Rôm 15:16 - Kálara Zyɛ̌m Edwán é mpʉ̌n

¹⁶ Nye a be ó si sʉ me mocyɛʼ mo mpom, ó me diʼe syɛl mosa mo Yesʉs-Krɨst é l'efu e bʉr o ndɨ abe oYʉden ɨ. Me mu ó mpʉ para lé eliŋ bʉr baa mɨndwɛa Zyɛm lé ebee mbɨmbɨa é zi Mbɨambɨa Sisim ɨ. Syɛɛ para me lé esa nɨ, yé ó é zi esa tuno é lɔb Mbɨambɨa Lɔɔ ndɨ eduho boo Zyɛm ɨ.

Kálar Nzyɛ̌m : Ejwán é Sáá

¹⁶ Nye á bě sí sʉ mé metyɛʼ me mpóm, ó me díʼee syɛ̂l mesâ mé Yésʉs-Krîst lɨ́ esú é bʉ̂r o dí abe óYúden bá. Me mû ó mpʉ pára dí eliŋ bʉ̂r baá ndwéá Nzyɛ̌m dí ekpɛl, waá Sísǐm wé, wé á pubo wɨ́ nyá. Syɛ́ɛ́ pára mé dí esâ yɨ́, yé ó syɛ́ɛ́ étúnǒ Mbɨambɨa Lɔ́ɔ dí eduho kwá mé Nzyɛ̌m wɨ́.

Rôm 15:16 ပူးပေါင်းရင်းမြစ်များ

Rôm 11:13

Banana, me mu ó lé eze lwib e bɨn, bʉr o ndɨ abe oYʉden ɨ, mɛm lʉmlʉ Zyɛm a lomlo bɨn ɨ. Me ekʉ bul doʼo e syɛɛ me lé esea é l'efu lɨn ɨ.

Rôm 1:1

Mɛm Pol, syɛl mosa mo Yesʉs-Krɨst ó lé etile bɨn kalara nwa. Zyɛm a jebe me ó, me diʼe lʉmlʉ we, le ecyel me é syɛɛ ó, me toʼ le elɛɛ Mbɨambɨa Lɔɔ we.

Filipi 2:17

Bɨn mu ó lé esa Zyɛm syɛɛ nye lé egwɨm ɨ, duho é buʼo yin. Bɨn bé edwe nye bɨtiʼ bin tɔɔ motwina. Dam be mpʉ motié mam mu lé eswɨɨ é mɨndwɛa mɨn kʉ ɨ, me esoho. Bɨna bé esoho ga tɨ.

Mɨlʉmlʉ 9:15

No ó Da Yesʉs a lɛɛ e nye ó: «Toʼ, ebe, me a si pɛh mʉr nɨ. Lɔɔ wam, wé óto lɛɔ boo bʉr o ndɨ abe oYʉden ó, é zi we. Nye ólɛɛ nteme mɨnjwɨɨbʉr mɨ bʉr baa, bé e bwa b'Ɨzraɛl.

2 Timotɛ 1:11

Mbɨambɨa Lɔɔ waa ó me lé etuno e, ebe, Zyɛm a si cyel me é dia cyela mɨtuno, le yaa lʉmlʉ, le yaa yeʼle.

1 Timotɛ 1:11

Sikʉlʉ yaa, yé ó yaa lé eduho é Mbɨambɨa Lɔɔ ndɨ e kum ɨ. Zyɛm bɨna lé eseʼle e, a timle me lɔɔ waa ó, me baʼla we.

Ebrœ̂ 13:16

Saʼ ga bʉʉ bʉr bɨsyɛɛla bɨ embɨa. Fuʼa ga bʉr e mobi mɨn. Anyamle jɨha esa syɛɛla yaa, ebe, yé ó motwina Zyɛm lé ebee mbɨmbɨa ɛ.

Rôm 15:18

Me aŋa lwib sa fih, njɨ syɛɛ Yesʉs-Krɨst a sea é zi wam, ó me dula bʉr o ndɨ abe oYʉden ɨ, pyal e be é mih mo Zyɛm. Bé mu ó lé esa nye mojoʼo ebe bɨlwib me a lwib-lwib ɨ, ndwe e bɨsyɛɛla me a sa-sa ɛ.

Mɨlʉmlʉ 20:24

mɛm yɛɛ lé ebee ó, tiʼ yam, yé abe me dime sɔʼɔ. Nyɔm wam, wé njɨ ó, me fimɨ é duò bɨjʉʉ, to pyal é l'odumo, le efwahle syɛɛ Da Yesʉs a liʼe me e. Syɛɛ yaa, yé ó lé eto le eboʼlo Mbɨambɨa Lɔɔ, waa ndɨ elɛʼle ncwɨncwɨa mo Zyɛm ɨ.

1 Timotɛ 2:7

Zyɛm ze cyel me é bɨdia bɨba: yaa cyela mɨtuno, ndwe e yaa lʉmlʉ we—me ekʉ lɛɛ ó ocyecye; me alɛɛ mpʉl—, me ó yeʼle mɨlɔb mo Zyɛm é l'efu e bʉr o ndɨ abe oYʉden ɨ, lé elɛʼle be é zi buʼo ga yina le ocyecye mo Zyɛm.

2 Korɛnt 5:20

Ebe no ó bɨh ndɨ mɨlʉmlʉ mo Krɨst ɨ. É jɔʼ bɨh lé ejebe bɨn ɨ, yé ó mpʉ sa lɛɛ ó, Zyɛm nye mʉr tɨʼ ó ndɨ ejebe bɨn. Ebe no ó bɨh lé ejwɨʼla e bɨn é zyɛŋa wih boo Krɨst ó, mɛʼla ga ó, bɨn diʼe baa Zyɛm a de mpʉn e be e!

1 Korɛnt 4:1

Bɨn bé ejala le enʉa bɨh bɛɛ mɨlʉmlʉ mo Krɨst mpʉ osyɛl o mosa be. Bɨh bé ó baa ndɨ egʉa ebaʼle lwib odim mo Zyɛm ɨ.

1 Pyɛr 2:5

Zyɛm, nye efumo mbɛr, waa Sisim mo Zyɛm ódi tɨʼ ɨ. Diʼe ga mokoʼ mo mbɛr waa, maa lé etiʼe é mih mo Zyɛm, maa lé ebɨrɔ tɨʼ é fumo waa ɛ. Bɨn bé ófuʼla mɨsaŋ mɨ opara é mih mo Zyɛm. Motwina bɨn bé ódwe nye é zi Sisim we e, nye óbee me mbɨmbɨa ó, dumo e Yesʉs-Krɨst.

1 Pyɛr 1:12

Zyɛm a ka lɛɛ ogwiha o mɨlɔb baa ó, lɔɔ bé a to le elɛɛ ɛ, wé a baabe é l'efu lɔɔ, bé bʉr o tɨ, ó bé gʉŋa we é kpɛhla. Bé a ze lé elɛɛ we ó, é l'efu lɨn. Bɨn ó ndɨ edira nyɔm e lɔɔ waa é banana, é nkul mo Mbɨambɨa Sisim a ntɨhɔ bɨn, duho é jobo kʉ ɨ. Lɔɔ bé a lɛɛ-lɛɛ bɨn ɨ, wé ó waa beengles lé ebul gwɨm gʉa ɛ.

1 Tesalonika 5:23

Mʉr lé esa ó, bʉr tiʼa é motala ɛ, nye mʉr tɨ, nye puba bɨn é mɨpaʼ mimyɛh. Nye baʼla mɨsisim min e mɨleme min, ndwe e monyʉl mɨn. Ebò e cyen lɨn, lé diʼe no, alɨŋa ba, to pyal é dobo Tî ga wina Yesʉs-Krɨst óbula ze e.

1 Tesalonika 2:9

Obɨɔ ga bam aa! Bɨh bé a si kʉ sea bɨsyɛɛ bɨ nkul, mpʉ bɨn bʉr o tɨʼ lé egʉa ɛ. É jɔʼ yiyɛh bɨh bé a lɛɛ-lɛɛ bɨn Mbɨambɨa Lɔɔ ndɨ eduho boo Zyɛm ɨ, bɨh bé a be nteme ó, lé esea bɨsyɛɛ mobo, moho e pum. Bɨh bé a sa no ó, bɨh beʼ l'agba bɨn tuu é nyʉl lé enkɛɛ mbeʼ wih.

1 Tesalonika 2:2

Bɨn bé egʉa nteme mpʉ bɨh bé a sia e tuu le cere é nkana Filipi, bɨh l'apa pyal bɨn ye e. É jɔʼ bɨh bé a pyal bɨn ye e, Zyɛm Sɔŋ wih a sa ó, bɨh tʉmɨ monyʉl, ó bɨh lɛŋɨ bɨn Mbɨambɨa Lɔɔ mo Krɨst teme bʉr o ndɨ esa bɨh mongan ɨ.

Filipi 4:18

Me a si bi sa yiyɛh bɨn bé a lomlo me e. Bim yaa, yé é buo! Me mu ó, é twiha ebe bɨsa Epafrɔdit a ze e bye e. Zyɛm, nye ebee mɨndwɛa min mbɨmbɨa, mpʉ nye lé enʉa motwina ndɨ ediʼɔ nye e bɨsʉhʉ ɨ.

Éfɛsɔs 2:22

Da Yesʉs ó lé esa nteme ó, bɨn cyelɔ é bɨcye bin, mɨfuma é l'odia Zyɛm ódi ɨ. Sisim we ó ndɨ elɛʼle bɨgumo bɨn lé ejala le ecyɛb é odia waa ɛ.

Éfɛsɔs 2:18

Bɨkul bɨba ga bina dihla kunokuno e Zyɛm Sɔŋ, lé ecwɨɨ é zi Mbɨambɨa Sisim ngwar. Bɨna bé esa ga no ó, dumo e Krɨst.

Galásia 3:5

Ebe no, é jɔʼ Zyɛm lé entɨh bɨn Sisim we, le esa mosima paʼra win ɨ, zê nye lé esa no ó, ebe mbi bɨn lé edu motie wi ɛ? Zê yé a be ó, ebe, bɨn bé a si buʼla Mbɨambɨa Lɔɔ bɨn bé a joʼo e?

2 Korɛnt 11:23

Zê bé ó osyɛl o mosa mo Krɨst ɛ? (Me ekʉ lwib ó mpʉ gʉ!) Mɛm ó ndɨ é bul laŋle é nko paʼ waa! É nko paʼ bɨsyɛɛ, mɛm ó ndɨ é bul laŋle. É nko paʼ egbaŋɔ é mbʉʼ, mɛm ó ndɨ é bul laŋle. É nko paʼ mobiʼe, yé abe e tolɔɔ. É nko paʼ efie, me a be ó si jʉŋɔ zɔʼ e zɔʼ.

2 Korɛnt 8:5

Syɛɛla bé a sa nɨ, yé a si laa mbi bɨh bé a be lé ebuʼla ɛ. Sa efoʼ bé a sa ɛ, yé a be ó, etimle bé bʉr o tɨʼ é mobo mo Da Yesʉs. Pie tɨʼ ó bé a ka timle bé bʉr o tɨʼ é mobo mɨh, é mpʉ Zyɛm a gwɨm ɨ.

1 Korɛnt 6:19

No ó, zê bɨn bé agʉa ó, monyʉl mɨn, mé ó bana kʉ be odia mo Mbɨambɨa Sisim ɛ? Sisim mu lé edi é bɨn ɨ, wé ó waa Zyɛm a ntɨh bɨn ɨ. Bɨn bé ajoʼo e bɨn bʉr o tɨ,

1 Korɛnt 3:5

Zé nyɛɛ ndɨ Apolos? Zé ndɨ Pol? Bɨh bé ó ofuʼa bɨn, bʉr o b'a be bɨn e nyɔm ó, bɨn jyɛʼɛ taa buʼo yin boo Krɨst ɨ. Mʉr nyiwɛh, nye esa ó, syɛɛ-Zyɛm Da Yesʉs a lomo nye ó, nye saʼ ɛ.

Rôm 15:29

Me egʉa ó, pyala me ópyal bɨn ye e, me óbe ó e mocyɛʼ mo mpom mo Yesʉs-Krɨst.

Rôm 5:5

ǃƗ mbɛla si loŋlo mʉr é leme nɛʼɛ, mʉr waa, nye aŋa ka bil fwon, ebe, Zyɛm, nyi lɛʼle bɨna ga mpʉ nye lé ekpɛl bɨna ga ɛ. Nye a lɛʼle bɨna ga no ó, é zi Mbɨambɨa Sisim, waa nye a ntɨh bɨna ga ɛ.

Mɨlʉmlʉ 22:21

No ó Da Yesʉs a ka lɛɛ e me ó: “Toʼ, ebe, me muno ze cen go é l'ejaa, gumo bʉr o ndɨ abe oYʉden ndɨ ɨ.”»

Mɨlʉmlʉ 20:32

«No ó, banana, me etimle bɨn é mobo mo Zyɛm. Nyi lɛʼle bɨn ncwɨncwɨa we é zi mokan me. Nye baʼla bɨn e mokan maa. Mé ó e nkul egba bɨn nkul é monyʉl ndwe le edwe bɨn tiʼ molu mo mpoʼ mɨmɛh jwɨʼ gwar e gwar e mɨsaŋ mɨ bʉr be bɨbɛh.

Mɨlʉmlʉ 13:2

É guu moho, é jɔʼ bé a dwiibɨ Da Yesʉs le eti mode e, Mbɨambɨa Sisim ze lɛɛ e be ó: «Cyelɨ ga me Barnabas bé e Sol, é syɛɛ me a jebe be ó, bé toʼ, to sea ɛ.»

Rôm 15:19

Zyɛm a be ó si sa bɨdweʼle bɨ nkul we ndwe e bɨsa bɨ jehe é zi wam é nkul mo Mbɨambɨa Sisim. Me a ze sa tuno é lɔb Mbɨambɨa Lɔɔ lé etiibe e Yesʉs-Krɨst ó, bɨgumo bibyɛh, taare ɨ Yerʉsalɛm, to pyal é Iliri.

Rôm 15:20

Leme, wé a be ó me é ntɨɨɨŋ ó, me lɛŋɨ Mbɨambɨa Lɔɔ é bɨgumo bibyɛh bʉr l'apa joʼo be lé etublo die mo Yesʉs-Krɨst ɨ. Me a baakpɛl lɛɛ we boo bʉr o b'a taare lɛɔ we e. Bʉr, bé amu ka lɛɛ é lʉ wam ó, bim me a koʼo lé efumo mɨmbɛr ɨ, yé a kʉ ka be ó njɨ é mompɔɔnʉ moonkan!

Éfɛsɔs 5:2

Kœʼœ ga ebò e cyen ndɨ elɛʼle leme ncwɨncwɨa win ɨ, mpʉ Krɨst a taare cwɨa e bɨna ga ɛ. Nye a si dwè, jala e bɨna ga, ó nye diʼe mpʉ mɨndwɛa ndwe e motwina. Motwina me maa, mé a be ó e monumo Zyɛm lé ebul kpɛl ɨ.