Rôm 14:2 - Kálara Zyɛ̌m Edwán é mpʉ̌n

² É lɔb mode, nwaʼ mbuʼla, nye ebuʼla ó, nye óbɛm de sa ede yiyɛh, antaa motie mo Zyɛm. Nuu mbuʼla, waa ndɨ apa gʉa buʼo é kpɛhla ɛ, de-de njɨ nteʼe.

Kálar Nzyɛ̌m : Ejwán é Sáá

² Ɨ́ lɔ̌b méde, nyâʼ mʉ̂r, nyě beé ó, nye óbɛ̌m dě dœʼ yɨ́yɛ̂h, agbah métié mé Nzyɛ̌m. Nyʉ́ʉ́ mʉ̂r dí agwá be e búʼó nyá, jaá dɨdě njɨ micwíʼ.

Rôm 14:2 ပူးပေါင်းရင်းမြစ်များ

1 Timotɛ 4:4

ebe, sa yiyɛh Zyɛm a cye e, yé é mbɨa. Jɨh tɨʼ mʉr, nyi jwɨʼla e nye, lé edwe nye ekiba é lɔb mode e, ebebe, lé aka be tɨ. Mʉr, nye ajala le eka til nye ya,

Rôm 14:14

É zyɛŋa wih boo Da Yesʉs, mɨ kʉ gʉa nteme ó, ntʉʼ sa ede yé mʉr tɨʼ ndɨ e nkul elœʼ mʉr é mih mo Zyɛm. Sa gwar, ǃɨ mʉr si de mode maa nɛʼɛ, ǃnye si pahle ó, yé óbɛm lœʼ nye é mih mo Zyɛm wa, mode maa, mé ó cyecye lwaʼ é leme we.

Ebrœ̂ 13:9

Gʉa di ga ncye. Abir ga ó, bʉr gomla bɨn é zi fih, é zi mɨmbi bɨsikʉlʉ bé lé elɛʼle, myaa bɨn ndɨ agʉa ɛ. Ncwɨncwɨa mo Zyɛm nye ome ó ndɨ egba bʉr nkul é monyʉl. Yé é mbɨa ó, bɨn biʼe nkul tɨ. Nyɔmlʉ bab lé elɛɛ ó, mʉr, nye ejala le ede é l'efu le edwiibɨ Zyɛm e nye e, nye abe e nyɔm é nko paʼ mo bʉr o lé ede nye e.

Galásia 2:12

É l'etɔɔrʉ, bé e bʉr o bɨkul bɨfih, bé a de-de mode ó, lé epuhba mobo gumo gwar. Pie tɨʼ nɛʼɛ, Jacques ze lomo bʉr gʉ. É jɔʼ mɨlʉmlʉ mye myaa, myé a pyal ɨ, Pyɛr ntɔʼ dulo nyʉl, aka puhba mobo, bé e bʉr o Antios. Yé a pyal nye no ó, é bʉa nye a joʼo obuʼla bé a gwɨm tine bʉʉ bʉr ó, bé saʼ mpʉn ɨ.

Ebrœ̂ 9:10

Zyɛm a nʉa tiʼa ó, bʉr, bé ódu mbi motie myaa ó, to pyal é jɔʼ nye óka komlo mozi bʉr, bé ójala le edu ɨ. Motie mo efoʼ monɨ, mé a kʉ dwɛʼ ó, njɨ bɨsa bɨ tiʼ mʉr kaʼ si. Mé a lɛʼle nye ó, mɨmbi monyɔmlʉ le monyʉla myé a jala le edeŋɔ ɛ, ndwe mpʉ bʉr lé ejala le edubo bɨsɔʼɔ é modibe lé epub bye e.

Títos 1:15

Sa yiyɛh, yé mu ó mpuban é l'efu e bʉr mu si pubɔ ɛ. Sa gwar, é bʉr o b'a lœʼ monyʉl mɔɔ, baa dina l'apa jyɛʼ taa buʼo yɔɔ boo Zyɛm ɨ, yé abe e sa gwar ndɨ mpuban é nko paʼ wɔɔ. Bɨsa bibyɛh, byé ó be é lwaʼbe lwaʼbe, ebe, bé a si lœʼ ocyoo wɔɔ, ndwe e mɨpɛhla myɔɔ.

1 Korɛnt 10:25

Deʼ ga sa yiyɛh bé lé ebɛma é mompɛma ɛ, abe e tia é mɨleme min!

Rôm 14:1

Beŋla ga mbuʼla l'apa nʉa pim é buʼo e. ǃƗ buʼo ye le yaa yin be e ziila nɛʼɛ, apɨra ga mokan e nye ebe bwa mɨlɔb lé epahlɔ mɨmbi mɨmbi é Mbɛr-Zyɛm tʉŋlʉ ɨ.

Rôm 14:20

Syɛɛ Zyɛm a sea ɛ, mʉr beʼ l'alɨr nye ya ebe mode. Yé cyecye ó, yé abe e mode ndɨ elœʼ mʉr é mih mo Zyɛm. Mode, mé ebebe ó, njɨ é jɔʼ ndɨa mode waa lé esa ó, mɨɔ go mʉr duma é l'ebebe e.

Rôm 15:1

Bɨna ga, bʉr o b'a nʉa pim é buʼo e, bé ejala le edihbe bʉr o ndɨ é cyɛʼ buʼo e. Bɨna bé ajala le esaa ga mɨnyɔm ga mina.

1 Korɛnt 8:9

Syɛɛla bɨn ndɨ e nkul esa, antaa yɛɛ etie e, yé óbɛm be nteme ebɔʼ bɨn ndɨ ekol nuu mʉr, laa lé ódumo nye e. No ó, kanba ga lé esa syɛɛla yaa.

1 Korɛnt 9:22

É jɔʼ me ndɨ esyɛŋa zi e bʉr l'apa nʉa pim é buʼo e, me enwɨɨla ó, mpʉ bʉr l'apa nʉa pim é buʼo e. Me esa no ó, me nkʉʼ dulo be. Me esaa enwɨɨla e mɨmbi mɨ bʉr mimyɛh é l'efu le etiʼ bʉʉ bʉr.