Rôm 12:8 - Kálara Zyɛ̌m Edwán é mpʉ̌n

⁸ Yé be ó, nye a nol go ó, bɨntɔɔ é l'efu le egba bʉr nkul é monyʉl nɛʼɛ, gbaʼ be nkul waa. Yé be ó, nye a nol go ó, bɨntɔɔ bɨ ekab baanteʼenteʼe mobi nɛʼɛ, kabɨ be ma é ntuʼ-ntu-ntuʼ. Yé be ó, nye a nol go ó, bɨntɔɔ bɨ ejwɨʼ bʉr nɛʼɛ, gbaʼ nyʉl lé ekœʼ e be mbɨmbɨa. Yé be ó, nye a nol go ó, bɨntɔɔ bɨ elɛʼle bʉr nkʉnkoo nɛʼɛ, lɛʼla be nkʉnkoo yo e bɨsʉhʉ.

Kálar Nzyɛ̌m : Ejwán é Sáá

⁸ Yé bé nye á dwe gua ó, metwɨ́ɨ́ me dí egbâ bʉ̂r nkul ɨ́ miléme má nó, gbáʼ bé nkul nyaá. Yé bé nye á si dwe gua nkul ekab báántéʼenteʼe o bʉ̂r mebi nó, dwéʼ bé mǎ e lémé gô wɨ́wɛ̂h. Yé bé nye á tyêl gua ó, ɨ́ dǐ tyɛ̂b esôʼ nó, léme díʼee go ɨ́ báná báná ó, go séaa syɛ́ɛ́ yaá mbɨ̂mbɨá. Yé bé nye á dwe gua ó, ndwéá écwɨ́a e bʉ́ʉ́ bʉ̂r nó, lɛ́ʼláá bé mpam nyaá e bisʉhʉʉ.

Rôm 12:8 ပူးပေါင်းရင်းမြစ်များ

2 Korɛnt 9:7

Yé ejala ó, mʉr nyiwɛh dweʼ Zyɛm mɨndwɛa lé edu tiʼa nye a bɛa nʉa ɛ. Adwe ga nye mɨndwɛa bɨn bé óliʼ lé egwɨma pie tɨʼ ɨ, nkʉ ebe tina. Dweʼ ga mɨndwɛa min e bɨsʉhʉ, ebe, mʉr Zyɛm lé ekpɛl ɨ, nye ó waa lé edwe mɨndwɛa mye e bɨsʉhʉ ɨ.

1 Timotɛ 5:17

Ocyɛb be efoʼ ndɨ ekœʼ e mbɛr Zyɛm mbɨmbɨa ɛ, bé ejala le ebi myɛna moba, kʉ bul be baa lé elɛɛ bʉr lɔɔ Zyɛm, le eyeʼle be e.

1 Korɛnt 12:28

No ó, Zyɛm a cyel bʉr é Mbɛr-Zyɛm ó, é mbi wi: é cye efoʼ, mɨlʉmlʉ; é cye mba, ogwiha o mɨlɔb; é cye lɛl, oyeʼle o mɨlɔb mo Zyɛm. Pie tɨ, nye a si cyel osyɛl o mosima be e bʉr nye a nol bɨntɔɔ bɨ ejomo bʉr ɨ, ndwe e baa nye a nol bɨntɔɔ bɨ efuʼo mɨnjyebnjyeb ɨ, kɛl baa nye a nol bɨntɔɔ bɨ ejwɨʼ bʉr o mbɛr Zyɛm ɨ, bé e baa nye a nol bɨntɔɔ bɨ elwib bɨlɔblɔb ɨ.

Ebrœ̂ 13:17

Saʼ ga ocyɛb be efoʼ bɨn mojoʼo. Filɨ ga monyʉl si e be, ebe, bɛɛ ó ndɨ edwiile mɨsisim min. Bé ó ngo to lɛɛ Zyɛm mpʉ bɨn bé a kœʼ ebò e cyen ɨ. ǃBɨn si sa be mojoʼo nɛʼɛ, bé ósea syɛɛ yɔɔ e bɨsʉhʉ. Yé baabe no nɛʼɛ, bé ójoʼo mompime. Syɛɛla yaa, abe bɨn e nyɔm.

Mɨlʉmlʉ 15:32

Yʉda bé e Silas, bé a be nteme ó ogwiha o mɨlɔb. Bé a si bul lwib e l'obɨɔ bɨna baa, le etɨe be, le egba be nkul é monyʉl.

Mɨlʉmlʉ 13:15

É jɔʼ ojwɨɨ o mpah mɨnjwɨʼla waa, bé a láa motie mo Moyiz ndwe e sikʉlʉ ogwiha o mɨlɔb bé a dwe e, bé ze jebe be, ze lɛɔ e be ó: «Obɨɔ ga! Yé be ó, nuu mʉr é sama yin, nye e mokan mo egba bɨh nkul é monyʉl nɛʼɛ, nye óbɛm lɛɛ bɨh ma é banana.»

Ebrœ̂ 13:24

Soha ga ocyɛb be efoʼ o Mbɛr-Zyɛm ndwe e mɨsaŋ mɨ bʉr mimyɛh. Obuʼla o lal Italia, bé esoho bɨn.

Ebrœ̂ 13:22

Obɨɔ ga bam aa! Me etile bɨn ó, me gbaʼ bɨn nkul é monyʉl. Me etile ó, bwa mokan abuo. No ó, me ejwɨʼla e bɨn ó, bɨn dihba mokan maa lé ejoʼo!

Ebrœ̂ 13:7

Toŋla ga ocyɛb be efoʼ bɨn, baa b'a lɛɛ-lɛɛ bɨn lɔɔ Zyɛm ɨ. Toŋla ga ebò e cyen bé a kœʼ œ, e ndumlo bɨtiʼ byɔɔ. Jyɛʼɛ ga taa buʼo yin boo Zyɛm mpʉ bé a sa ɛ.

Ebrœ̂ 10:25

Mʉr aliʼe ga obɨɔ ga bɨna é jɔʼ bé lé egwɨhla lé edwe Zyɛm kum ɨ. Bʉʉ bʉr bɛɛ, bé mu ó lé esa no. Laa ó, bɨn saʼ no, fuo gba ga bʉʉ obɨɔ nkul é monyʉl. Saʼ ga no é buobuo, ebe, dobo Da Yesʉs óbula ze e, lé mu ó lé ekunbo, é mpʉ bɨna mu lé ebee ga ɛ.

2 Korɛnt 8:12

Ebe, ǃbɨn si dwe Zyɛm yʉʉ sɔʼɔ e mpaŋ gwɨma nɛʼɛ, Zyɛm óbee ndwɛa waa mbɨmbɨa, lé ejwɨʼ e mobi bɨn ndɨ e me e. Nye aŋa jwɨʼ we e sa bɨn ndɨ abe e ye e.

1 Korɛnt 14:3

To kœb ó, waa ndɨ egwih mɨfela mɨlɔb ɨ, nye elwib e bʉr o bé e boo nɔɔ ndɨ ɨ. Nye ó e nyɔm, ebe, nye egba be nkul é monyʉl le edwaŋle be mɨleme.

Mɨlʉmlʉ 20:28

Diʼe ga ncye, taare é bɨn bʉr o tɨ, ndwe e Mbɛr-Zyɛm. Mbɨambɨa Sisim a si cyel bɨn é dia obɔʼlʉ é Mbɛr-Zyɛm tʉŋlʉ. No ó, kobla ga daa e bɨntœme, bʉr Zyɛm a siila motié me e be e.

Mɨlʉmlʉ 20:2

No ó, jɔʼ nye a laa gumo yaa ɛ, nye a be ó lé egba ompʉn nkul é monyʉl. Pie tɨ, nye ka ze to é lal Grɛs.

1 Timotɛ 4:13

To pyal é jɔʼ me óze gʉʼ go ye e, gbaʼ nyʉl lé eláa Kalara Zyɛm é pono, ndwe le egba bʉr nkul é monyʉl ndwe le eyeʼle be.

1 Tesalonika 2:8

Bɨh bé a be ó si bul kpɛl bɨn. Ebe no ó bɨh bé a lɛɛ bɨn njɨ Mbɨambɨa Lɔɔ ndɨ eduho boo Zyɛm ɨ, wé ome e. Bɨh bé a kʉ gwɨm ó, bɨn dira mɨnyɔm e bɨh nteme. Bɨh bé a be é bul bam e bɨn é mɨleme.

1 Tesalonika 2:3

É jɔʼ bɨh bé a baŋle bɨn ɨ, bɨh bé abe asyɛŋ mpaŋla waa e bɨgwìh, nkʉ e sa lé elœʼ mʉr é mih mo Zyɛm ɨ, nkʉ lé ecwɨɨ é mozi bɨkʉʉŋʉ.

Kolosi 3:22

Bɨn molʉa, bɨn bé ejala le esa ojwɨʼa bɨn, baa ndɨ bʉr o si nwaʼ ɛ, mojoʼo é nko paʼ wiwɛh. Asa ga be mojoʼo njɨ é jɔʼ bé lé edwɛʼ bɨn ɨ. Mbi syɛɛla nɨ, yé ekʉ lɛʼle ó, bɨn bé ekolo be ó kola. Bɨn bʉr o ndɨ edwaabe Da Yesʉs ɨ, saʼ ga be mojoʼo ndɨ eduho bɨn é mɨmo si ɨ.

Éfɛsɔs 6:5

Molʉa ɛɛ! Bɨn bé ejala le esa ojwɨʼa bɨn, baa ndɨ bʉr o si nwaʼ ɛ, mojoʼo. Sea ga be syɛɛ e bʉa e mosaʼ, ndwe le egba monyʉl mɨn. Sea ga be e mpaŋ mojoʼo, mpʉ sa lɛɛ ó, bɨn bé esea ó Krɨst syɛɛ.

2 Korɛnt 11:3

Me ejoʼo bʉa. Me ekpɛɛ ó, bɨn bé amu jaa gomlo bɨbɛh é bebebebe zi ebe bɨkʉʉŋʉ. Bɨn bé amu dwibra e Krɨst jɔʼ gwar é dwirɨ, jwɨʼ gwar e gwar e mpʉ nyʉa a kʉa Efa, nye ntɔʼ bil é bɨkʉʉŋʉ ɨ. Bɨn bé amu jaa gwaʼ lé edwiibɨ Krɨst ntinɨ e ntinɨ.

2 Korɛnt 9:13

Syɛɛ bɨn lé esea ɛ, yé ó bwaʼbwaʼ dweʼle, sa lé elɛʼle bʉr ó, bɨn bé ó obuʼla ɛ. Taare é jɔʼ bɨn bé a mɛʼle Mbɨambɨa Lɔɔ mo Krɨst ɨ, ze pyal é muh é dobo lɨ, bɨn bɨ fil monyʉl si, lé esa Zyɛm mojoʼo. Ebe no ó bʉr, bé ódwe Zyɛm kum ɨ, é jɔʼ bé óbee mpʉ bɨn lé egul be e mobi mɨn, kumo e bʉr bɨbɛh ɛ.

2 Korɛnt 9:11

É jɔʼ yaa ó bɨn bé ódi obil o bɨsa é mozi mɨmɛh é l'efu ó, bɨn diʼe odwɛna é l'efu e bʉʉ bʉr ɨ. É mbi ndɨ ó, bʉr é buobuo, bé ódwe Zyɛm ekiba, duho é mɨndwɛa min, bɨh bé óto ntɛŋ be e.

2 Korɛnt 1:12

Sa bɨh lé edoʼo e ye e, yé ó yi: mɨpɛhla mɨleme mih, myé eboʼlo ó, bɨh bé ekœʼ ebò e cyen egwar é mih mo bʉr bɨbɛh, ndwe é maa mɨn, ebò e cyen ndɨ ti é mih mo Zyɛm, laa ndɨ eduho bɨh é mɨmo si ɨ. Bɨh bé a baakœʼ le lé edu ocyoo o bʉr o si nwa. Bɨh bé a kœʼ ebò e cyen laa ó, lé edu bim ncwɨncwɨa Zyɛm a lɛʼle bɨh ɨ.

Rôm 13:6

Ebe no nteme ó bɨn lé ejɛna tœa ɛ, ebe, Zyɛm a si cyel ojwɨɨ é bɨdia byɔɔ é l'efu ó, bé saʼ syɛɛ yaa é dwiii.

Rôm 12:13

Dweʼ ga mɨsaŋ mɨ bʉr mo Zyɛm bɨsa lé esa be sɔɔlʉ ɨ. Dɨʼe bɨlan ga e l'ojyoo lé epyal bɨn ye e.

Mataos 25:40

«No ó, njwɨɨbʉr, wé óka bɨha e be ó: “Me elɛɛ bɨn cyecye ó nɛɛ: gumo bɨn bé a sa mʉr ngwar é sama obɨɔ bam baʼ no e, dam be ó, waa ndɨ agbaŋɔ é nkɔb ɨ, gumo yaa, bɨn bé a sa nteme ó me.”

Mɨlʉmlʉ 13:12

É jɔʼ ngoman a bee syɛɛla yaa ɛ, nye ntɔʼ jyɛʼ taa buʼo ye boo Da Yesʉs, ebe, nye a si jehe sikʉlʉ yé a tiibe e nye e.

Mɨlʉmlʉ 4:36

Nuu mʉr a sa no e, a be die ó Yoseb, mʉr eveh mo Levi, waa a byɛl Siprʉs ɨ. Mɨlʉmlʉ, myé a ka jwɨr nye lʉʉ die ó, Barnabas. (No yé edwirɔ ó: «Mʉr lé egba bʉr nkul é monyʉl ɨ».)

Mɨlʉmlʉ 11:23

É jɔʼ nye a pyal gʉʼ ɨ, nye a ka bee mpʉ Zyɛm a bul cwɨa e l'ompʉn ɨ. Nye ntɔʼ soho, ze tɨe be ó, bé diʼe twii é zyɛŋa wɔɔ boo Da Yesʉs.

1 Timotɛ 6:18

Lɛŋɨ be ó, bé saʼ embɨa. Okum wɔɔ, wé diʼe é nko paʼ mɨmpaŋ bɨsyɛɛla bé lé esa ɛ. Mɨleme, myé diʼe be é ntɨɨɨŋ ó, bé cwɨa e bʉr, lé eto gul be é zi mobi mɔɔ.