ncwɨncwɨa ndwe e motala ɛ, nye ódi e bɨn.

Rôm 15:13

No ó, Zyɛm lé egba bʉr mbɛla é mɨleme e, nye cyɛba bɨn é mɨleme, ó bɨn soha é jɔʼ yiyɛh. Mɨleme min, myé loŋla e motala ebe buʼo yin. No ó myé óloŋlo e mbɛla ebe nkul mo Mbɨambɨa Sisim ɨ.

1 Korɛnt 1:10

Obɨɔ ga bam aa! É die mo Tî ga wina Yesʉs-Krɨst, me ejwɨʼla e bɨn, ó: diʼe ga twii. Mpɔʼa monkɔm, nye l'aka nyamle be é l'esama lɨn tʉŋlʉ. Me ejwɨʼla ó, bɨn diʼe é zyɛŋa win mbɨmbɨa, mɨpɛhla mɨmpwar, gwɨma gwar.

Filipi 4:2

Me ejwɨʼla e bɨn, Evodia bé e Sʉntike, mpʉ bɨn mu é zyɛŋa win boo Da Yesʉs ɨ, diʼe ga nteme twii ngwar.

Filipi 2:2

bɨn bé à di e lwib gwar, lé ekpɛla paʼra win. Bɨn bé ódi e leme ngwar, twii ngwar. ǃBɨn sa no nɛʼɛ, yé óbul dwe me bɨsʉhʉ.

Filipi 1:27

Sa gwar, kœʼœ ga ebò e cyen lé ejala e bʉr o ndɨ ebuʼla Mbɨambɨa Lɔɔ mo Krɨst ɨ. ǃBɨn si sa no nɛʼɛ, me ójoʼo lɔɔ win, gʉa nteme ó, bɨn dina é zyɛŋa win boo Sisim ngwar ɨ, lé ecyɛb é nkʉʼʉ e twii ngwar, le ekœʼ ebò e cyen é zi buʼo mpʉ Mbɨambɨa Lɔɔ lé elɛʼle e. Me ójoʼo lɔɔ é lɔb ebò e cyen laa, me ntɔʼ soho, me dam be si pyal, bee bɨn e mih, me dam liʼ é guu paʼ, ntɔʼ joʼo njɨ lɔɔ e lɔɔ.

2 Pyɛr 3:15

Cye yiyɛh bɨn dina lé ebee ó, Da Yesʉs, nye akpahbe ze e, dɨʼe lɛɛ ga é bɨjɔʼ byaa ó: «Nye é buo bihbe é nko paʼ bʉʉ osyɛl be ebebe é l'efu ó, nye dweʼ be tiʼ molu mo mpoʼ mɨmɛh.» É mbi waa ó mɨɔ kpɛl ga wina Pol a tile bɨn ɨ. Nye a tile no ó, é l'ocyoo Zyɛm a dwe nye e.

Filipi 3:16

Sa ndɨ tɨʼ yé ó, bɨna toʼ ga dolo lé ekœʼ ebò e cyen egwar bɨna ga ndɨ e le é bananaʼ ɛ.

Mɨlʉmlʉ 4:32

Obuʼla bɨbɛh, bé a be ó leme ngwar ndwe e sisim ngwar. Abe e mʉr ngwar é sama yɔɔ a be e nkul elɛɛ ó, bɨsa bye, byé a kʉ gumo ó njɨ e nye mʉr tɨ, agumo nteme e bʉʉ bʉr. Paʼ wɔɔ, sa yiyɛh, yé a baʼlɔ-baʼlɔ ó zyɛŋa.

2 Pyɛr 3:9

Da, nye ábɛa le epɛʼ nʉm we é bɛn. Nkʉ bʉʉ bʉr, bé ebee ó, nye edira monkɛʼ me jɔʼ yiyɛh e l'encyoo, é we paʼ, nye sɔʼɔ ó, é buo bihbe e bɨn, ebe, nye agwɨm ó, nuu mʉr dimɨ é nkɔb bʉr. Gwɨma leme we, yé ó, bʉr bɨbɛh gwɨma mobebe mɔɔ, le edwir mɨleme.

Rôm 15:3

Dam be Krɨst nye mʉr tɨ, nye a baasaa nyɔm we. Yé ó mpʉ yé ndɨ tila é Kalara Zyɛm é lʉ mo Krɨst ɨ. Yé ó tila ó: «Baanya-molwɨɨ lé elwɨɨ-lwɨɨ go e, bé mu ka lwɨɨ ó me!»

1 Pyɛr 3:20

Molu pihe, bé a taare be-be ó, bʉr o pyeh, lé esa lɔɔ Zyɛm ebɨh. É til molu yaa, Zyɛm a bono-bono ó e bihbe, to pyal é jɔʼ Noe a sil kpaʼ ntwaŋ byɛl ɨ. É til molu yaa yiyɛh, yé a kʉ be ó njɨ ma dœh e bʉr, agum buo, njɨ bʉr mwom, ó b'a tiʼe é byɛl waa tʉŋlʉ ɨ. Bé a tiʼe ó, gumo bé a ngbaa dwè é modibe e.

2 Korɛnt 7:6

To kœb ó, Zyɛm, nye ekɛm bʉr o ndɨ e monyʉl mɨfila si ɨ. Nye a si gba bɨh nkul é monyʉl é jɔʼ Tit a pyal ɨ.