Rôm 14:1 - Kálara Zyɛ̌m Edwán é mpʉ̌n

¹ Beŋla ga mbuʼla l'apa nʉa pim é buʼo e. ǃƗ buʼo ye le yaa yin be e ziila nɛʼɛ, apɨra ga mokan e nye ebe bwa mɨlɔb lé epahlɔ mɨmbi mɨmbi é Mbɛr-Zyɛm tʉŋlʉ ɨ.

Kálar Nzyɛ̌m : Ejwán é Sáá

¹ Beŋlaa gá mɨ́ɔɔ́ dína apǎ nʉa pîm ɨ́ búʼó nyá. Búʼó yé le yaá yɨ́n, byé ósyɛ́ɛla nó, apére gá mekǎn e né ɨ́ lɔ̌b bwá mílɔ̌b mi dí epahlɔɔ mímbi mimbi tʉ́ŋlʉ̌ Mbɛ̌r-Nzyɛ̌m mí.

Rôm 14:1 ပူးပေါင်းရင်းမြစ်များ

Rôm 15:1

Bɨna ga, bʉr o b'a nʉa pim é buʼo e, bé ejala le edihbe bʉr o ndɨ é cyɛʼ buʼo e. Bɨna bé ajala le esaa ga mɨnyɔm ga mina.

1 Korɛnt 9:22

É jɔʼ me ndɨ esyɛŋa zi e bʉr l'apa nʉa pim é buʼo e, me enwɨɨla ó, mpʉ bʉr l'apa nʉa pim é buʼo e. Me esa no ó, me nkʉʼ dulo be. Me esaa enwɨɨla e mɨmbi mɨ bʉr mimyɛh é l'efu le etiʼ bʉʉ bʉr.

Rôm 15:7

É mpʉ yé ndɨ no e, beŋla ga paʼra win mpʉ Yesʉs-Krɨst a beŋle bɨn ɨ. Saʼ ga no é l'efu ó, bʉr dwiibɨ Zyɛm, duho tɨ.

Rôm 14:21

Yé mbɨmbɨa é nko paʼ go ó, go beʼ l'ade tir, nkʉ nyʉl monwoʼ, nkʉ sa syɛɛla yiyɛh ndɨ e nkul edulo mɨʉ ó, nye duma é l'ebebe e.

2 Yʉanes 1:10

Ebe no, yé be ó nuu mʉr, nye efuuba ze gʉʼ bɨn ye, adwe bʉr bɨsikʉlʉ bɨmpwar ga bina nɛʼɛ, aniŋle ga nye ɨ modwii mɨn, nkʉ soho nye soha,

Rôm 4:19

Abraham ze buʼla nkɛʼ waa. Buʼo ye yaa, yé a baacyɛʼ, dam be mɨmbu nter (100) mye. Nye a be ó si pahle tiʼ ye, bee ó, nye a be ó, nye mu kunokuno le edwè, le ebee nteme ó, Sara a be ó kun.

Lʉkas 17:2

Laa ó, mʉr gomla mʉr twaʼa é baa bam é zi mɨsyem, yé a ngbaa mbɨa é paʼ mo zizii wam waa ó, bé tiila we bwaʼbwaʼ ekoʼ é twii, wé guhɔ é maŋ, dwè, abe ó, wé gomla mʉr twaʼa ngwar wam é zi mɨsyem waa.

Mataos 14:31

Cye e cye yaa, Yesʉs ntɔʼ syɛm mbo, mɛr nye. Nye e nye ó: «A twaʼbe buʼo yo ɛ! Ebe yé go lé esoŋlo me e?»

Mataos 12:20

Nye ákwoʼ bɨh lɨ mu lé ecyɛʼ ɛ. Nye ákwoʼ turo empom e saŋ, ó wé dima njʉl elama mu lé egwɨm ja dwo e. Nye ósa syɛɛla embɨa yaa ó, to pyal é jɔʼ bʉr, bé ómɛʼle ó, Zyɛm, nye esa sa ndɨ cɨcyel ɨ.

Filipi 2:29

Ebe no, é jɔʼ nye ópyal é l'esama lɨn ɨ, bɨn bé à nʉa nye e bɨsʉhʉ bibyɛh ebe nye ndɨ mɨɔ ga wina, waa ndɨ é zyɛŋa ga wina boo Da Yesʉs ɨ. Dwaaba ga mbi bʉr o ndɨ mpʉ mo nye e,

Yʉanes 13:20

Me elɛɛ bɨn cyecye ó nɛɛ: mʉr ndɨ enʉa mwa mɨlʉmlʉ wam e duu ɨ, nye edwaabe nteme ó me. No nteme, waa lé enʉa me e duu ɨ, nye edwaabe nteme ó mʉr a ntɨh me e.»

Mataos 18:10

«Gʉa di ga ncye! Apyeh mwan ngwar é bwan ba, ebe, me elɛɛ bɨn ó nɛɛ: beengles bɔɔ ndɨ é jobo kʉ ɨ, bé ebee mpom mo Sɔŋ wam ndɨ é jobo kʉ ɨ, é sʉlʉlʉ jɔʼ yiyɛh. [

Markus 7:19

Ebe, yé ani nye é leme tʉŋlʉ. Yé eni ó, é mo, ka pyal kʉl, to kur é duʼ.» (É lwib yaa, Yesʉs a be ó lé egwɨm lɛɛ ó, mode mɨmɛh mu ó bɛm deŋɔ, mé l'alœʼ mʉr é mih mo Zyɛm.)

Mɨlʉmlʉ 28:2

Bʉr o dine laa, bé a si bul jwɨʼ bɨh nkoo. É mpʉ mpie a be lé enwɨɨ, ejyoo, lé osi mɛr be e, bé a si tira duro, ntɔʼ jebe bɨh ó, bɨh dwabla siʼe.

Rôm 11:15

ebe, Zyɛm a pɨm oYʉden ó, lé ede mpʉn e bʉr o si nwaʼ nyiwɛh, é mbi ndɨ ó, nye nkʉʼ bula nʉa be pie tɨ. Yé ónwɨɨla ó e pɛ̀ha foo.

Rôm 14:2

É lɔb mode, nwaʼ mbuʼla, nye ebuʼla ó, nye óbɛm de sa ede yiyɛh, antaa motie mo Zyɛm. Nuu mbuʼla, waa ndɨ apa gʉa buʼo é kpɛhla ɛ, de-de njɨ nteʼe.

Rôm 14:3

Mʉr waa lé ede mɨmbi mode mimyɛh ɛ, nye beʼ l'acyɛl mʉr lé eti tir ɨ, ebe we mbi buʼo. Mʉr lé eti tir ɨ, nye beʼ l'aniʼe nyiha baa ebebe é lɔb edɨɨ le, ebe, Zyɛm a si beŋle mɨɔ win waa.

1 Tesalonika 5:14

Obɨɔ ga bam aa! Bɨh bé ejwɨʼla e bɨn ó, bɨn bɛa bal bʉr o ndɨ esa epɨh ɨ. Baa ndɨ e l'ecyɛʼ é monyʉl ɨ, lɛŋɨ ga ó, bé tʉmɨ nyʉl. Dihba ga bʉr bɨbɛh.

Ebrœ̂ 5:14

Otamabʉr bɛɛ ó lé ejala e mpaŋ mode. Bɛɛ bé ome ó ndɨ e pɨʼ lé esa ó, bé gʉŋa mbɛʼ paʼra embɨa e l'ebebe e. Bé ebi pɨʼ waa ó, ebe zyee bé lé esa tɨʼ ɨ.