Rôm 14:8 - Kálara Zyɛ̌m Edwán é mpʉ̌n

⁸ Til molu bɨna ga dina e tiʼ ɨ, yé e nyɔm é l'efu ó, bɨna gumla Da Yesʉs tɨ. É jɔʼ bɨna lé edwè ga ɛ, bɨna dwè ga ó, bɨna gumla ga nye nteme. No ó, bɨna dam tiʼe ga, nkʉ ó, bɨna dam dwè ga, bɨna bɨbɛh, bé ó baa mo Da Yesʉs.

Kálar Nzyɛ̌m : Ejwán é Sáá

⁸ Tíl mélú mɨ́ná gá dína ɨ́ twiʼ yɨ́, yé e nyɔm lɨ́ esú ó, mɨná gúmlaa Tî Yésʉs e tɨ̂. Jɔʼ mɨ́ná dí edwe gá yɨ́, mɨná dwé gá ó, mɨná gúmlaa gá nye ntémé. Nó ó, mɨná damá tiʼe gá, nkʉ̂ ntémé dwe, mɨná óbɛ̂h gúmó gá ó e Tî Yésʉs.

Rôm 14:8 ပူးပေါင်းရင်းမြစ်များ

Filipi 1:20

Leme wam, wé ó lwɨŋla e mbɛla ó, me ákwoʼ sɔma e yʉʉ syɛɛla yam gwar. Me ebuʼla ó, me óto le ekœʼ mpaŋ ebò e cyen é hwɨm, abaawe sɔʼɔ e bʉr, mpʉ me a bɛa sa-sa ɛ, é l'efu ó, bʉr toʼ dolo lé egumlo Krɨst. Dam be ó me etiʼe, dam be nteme ó, mɨ dwè: bé óto le egumlo Krɨst ebe me.

1 Tesalonika 5:10

Nye ó b'a jala e bɨna ga. Nye a sa no ó, bɨna biʼe ga tiʼ molu mo mpoʼ mɨmɛh. No ó, bɨna dam di ga é tiʼ si nwa; nkʉ ó, bɨna dam dwè ga, é jɔʼ nye óze e, bɨna bé ódi ga sama, bɨna ga e boo nɔɔ.

1 Korɛnt 15:23

Sa gwar, mʉr nyiwɛh ópàh ó, é ye cye: Krɨst efoʼ, mpʉ tom wé a pɛʼɔ peme e; bʉr be, bé óze bɔma e nye é dobo nye óbula ze e.

Mɨlʉmlʉ 21:13

Nye a bɨha ó: «Ebe yé bɨn lé ejɨ, le esaa ó, me tʉlɨ e l'edwe ɛ? Ebe, é nko paʼ wam, mɨ mɛʼle sa yaa yiyɛh, abe njɨ ekaʼɔ monkara. Me ó é car ó, me dwèʼ ɨ Yerʉsalɛm é l'efu e die mo Da Yesʉs.»

Mɨngwiha 14:13

Me ze joʼo twii lé eduho é jobo kʉ. Nye e me ó: «Tila: “Mocyɛʼ mo mpom, mé e mʉr a dwè, nye mu é zyɛŋa wɔɔ boo Da Yesʉs ɨ.”» Mbɨambɨa Sisim, nye elɛɛ ó: «Yé ó no: banana, bé paʼ ka gbala syɛɛ-Zyɛm yɔɔ. Syɛɛ bé a sea-sea é jɔʼ bé a be e tiʼ ɨ, nyɔm lé eduho tɨʼ ɨ, wé ónyin é gumo bé mu lé edi ɨ.»

Filipi 2:17

Bɨn mu ó lé esa Zyɛm syɛɛ nye lé egwɨm ɨ, duho é buʼo yin. Bɨn bé edwe nye bɨtiʼ bin tɔɔ motwina. Dam be mpʉ motié mam mu lé eswɨɨ é mɨndwɛa mɨn kʉ ɨ, me esoho. Bɨna bé esoho ga tɨ.

Mɨlʉmlʉ 20:24

mɛm yɛɛ lé ebee ó, tiʼ yam, yé abe me dime sɔʼɔ. Nyɔm wam, wé njɨ ó, me fimɨ é duò bɨjʉʉ, to pyal é l'odumo, le efwahle syɛɛ Da Yesʉs a liʼe me e. Syɛɛ yaa, yé ó lé eto le eboʼlo Mbɨambɨa Lɔɔ, waa ndɨ elɛʼle ncwɨncwɨa mo Zyɛm ɨ.

Filipi 2:30

ebe, nye a be ó si ngbaa dwè é lɔb syɛɛ mo Krɨst! Nye a si ngbaa dimle tiʼ ye, lé eze tʉŋ me, lé edwe me ngula bɨn bé a be, abe e nkul edwe me e.

Mɨlʉmlʉ 13:36

É mya bʉr we, David a be ó si sa syɛɛ Zyɛm a tiʼe é leme we ó, nye sea ɛ, nye ze dwè, ntɔʼ to kœb osɔŋ be mpʉ bé a pa sa ɛ. Muu we, wé ntɔʼ bo.

Yʉanes 21:19

(Yesʉs a lwib no ó, lé elɛʼle mbi efie Pyɛr ódwè e. Mbi efie we waa, wé ósa ó, bʉr dweʼ Zyɛm kum.) Yesʉs, nye e nye ó: «Duʼo me.»

Lʉkas 20:38

Yesʉs ze ko tɨʼ ó: «No, yé elɛʼle ó, Zyɛm, nye ó Zyɛm bʉr o ndɨ mɨkubla ɛ. Nye abe waa odwè, ebe, bʉr bɨbɛh, bé ó e tiʼ é nko paʼ we.»