Rôm 15:18 - Kálara Zyɛ̌m Edwán é mpʉ̌n

¹⁸ Me aŋa lwib sa fih, njɨ syɛɛ Yesʉs-Krɨst a sea é zi wam, ó me dula bʉr o ndɨ abe oYʉden ɨ, pyal e be é mih mo Zyɛm. Bé mu ó lé esa nye mojoʼo ebe bɨlwib me a lwib-lwib ɨ, ndwe e bɨsyɛɛla me a sa-sa ɛ.

Kálar Nzyɛ̌m : Ejwán é Sáá

¹⁸ Me álwǐb sá swîh, njɨ̌ syɛ́ɛ́ Yésʉs-Krîst á séa e nzɨ̌ nyǎm, ó me dúlaa bʉr o dí abe óYúden bá, nze e bé ɨ́ míh mé Nzyɛ̌m yɨ́. Bé mû ó lɨ́ esâ nyé mejóʼo ɨ́ lɔ̌b bílwǐb mé á lwilwib bí byaá, ti e bisyɛ́ɛla mé á sɨ̂sa bí.

Rôm 15:18 ပူးပေါင်းရင်းမြစ်များ

Mɨlʉmlʉ 15:12

Bʉr o bʉm bɨbɛh ntɔʼ twe é leb é jɔʼ bé a joʼlo Barnabas bé e Pol lé etaŋle be tɔɔlʉ tɨʼ ɨ: mpʉ Zyɛm a bɨlan e be lé esa bɨdweʼle bɨ nkul we ndwe e bɨsa bɨ jehe é mih mo bʉr o ndɨ abe oYʉden ɨ.

Rôm 1:5

Zyɛm a si lɛʼle me ncwɨncwɨa we le ecyel me é dia lʉmlʉ we ó, dumo e nye é l'efu ó, byʉʉ bɨkul bibyɛh, byé jyɛʼɛ taa buʼo yɔɔ boo nye, le esa nye mojoʼo. Nye a sa me syɛɛla yaa ó, é l'efu le edwe die e Mwan we kum.

Mɨlʉmlʉ 21:19

Pol ze bara e be, ntɔʼ ze taŋle bɨsyɛɛla Zyɛm a sa é zi syɛɛ nye a sa teme bʉr o ndɨ abe oYʉden ɨ, lé etaŋle bye gugwar.

Galásia 2:8

ebe, mʉr ngwar e ngwar a sea e nkul é zi mo Pyɛr ó, nye diʼe lʉmlʉ mo Krɨst boo oYʉden ɨ, nye nteme ó ndɨ esea é jɔʼ yiyɛh é zi wam é l'efu ó, me toʼ boo bɨkul bɨfih.

2 Tesalonika 2:17

Nye cyɛba bɨn é mɨleme, ó bɨn saʼ bɨsyɛɛla bɨ ncwɨncwɨa, le elɛɛ mɨlɔɔ mɨmpa, mɨmbi mimyɛh.

Rôm 16:26

yaa nye a ka gwih bɨna ga ɛ. Mpaŋla waa a bɛa be ó tila é l'okalara be ogwiha o mɨlɔb. Bʉr o bɨkul bibyɛh, bé mu ka gʉa nye ó, é mpʉ Zyɛm a bɛa lɛɛ é l'efu lɔɔ ɛ. Zyɛm ndɨ njʉmdia e njʉmdia ɛ, a cen be mpaŋla lé etiibe e mʉr waa ó, bé nkʉʼ jyɛʼ taa buʼo yɔɔ boo nye, le esa nye mojoʼo.

Yʉ̂d 1:9

É jɔʼ Moyiz a dwè, apa debe e, njwɨɨ beengles Mikaɛl, bé e Njwɨɨ moleme, bé a be ó lé etimle lɔb, lé egwɨm gʉa mpʉ muu mo Moyiz, wé ójala le edebe e. Nye a baalwɨɨ Njwɨɨ moleme. É jɔʼ Mikaɛl a ka pur nye e, nye a baakɛl molwɨɨ. Nye a kʉ ka lɛɛ ó njɨ: «Tî wih, nye ejala ó le ebâm e go.»

1 Yʉanes 3:18

Bwan bam aa! Yé ajala ó, kpɛl ga yina, yé nyinɨ njɨ é mokan mo nʉm bɨna lé elɛɛ ga ɛ. Yé ekʉ jala le ebul nyin ó, é bɨsyɛɛla bɨna lé esa ga é l'ocyecye e.

Jacques 1:22

Mokan Zyɛm lé elɛɛ bɨna ga ɛ, bɨn bé à du me. Ajoʼo ga njɨ e mogwal. ǃBɨn si joʼo njɨ e mogwal nɛʼɛ, lɛɛ ó, bɨn bé ekʉa ó bɨn bʉr o tɨ.

Ebrœ̂ 11:8

É zi buʼo, Abraham a si sa Zyɛm mojoʼo é jɔʼ nye a jebe nye ó, nye toʼ, to di é lal nye a be ó, nye dwe ó nye e. Tœa nye a to é lal waa ɛ, wé a be ó, nye l'agʉa simsim gumo Zyɛm a gwɨm ó, nye toʼ, to di ɨ.

Ebrœ̂ 5:9

Pie mɨtuu myaa ó nye a be, nye mu si kumo é l'ombɨmbɨa é mɨpaʼ mimyɛh ɛ. No ó nye a ze fuʼla Etin e tiʼ é l'efu e bʉr bɨbɛh bé ósa nye mojoʼo e.

Kolosi 3:17

Sa yiyɛh bɨn lé esa, nkʉ yaa bɨn bé ólɛɛ ɛ, yé diʼe njɨ, pere e die mo Da Yesʉs. Dweʼ ga Zyɛm Sɔŋ kum, pere e die le.

2 Korɛnt 12:6

Nkʉ me be ó be, be lé edoʼo e mɨmpaŋ bɨsyɛɛla byam nɛʼɛ, mpa mɨ taŋle lɔɔ bɨsyɛɛla byam é l'ocyecye. Yé a ngbaa be ó, abe lɔɔ mo gʉ. Sa gwar, mɨ kamle me mʉr tɨʼ lé edoʼo e mɨmpaŋ bɨsyɛɛla byam no, lé ebene ó, nuu mʉr amu dwaabe me, laa bim nye lé ebee me lé esa, nkʉ bim nye a joʼo me lé elɛɛ ɛ.

2 Korɛnt 11:31

Zyɛm, waa ndɨ Sɔŋ mo Da Yesʉs ɨ, nye egʉa ó, me alɛɛ mpʉl. Nye e kum njʉmdia e njʉmdia.

Rôm 6:17

Bɨna dweʼ ga Zyɛm ekiba! Bɨn bé a taare be ó mpʉ molʉa, lé esa mɨsyem. No ó, bɨn mu é bananaʼ ó, si sa mojoʼo e mɨleme min mimyɛh, lé edu mbi sikʉlʉ mu lé ebaʼle bɨn ɨ.

Mɨlʉmlʉ 26:20

Me a kʉ ka taare ó njɨ e tuno Mbɨambɨa Lɔɔ, taare é bʉr o Damas bé e baa o Yerʉsalɛm, ndwe e baa bɨbɛh ndɨ é lal Yʉda ɛ, to pyal é mɨlal mɨ bʉr o ndɨ abe oYʉden ɨ. Me a lɛɛ e bɨbɛh ó, bé gwɨma mobebe mɔɔ, dwir mɨleme, le ejyɛʼ taa buʼo yɔɔ boo Zyɛm. Bɨsyɛɛla byɔɔ, byé óbe ó bɨdweʼle, sa lé elɛʼle ó, bé mu ó ocɨcyel o bʉr, le mɨleme mɨndwira ɛ.

Mɨlʉmlʉ 15:4

É jɔʼ bé a pyal Yerʉsalɛm ɨ, mbɛr Zyɛm wé a be tɨʼ ɨ, wé a si bɨlan e be, bé e mɨlʉmlʉ ndwe e l'ocyɛb be efoʼ o Mbɛr-Zyɛm. Bé e Pol ze taŋle be sa yiyɛh Zyɛm a sa é zi wɔɔ ɛ.

Mɨlʉmlʉ 14:27

É jɔʼ bé a pyal Antios ɨ, bé ze baŋle bʉr o mbɛr Zyɛm waa, lɛɔ be bɨsa bibyɛh Zyɛm a sa é zi wɔɔ ɛ. Bé a lɛɛ nteme ó, Zyɛm a si cwɨa nteme e bʉr o ndɨ abe oYʉden ɨ, le edib be zi ejyɛʼ taa buʼo yɔɔ boo nye.

Markus 16:20

No ó ompʉn be, bé a to le elɛɛ Mbɨambɨa Lɔɔ é gumo yiyɛh ɛ. Pie lɔɔ bé a lɛɛ ɛ, Da Yesʉs a ntɨh-ntɨh bɨdweʼle bɨ nkul we ó, byaa lé eboʼlo ó, lɔɔ wɔɔ, wé a kʉ be ó cyecye e.]

2 Korɛnt 6:1

No ó, mpʉ bɨh lé esea e Zyɛm syɛɛ gwar yaa ɛ, no nteme ó bɨh lé ejwɨʼla e bɨn ó, é mpʉ Zyɛm mu si lɛʼle bɨn ncwɨncwɨa no e, abi ga ncwɨncwɨa waa mbɛh,

2 Korɛnt 3:5

Yé akunbo ba e bɨh ó, bɨh lɛŋɨ ó, bɨh bé ó mbi bʉr o ndɨ ejala le esea nye syɛɛ yaa ɛ. Nkul ndɨ ó, bɨh sea nye ya ɛ, nye aduho é bɨh. Nye eduho ó, é Zyɛm.

Mataos 25:16

Waa a nʉa mɨmpɨʼ mɨ gol mɨtɛn ɨ, nye ntɔʼ to e mye kam e kam, to bul mye. Nye ze bâʼle bi myʉʉ mɨmpɨʼ mɨfih mɨtɛn.