Rôm 15:2 - Kálara Zyɛ̌m Edwán é mpʉ̌n

² Mʉr nyiwɛh é sama ga yina, nye saʼ syɛɛla mɨɔ we mʉr ókpɛl ɨ. Nye saʼ yaa yé óbɛm be e nyɔm é nko paʼ mɨɔ we waa, ó nye gwɨa é buʼo e.

Kálar Nzyɛ̌m : Ejwán é Sáá

² Mʉr nyɨnyɛ̂h ɨ́ sɔ́má gá yɨ́ná, nye sâʼ syɛ́ɛla mɨ́ɔɔ́ wé mʉr ókpɛl yɨ́. Nye sâʼ yaá yé óbɛ̌m be e nyɔm ɨ́ páʼ mɨ́ɔɔ́ waá ó, nye gwɨ́aa ɨ́ búʼó yɨ́!

Rôm 15:2 ပူးပေါင်းရင်းမြစ်များ

1 Korɛnt 10:24

Mʉr beʼ l'asaa nyɔm we, wé ome. Mʉr saŋa sa ndɨ e nyɔm é l'efu e bʉʉ bʉr ɨ.

Rôm 14:19

É mpʉ yé ndɨ no e, bɨna gbaʼ ga monyʉl lé esa bɨsyɛɛla lé esa ó, sama ga yina tiʼa é motala ɛ. Saʼ ga nteme byaa byé ógwɨl bʉʉ bʉr é nko paʼ buʼo yɔɔ ɛ.

1 Korɛnt 10:33

Saʼ ga mpʉ me. Me egba nyʉl ó, bʉr bɨbɛh, bé kpɛlɨ me é sa yiyɛh me lé esa ɛ. Me asaa nyɔm wam, njɨ waa buobuo bʉr, ó bé biʼe tiʼ molu mo mpoʼ mɨmɛh.

1 Korɛnt 13:5

Yé asa ó, mʉr lama fwon. Yé asaa sɔʼɔ, njɨ nyɔm we. Yé abe é bul duo leme. Yé ákwoʼ niʼe bɨbaa bɨ ebebe, ntɔʼ baʼle é leme we.

1 Korɛnt 10:23

Bʉʉ bʉr, bé elɛɛ ó: «Yé abe e syɛɛla ndɨ kɔmlʉ.» Yé ó no! Sa gwar, ntʉʼ sa yiyɛh ndɨ e nyɔm. «Yé abe e syɛɛla ndɨ kɔmlʉ.» Yé ó no! Sa gwar, ntʉʼ sa yiyɛh ndɨ e nkul elɨl bʉr é buʼo mbɨmbɨa.

1 Korɛnt 14:3

To kœb ó, waa ndɨ egwih mɨfela mɨlɔb ɨ, nye elwib e bʉr o bé e boo nɔɔ ndɨ ɨ. Nye ó e nyɔm, ebe, nye egba be nkul é monyʉl le edwaŋle be mɨleme.

1 Korɛnt 14:26

Obɨɔ ga bam aa! Yé be no nɛʼɛ, bɨna kaʼ sa ga yé? É jɔʼ bɨn lé egwɨhla-gwɨhla é fula ɛ, nwaʼ mʉr, nye e jɛɛ nye ójɛɛ ɛ. Nuu, e sikʉlʉ nye ódwe e. Nuu, nye ógwih guu fela sɔʼɔ. Nuu, nye e lɔɔ elɛɛ é lwib bɨlɔblɔb. Nuu, nye egʉa edwir lwib bɨlɔblɔb yaa. Yé ejala ó, syɛɛla yaa yiyɛh gbaʼ mɨmbɛr mɨ Zyɛm nkul é monyʉl.

2 Korɛnt 12:19

Taare é molu pihe, ze pyal é banana, bɨn dina lé etoŋlo ó: «Pol mu ó lé ekar é mih ga mɨna.» Hɨʼɨ, me ekʉ ka kar ó njɨ é mih mo Zyɛm, é mpʉ Krɨst lé egwɨm ɨ. Obɨɔ o kpɛl bam aa! Bɨh bé esa bɨsyɛɛla bɨnɨ bibyɛh ó, lé esa ó, buʼo yin, yé gwɨa,

2 Korɛnt 13:9

Bɨh bé esoho é jɔʼ bɨh lé enyin bɨcyɛʼ-bol, bɨn bɛɛ mɨlɨl-nkul ɨ. Lʉ ekan é mɨnjwɨʼla mih, wɛɛ, wé ó, bɨn gʉa kwɨmlɨ mbɨmbɨa.

Éfɛsɔs 4:12

Nye esa no ó, é l'efu e mɨsaŋ mɨ bʉr mo Zyɛm, ó myé beʼ bʉr o ndɨ e nkul eloŋlo syɛɛ ye e. Nye elɛʼle be lé esa no ó, é l'efu le egwɨl Mbɛr-Zyɛm, ndɨ nyʉl mo Krɨst ɨ.

Éfɛsɔs 4:29

Bol lwib l'anyamle pʉʼa é nʉm win, njɨ yaa ndɨ e nyɔm é nko paʼ bʉʉ bʉr ɨ, ó bé gwɨa é buʼo yɔɔ. Yé ó é l'efu ó, Zyɛm sʉʼo bʉr o ndɨ ejoʼo bɨn ɨ, mocyɛʼ mo mpom. Lwib ye, yé diʼe sa ndɨ é bul jala ɛ.