Rôm 13:12 - Kálara Zyɛ̌m Edwán é mpʉ̌n

¹² Pum mu ó lé ekʉ laa. Mɛn, wé mu ó lé ekunbo. Bɨna birɨ ga be bɨsyɛɛla bɨ apum. Bɨna bwara ga mokʉa mo dɔm é l'efu ó, bɨna lwimla ga e me é moho.

Kálar Nzyɛ̌m : Ejwán é Sáá

¹² Pum mû ó téme elaa; móhó lɨ́ esîhle. Mɨná bírɨɨ gá bisyɛ́ɛla bi dí esáŋɔɔ lɨ́ edúrʉ́ʉ́ bí. Mɨná bwáraa gá mimbór mí dɔ̂m lɨ́ esú ó, mɨná lwímlaa gá e myé ɨ́ móhó.

Rôm 13:12 ပူးပေါင်းရင်းမြစ်များ

Éfɛsɔs 5:11

Mʉr beʼ l'atœb bɨsyɛɛla bɨ apum, sa ndɨ abe e nyɔm ɨ. Pyɛlɨ ga bɨdweʼle ndɨ elɛʼle ó, bʉr o ndɨ esa bɨsyɛɛla byaa ɛ, bé e mobe.

2 Korɛnt 6:7

é tuno bɨh lé etuno ocyecye e, é nkul nɨnɨ mo Zyɛm, é mokʉa mo dɔm bɨh lé eguho, nkʉ ntɔʼ monkuo bɨh lé epemle mokʉa mo bʉʉ bʉr e tɨʼ ɨ. Mokʉa mo dɔm mɨh maa, mé ó ocɨcyel wih.

Jacques 1:21

Diʼe ga bʉr o ndɨ é cyɛʼ mɨnjwɨr ɨ. Pɛʼɛ ga ebɨ-leme ndwe e bɨsyɛɛla bibyɛh ndɨ elœʼ bɨn é mih mo Zyɛm ɨ. Yé ó, é laŋle buo! ǃBɨn si sa no nɛʼɛ, bɨn bé ógʉa nʉa lwib ocyecye Zyɛm a ntɨh é mɨleme min tʉŋlʉ ɨ. Lwib ye yaa ó ndɨ e nkul edwe bɨn tiʼ molu mo mpoʼ mɨmɛh.

Éfɛsɔs 4:22

Bɨn bé a yeʼlɔ ó, bɨn bé ejala le ebir mɨnjʉ̌m motum mɨn, sa lé eduho é l'ebò e cyen bɨn bé a kœʼ œ. Bɨgwɨma bɨ nyʉl bɨpuno byaa, byé egomlo bʉr é bebebebe zi.

Rôm 13:14

Diʼe ga é zyɛŋa win boo Da Yesʉs-Krɨst. Bwara ga nye mpʉ kan. Acen ga mɨleme min é nko paʼ bɨsyɛɛla nyʉl bɨpuno win lé egwɨm sa ɛ.

Mɨngwiha 22:10

Nye a si bâʼle lɛɛ e me ó: «Sa Zyɛm gwih go, yaa mu tila é mbom kalara nwaʼ ɛ, afol bʉr ya, ebe, jɔʼ bɨsa byaa, byé ósyɛɛlɨ ɨ, yé mu ó kunokuno le epyal.

1 Pyɛr 2:1

Ebe no, myaha ga bɨsyɛɛla biʼ bibyɛh: bɨn, e bɨlwib bɨkʉʉŋʉ, e bɨlwib bɨba bɨba, e zii ndwe e mɨmbi movoʼ mimyɛh.

Mɨngwiha 1:3

Mocyɛʼ mo mpom, mé swɨŋɨ é waa lé eláa mɨlɔb ndɨ mɨngwiha é kalara nwaʼ ɛ. Mocyɛʼ mo mpom, mé swɨŋɨ nteme é baa lé ejoʼo le ebaʼle mɨngwiha mɨlɔb ndɨ tɨʼ ɨ. Gʉŋa ga ó, jɔʼ bɨsa byaa, byé ósyɛɛlɨ ɨ, yé mu ó kunokuno le epyal.

1 Korɛnt 7:29

Obɨɔ ga bam aa! Me egwɨm lɛɛ tɨʼ ó, yi liʼ ba ma jɔʼ. Taare é jɔʼ yi, yé ekʉ ka liʼ mɨmbɛa mɨ bʉr ó njɨ myé tiʼa mpʉ sa lɛɛ ó, myé ó bɨzihle.

1 Korɛnt 10:11

Bé a bɔma e bɨsyɛɛla byaa ó, dweʼle yɔɔ, yé nkʉʼ bal bʉr, bʉʉ bʉr ze tile é lʉ wɔɔ é Kalara Zyɛm ó, bɨna liʼɨ ga lé epahle tɨ, ndwe le edweʼe sa bɨna mu lé ebee ga é l'esie e mbi jɔʼ yiʼ ɨ.

2 Korɛnt 10:4

ebe, mokʉa mo dɔm ga mɨna, mé abe mɨfwana e nkul lé eduho é ma mʉr ɨ. Nkul ndɨ é mokʉa mo dɔm ga mɨna ɛ, nye eduho ó boo Zyɛm. Nkul waa ó lé esa ó, bɨna buʼa ga bɨpɨpɨm bɨ dɔm.

Éfɛsɔs 5:8

Molu pihe, bɨn bé a be-be ó é l'edurʉ. No ó, banana, bɨn mu ó é myɛn, duho é zyɛŋa win boo Da Yesʉs. No ó, kœʼœ ga ebò e cyen ndɨ ejala e bʉr o ndɨ é myɛn ɨ.

Ebrœ̂ 10:25

Mʉr aliʼe ga obɨɔ ga bɨna é jɔʼ bé lé egwɨhla lé edwe Zyɛm kum ɨ. Bʉʉ bʉr bɛɛ, bé mu ó lé esa no. Laa ó, bɨn saʼ no, fuo gba ga bʉʉ obɨɔ nkul é monyʉl. Saʼ ga no é buobuo, ebe, dobo Da Yesʉs óbula ze e, lé mu ó lé ekunbo, é mpʉ bɨna mu lé ebee ga ɛ.

Ebrœ̂ 12:1

É paʼ ga wina, bɨna ga bé ó é sama bʉr baa tʉŋlʉ. Bé ebʉmra bɨna ga é nka, lé eboʼlo lɔɔ Zyɛm. Mpʉ bɨna ga ndɨ no e, gʉa ó, bɨna bé ejala le eliʼe ga mɨmbeʼ modile mimyɛh pihe, ndwe e mɨsyem ndɨ ejɨ kwable bɨna ga ɛ, mimyɛh. Bɨna dihba ga lé esa jwɨʼla mɨkam mokʉ, to pyal é njɨ Zyɛm a tulo e.

Jacques 5:8

Dihba ga. Tʉmɨ ga monyʉl, ebe, dobo Da Yesʉs óbula ze e, lé mu ó kunokuno le epyal.

1 Pyɛr 4:7

Efuʼla e bɨsa bibyɛh, lé mu ó kunokuno le epyal. Ebe no, pahla ga mɨlɔb mpʉ mɨpɨpɨʼ. Mɛrɨ ga mɨleme é l'efu ó, bɨn nkʉʼ gʉa sa mɨnjwɨʼla.

2 Pyɛr 3:9

Da, nye ábɛa le epɛʼ nʉm we é bɛn. Nkʉ bʉʉ bʉr, bé ebee ó, nye edira monkɛʼ me jɔʼ yiyɛh e l'encyoo, é we paʼ, nye sɔʼɔ ó, é buo bihbe e bɨn, ebe, nye agwɨm ó, nuu mʉr dimɨ é nkɔb bʉr. Gwɨma leme we, yé ó, bʉr bɨbɛh gwɨma mobebe mɔɔ, le edwir mɨleme.

2 Pyɛr 3:11

É mpʉ yé ndɨ ó, bɨsa biʼ bibyɛh, byé ódim no e, dɨʼe pahle ga! Wáa mbi ebò e cyen bɨn lé ejala le ekœʼ œ? Ebò e cyen laa, lé ó laa ndɨ ejala e mɨsaŋ mɨ bʉr ɨ, bé e bʉr o ndɨ edwaabe Zyɛm ɨ.

1 Yʉanes 2:18

Bwan bam aa! Esie e mbi jɔʼ yi, lé mu ó kunokuno le epyal. Bɨn bé a si bɛa joʼo ó: «Mʉr dɔm mo Krɨst, nye ekʉ jala le etaare ze.» No ó, banana, bʉr o dɔm mo Krɨst, bé mu ó si buo! Ebe no ó bɨna mu lé egʉa ga ó, yi pyal é l'esie e mbi jɔʼ yiʼ ɨ.