Rôm 13:13 - Kálara Zyɛ̌m Edwán é mpʉ̌n

¹³ Bɨna kœʼœ ga ebò e cyen ndɨ ejala e bʉr o ndɨ é myɛn ɨ. Bɨna l'ayi lɔʼba ga le ebwal mozɔɔ, nkʉ fwaʼ monwoʼ, nkʉ lama fwon é zi bɨduo, nkʉ sa bɨmala zam e l'ekomo, nkʉ sa mpɔʼa monkɔm, nkʉ zii.

Kálar Nzyɛ̌m : Ejwán é Sáá

¹³ Mɨná, bʉr o dí etye ɨ́ móhó bá, mɨná tíʼaa gá mpʉ dí ejala yɨ́. Mɨná bé ayɨ́ lɔ̂ʼwa gá lɨ́ ede méde, nkʉ̂ puro ményoʼ, nkʉ̂ lœʼ ményʉ́l gá mɨ́ná ɨ́ nzɨ̌ bijoó, nkʉ̂ sâ bímolá nzam le ekomo. Mɨná bé ayɨ́ kǎ gœ́a páʼ gá nyɨ́ná, nkʉ̂ síila páʼ gá nyɨ́ná.

Rôm 13:13 ပူးပေါင်းရင်းမြစ်များ

Galásia 5:21

esa bɨgwɨma, efwaʼ monwoʼ, elɔʼba lé ebwal mozɔɔ ndɨ ambɨa ɛ, to-to ó toʼ. Mpʉ me a bɛa lɛɛ bɨn é l'etɔɔrʉ ɨ, me ebâʼle lɛɛ e bɨn ó, bʉr o ndɨ esa mɨmbi bɨsyɛɛla byaa ɛ, bé ákwoʼ dweŋɔ dia é jwɨ̀ʼa mo Zyɛm.

Éfɛsɔs 5:18

Afwaʼ ga monwoʼ. Mé esa ó, mʉr dimla tiʼ modile ye. Diʼe ga yɛɛ lwɨŋla e Mbɨambɨa Sisim.

1 Tesalonika 4:12

Kœʼœ ga mpaŋ ebò e cyen, laa mɨnjeʼe-Zyɛm, myé óbee mbɨmbɨa ɛ. Mʉr beʼ l'adɨ bono okɛma é jɔʼ yiyɛh.

1 Yʉanes 2:6

Mʉr lé elɛɛ ó, nye ó é zyɛŋa wɔɔ boo Zyɛm ɨ, nye ejala le ekœʼ ebò e cyen mo Yesʉs.

Éfɛsɔs 5:15

Ebe no, gʉa dwɛʼ ga mbi ebò e cyen bɨn lé ekœʼ œ. Akœʼ ga ebò e cyen mpʉ bɨgʉ, njɨ mpʉ mɨpɨpɨʼ.

1 Tesalonika 2:12

Bɨh bé a si tɨe bɨn, le esa ó, bɨn tʉmɨ nyʉl ndwe le eboʼlo ó, bɨn bé ejala le ekœʼ ebò e cyen Zyɛm lé ekpɛl ó, bʉr kœʼœ œ. Tiʼa ga no, ebe, nye a jebe bɨn ó, bɨn niʼe é jwɨ̀ʼa ye, gumo kum we ndɨ epan ɨ.

Lʉkas 21:34

«Diʼe ga ncye! Monyʉl mɨn, mé amu jaa cyɛʼ ebe mpwaʼ edɨɨ ndwe e mpur monwoʼ, nkʉ ebe mɨpɛhla mɨ tiʼ si nwa. Esie e mbi jɔʼ yi, lé amu jaa pyal bɨn motwɨra, mpʉ tir lé etwɨra é jɔʼ nyi bil é syɛm ɨ.

1 Tesalonika 5:17

Jwɨʼla ga e Zyɛm é bɨjɔʼ bibyɛh.

Filipi 1:27

Sa gwar, kœʼœ ga ebò e cyen lé ejala e bʉr o ndɨ ebuʼla Mbɨambɨa Lɔɔ mo Krɨst ɨ. ǃBɨn si sa no nɛʼɛ, me ójoʼo lɔɔ win, gʉa nteme ó, bɨn dina é zyɛŋa win boo Sisim ngwar ɨ, lé ecyɛb é nkʉʼʉ e twii ngwar, le ekœʼ ebò e cyen é zi buʼo mpʉ Mbɨambɨa Lɔɔ lé elɛʼle e. Me ójoʼo lɔɔ é lɔb ebò e cyen laa, me ntɔʼ soho, me dam be si pyal, bee bɨn e mih, me dam liʼ é guu paʼ, ntɔʼ joʼo njɨ lɔɔ e lɔɔ.

Yʉ̂d 1:23

Bʉr o b'a lʉŋa é siʼe onɨ, syɛbɨ ga be é siʼe yaa. Mɨleme min, myé joʼa be nkʉnkoo. Diʼe ga be ncye. Nwimɨ ga sa yiyɛh, to pyal é bɨdur bʉr o tɨʼ bé a bwar-bwar, byaa mu lɨra é l'ebebe e. Byé diʼe é mbea win mpʉ sa lɛɛ ó, bi bil mobar.

2 Yʉanes 1:4

Me a si laŋle joʼo mombɨa é jɔʼ me a joʼo ó, bwan bo, bé dina ó lé ekœʼ mbɨambɨa ebò e cyen é l'ocyecye tʉŋlʉ, mpʉ Zyɛm Sɔŋ a tiile bɨna ga etie e.

Jacques 4:5

Kalara Zyɛm, nye elɛɛ ó: «Sisim Zyɛm a ntɨh bɨna ga ɛ, nye ó é bul mpam e we.» Anyamle toŋlo ga ó, sa Kalara Zyɛm lé elwib ɨ, yé ó mbɛh.

Kolosi 3:5

Bɨfum bɨ nyʉl bin ndɨ eduho é si nwaʼ ɛ, teʼla ga bye. Yé ó ndɨ: elœʼ nyʉl é zi bɨduo, elama fwon lé edu njɨ bɨjyɛʼ, empime, esa bɨgwɨma bɨ ebebe, ecen mih é bɨsa byoonkan. (Ebe, mʉr ndɨ ecen mih é bɨsa byoonkan ɨ, nye ó asiila ba e waa lé edwiibɨ bɨbaŋabaŋa bɨdweʼle e!)

Kolosi 1:10

É mbi waa ó bɨn bé ókœʼ ebò e cyen lé ejala e Da Yesʉs ɨ, le esa sa nye lé ebul kpɛl ɨ. Bɨn bé óto dolo lé esa mɨmpaŋ bɨsyɛɛla bin bibyɛh, le egumo mɨmpaŋ mɨ mpumo lé ejala e nye e. Toʼ ga dolo lé egwɨe é pɨʼ, lé egʉa Zyɛm é kpɛhla.

Filipi 2:3

Asa ga zyee lé efuo bɨdia paʼ win. Ankɛɛ ga monyʉl. Mʉr nyiwɛh, nye dweʼ bʉʉ bʉr duu, laa mpʉ nye lé ebee nye mʉr tɨʼ ɨ.

Éfɛsɔs 5:8

Molu pihe, bɨn bé a be-be ó é l'edurʉ. No ó, banana, bɨn mu ó é myɛn, duho é zyɛŋa win boo Da Yesʉs. No ó, kœʼœ ga ebò e cyen ndɨ ejala e bʉr o ndɨ é myɛn ɨ.

Éfɛsɔs 4:17

Ebe no ó me lé elɛɛ e bɨn, le eboʼlo é die mo Da Yesʉs ó, yé ajala ó, bɨn kœʼœ ebò e cyen egwar, bɨn e bʉr o ndɨ abuʼla ɛ. Bé ekʉ ka sa ó njɨ baambɛhambɛha o bɨsyɛɛla, ebe, mɨpɛhla myɔɔ, myé ó mbɛh e mbɛh.

Éfɛsɔs 4:1

Ebe no, mɛm, mʉr ndɨ mbʉʼ é zyɛŋa wɔɔ boo Da Yesʉs ɨ, me ejwɨʼla e bɨn ó, bɨn kœʼœ mbɨambɨa ebò e cyen Zyɛm a lɛɛ bɨn ó, bɨn kœʼœ œ.

Galásia 5:19

Bɨsyɛɛla nyʉl bɨpuno ga wina lé egwɨm ɨ, byé asa dɨʼ. Byé ó: elœʼ nyʉl é zi bɨduo, elama fwon lé edu njɨ bɨjyɛʼ, esa bɨmala zam e l'ekomo,

Mɨlʉmlʉ 2:15

Bʉr o bɨn lé ebee ba, bé afwaʼ monwoʼ, mpʉ bɨn lé ejwɨʼ nɨ. Dobo, lé dina ó, mowala bu mo mɛn.

Lʉkas 16:19

«Yé a ze be ó, nuu mʉr e bɨsa twiha. Molu mɨmɛh, nye a bwar-bwar ó, mɨkan mɨ akaa-e-kaa ndwe e myaa é pumo-pumo e. Nye a tiʼe-tiʼe dobo lɨlɛh ó, é mopoʼ.

Lʉkas 1:6

Bɨbɛh oba, bé a be ó ocɨcyel o bʉr é mih mo Zyɛm, lé edu mɨtiila ndwe e mompene mo Da. Ebò e cyen lɔɔ, alɨŋa ba.

1 Korɛnt 3:3

ebe, bɨn bé etiʼe-tiʼe ó, kʉ be mpʉ bʉr o si nwa. Bɨn mu ó lé esa mpɔʼa monkɔm ndwe le esiila motwii. Zê bɨn bé abee naa ó, bɨn bɨ kʉ nʉa dweʼle tiʼ mo bʉr o si nwaʼ ɛ? Bɨn bé ekʉ kœʼ ebò e cyen bʉr o si nwaʼ lé ebul kœʼ œ.