Rôm 15:1 - Kálara Zyɛ̌m Edwán é mpʉ̌n

¹ Bɨna ga, bʉr o b'a nʉa pim é buʼo e, bé ejala le edihbe bʉr o ndɨ é cyɛʼ buʼo e. Bɨna bé ajala le esaa ga mɨnyɔm ga mina.

Kálar Nzyɛ̌m : Ejwán é Sáá

¹ Mɨná gâ, bʉr o b'á nʉa pîm ɨ́ búʼó bá, bé ɨ́ jala le edûhwo bʉ̂r o dí e búʼó ɨ́ tyɛʼ tyɛʼ bá. Mɨná bé ajala le esáa gá minyɔm gá míná.

Rôm 15:1 ပူးပေါင်းရင်းမြစ်များ

1 Tesalonika 5:14

Obɨɔ ga bam aa! Bɨh bé ejwɨʼla e bɨn ó, bɨn bɛa bal bʉr o ndɨ esa epɨh ɨ. Baa ndɨ e l'ecyɛʼ é monyʉl ɨ, lɛŋɨ ga ó, bé tʉmɨ nyʉl. Dihba ga bʉr bɨbɛh.

Rôm 14:1

Beŋla ga mbuʼla l'apa nʉa pim é buʼo e. ǃƗ buʼo ye le yaa yin be e ziila nɛʼɛ, apɨra ga mokan e nye ebe bwa mɨlɔb lé epahlɔ mɨmbi mɨmbi é Mbɛr-Zyɛm tʉŋlʉ ɨ.

1 Korɛnt 9:22

É jɔʼ me ndɨ esyɛŋa zi e bʉr l'apa nʉa pim é buʼo e, me enwɨɨla ó, mpʉ bʉr l'apa nʉa pim é buʼo e. Me esa no ó, me nkʉʼ dulo be. Me esaa enwɨɨla e mɨmbi mɨ bʉr mimyɛh é l'efu le etiʼ bʉʉ bʉr.

1 Yʉanes 2:14

Osɔŋ ee! Me etile bɨn ó, ebe, bɨn bɨ gʉa mʉr a bɛa be, kʉ e si apa cyeŋɔ ɛ. Mɨsoho ee! Me etile bɨn ó, ebe, bɨn bé ó e nkul. Lwib mo Zyɛm, yé ekubla é bɨn. Bɨn nteme bɨ ntaa Bɨbla-mʉr é nkul dɔm.

2 Timotɛ 2:1

Mwan wam aa! Lela nkul é zi mocyɛʼ mo mpom Zyɛm a sʉ go, maa ndɨ epyal bɨna ga é zyɛŋa ga wina boo Yesʉs-Krɨst ɨ.

Rôm 4:20

Nye a baagwaʼ ejyɛʼ taa buʼo ye boo Zyɛm. Buʼo ye, yé ó b'a lɨl nye. Nye ze dwiibɨ Zyɛm ebe nkɛʼ waa.

Éfɛsɔs 6:10

Sa me lé eka tile bɨn é l'epihe e, yé ó: lela ga nkul é zyɛŋa win boo Da Yesʉs tʉŋlʉ, é mpwaʼ nkul we.

2 Korɛnt 12:10

Ebe no ó me ndɨ e bɨsʉhʉ é leme ó, me diʼe cyɛʼ-bol, me lwɨɔ, me sia e mɨtuu, ó me tíilɔ, le ebi mosono é l'efu mo Krɨst ɨ, ebe, é jɔʼ me ndɨ é l'ecyɛʼ ɛ, é jɔʼ gwar e gwar yaa ó me ndɨ e nkul nteme.

1 Korɛnt 4:10

Bɨh mu ó bɨgʉ é l'efu mo Krɨst; bɨn bɛɛ, bé ó mɨpɨpɨʼ é nye. Bɨh bé ó bɨcyɛʼ-bol; bɨn bɛɛ, mɨnjɨh mɨ bʉr. Bɨh bé epyehɔ; bɨn bɛɛ, bé edweŋɔ duu.

Rôm 14:2

É lɔb mode, nwaʼ mbuʼla, nye ebuʼla ó, nye óbɛm de sa ede yiyɛh, antaa motie mo Zyɛm. Nuu mbuʼla, waa ndɨ apa gʉa buʼo é kpɛhla ɛ, de-de njɨ nteʼe.

Filipi 2:4

Mʉr nyiwɛh é mbɛr Zyɛm win, nye beʼ l'agwɨm sa yé óbe nye é nyɔm nye ome e. Mʉr nyiwɛh, nye toŋla nteme sa bʉʉ bʉr, bé óbɛm dira nyɔm e tɨʼ ɨ.