Rôm 13:7 - Kálara Zyɛ̌m Edwán é mpʉ̌n

⁷ Jɛna ga bʉr bɨbɛh mompɔla bɨn ndɨ be e ma ɛ. Jɛna ga otœa boo bʉr o ndɨ ebɛma be e. Dwaaba ga baa lé ejala e duu ɨ. Seʼla ga baa lé ejala e moseʼla ɛ.

Kálar Nzyɛ̌m : Ejwán é Sáá

⁷ Jɛ́náá gá bʉr bɨ́bɛ̂h mempʉ́lá bɨ́n dí bé e mé má. Bwámáá gá bitœ́a kwá bʉr o dí ebɛ́ma byé bá. Jwááwáá gá baá o dí ejala e dúu bá. Gúmláá gá baá o dí ejala e kûm bá.

Rôm 13:7 ပူးပေါင်းရင်းမြစ်များ

Lʉkas 20:25

No ó Yesʉs a lɛɛ e be ó: «Dweʼ ga be Kɛɛza bɨsa mo Kɛɛza; bɨn bé à dwe Zyɛm byaa mo Zyɛm.»

Mataos 17:25

Pyɛr, nye e be ó: «Ndɨ, nye ekʉ jɛna nye!» É jɔʼ Pyɛr a ni mbɛr ɨ, Yesʉs ze nʉa lwib. Nye e nye ó: «Simɔn, go ebee lɔb wiʼ nyá ɛ? Mɨnjwɨɨbʉr mɨ si nwa, myé epa kʉ dî tœa boo ozé? Zê boo mɨmbyɛla mɨ bwan be ɛ? Zê boo bʉr ofih ɛ?»

1 Timotɛ 5:17

Ocyɛb be efoʼ ndɨ ekœʼ e mbɛr Zyɛm mbɨmbɨa ɛ, bé ejala le ebi myɛna moba, kʉ bul be baa lé elɛɛ bʉr lɔɔ Zyɛm, le eyeʼle be e.

Mataos 22:21

Bé e nye ó: «Yé ó byaa mo Kɛɛza!» Nye e be ó: «Ebe no, dweʼ ga Kɛɛza bɨsa mo Kɛɛza; bɨn bé à dwe Zyɛm byaa mo Zyɛm.»

Éfɛsɔs 6:5

Molʉa ɛɛ! Bɨn bé ejala le esa ojwɨʼa bɨn, baa ndɨ bʉr o si nwaʼ ɛ, mojoʼo. Sea ga be syɛɛ e bʉa e mosaʼ, ndwe le egba monyʉl mɨn. Sea ga be e mpaŋ mojoʼo, mpʉ sa lɛɛ ó, bɨn bé esea ó Krɨst syɛɛ.

1 Pyɛr 3:7

Bɨn bɛɛ ojʉm, jyeʼla ga bʉba bɨn ndwe le edwe be duu, ebe, bɨn bé egʉa mpʉ bé ndɨ é cyɛʼ ɛ. Bé ejala le ebi tiʼ molu mo mpoʼ mɨmɛh mpʉ bɨn bɛɛ. ǃBɨn si be, asa no nɛʼɛ, yé ógba bɨn mokɔbla é mɨnjwɨʼla.

1 Timotɛ 6:1

Molʉa, mé ejala le enʉa omasa bɔɔ mpʉ bʉr bé lé ejala le edwaabe e. No ó bʉr nkʉʼ di, apyeh Zyɛm, nkʉ fœʼ bʉr o lé edu sikʉlʉ bɨna lé eyeʼle ga bʉr ɨ.

Éfɛsɔs 5:33

Sa ndɨ tɨʼ yé ó, mʉrʉm nyiwɛh, nye ejala le ekpɛl myɛl we mpʉ nye lé ekpɛl nye mʉr tɨʼ ɨ. Mʉma nyɛɛ, nye dwaaba njʉm we.

Lʉkas 23:2

Bé ze taare lé epurɔ nye. Bé ó: «Bɨh bé a si bee mʉr nwaʼ lé enyiŋ kul yih ó, yé kaŋa e Kɛɛza, ebe, nye amɛʼle ó, kul yih, yé ejala le ejɛna tœa mo Kɛɛza. Nye a si kʉ lɛɛ nteme ó, nye ó ndɨ Lœma mulo mo Zyɛm le njwɨɨbʉr.»

Markus 12:17

No ó Yesʉs a ze lɛɛ e be ó: «Dweʼ ga Kɛɛza bɨsa mo Kɛɛza; bɨn bé à dwe Zyɛm byaa mo Zyɛm.» Bé a be ó si bul jehe mpɨha we waa.

1 Timotɛ 5:13

No ó nteme, bé ejyɛnba lé encyehbe dobo lɨlɛh. Bé eto le eto mɨmbɛr e mɨmbɛr myɛh, njɨ lé enaa-naa bʉr. Yé abe ó, jyɛʼ yɔɔ, yé ó njɨ lɔb edi dia jwɨh. Bé esa nteme ó, mpuʼ lé egba nʉm é mɨlɔb myoonkan, le elwib bɨlwib ndɨ asiŋa ɛ.

Lʉkas 20:22

Zê motie ga mɨna, mé ekamle mʉr lé ejɛna tœa mo Kɛɛza ɛ? Zê tœa, yé abe kɔmlʉ ɛ?»

Rôm 12:10

Kpɛla ga paʼra win mpʉ mɨɔ e mɨɔ lé ejala le ekpɛla ɛ. Dwaaba ga bʉʉ bʉr é l'esama lɨn.

Rôm 13:6

Ebe no nteme ó bɨn lé ejɛna tœa ɛ, ebe, Zyɛm a si cyel ojwɨɨ é bɨdia byɔɔ é l'efu ó, bé saʼ syɛɛ yaa é dwiii.