Rôm 12:7 - Kálara Zyɛ̌m Edwán é mpʉ̌n

⁷ Yé be ó, Zyɛm a nol go ó, bɨntɔɔ bɨ egul bʉr nɛʼɛ, sea be syɛɛ yaa, to dolo. Yé be ó, nye a nol go ó, bɨntɔɔ bɨ eyeʼle bʉr nɛʼɛ, yeʼla be.

Kálar Nzyɛ̌m : Ejwán é Sáá

⁷ Yé bé Nzyɛ̌m á dwe go ó, ndwéá ékɛm bʉ̂r nó, séáá syɛ́ɛ́ yaá. Yé bé nye á dwe gua ó, ndwéá édwe bʉ̂r milɛ́ʼlá nó, lɛ́ʼláá bê.

Rôm 12:7 ပူးပေါင်းရင်းမြစ်များ

Éfɛsɔs 4:11

Nye ó b'a dwe bʉr mɨndwɛa mɨmbi mɨmbi. Nye a sa ó, baʼ bʉr, bé diʼe mɨlʉmlʉ; baʼ, ogwiha o mɨlɔb; bʉʉ, olɛa o Mbɨambɨa Lɔɔ; bʉʉ bʉr nteme, okobla o mɨmbɛr mɨ Zyɛm; bʉʉ, oyeʼle o mɨlɔb mo Zyɛm.

1 Timotɛ 5:17

Ocyɛb be efoʼ ndɨ ekœʼ e mbɛr Zyɛm mbɨmbɨa ɛ, bé ejala le ebi myɛna moba, kʉ bul be baa lé elɛɛ bʉr lɔɔ Zyɛm, le eyeʼle be e.

Mɨlʉmlʉ 13:1

É mbɛr Zyɛm ndɨ Antios ɨ, yé a be nteme ó e l'ogwiha o mɨlɔb ndwe e l'oyeʼle. Bé a be ó Barnabas bé e Simeɔn, ndɨ ejebɔ Dwin ɨ, ndwe e Lʉsiʉs, mʉr Sirɛn, ndwe e Manaɛn. (Nye a be ó mʉr nduo mo njwɨɨbʉr Erod.) Tɨʼ yé a be nteme ó, ndwe e Sol.

2 Timotɛ 2:24

To kœb ó, yé ajala ó, syɛl mosa mo Zyɛm gœa. Nye ejala le edi é zɔhba-zɔhba é nko paʼ bʉr bɨbɛh, le edwe bʉr mɨmpaŋ mɨyeʼla, le egʉa edihbe nteme ebebe.

2 Timotɛ 2:2

Sikʉlʉ yiyɛh go a joʼo me lé edwe, yaa buobuo oboʼla bé a joʼo e, pɛhɛ bʉr be ebuʼla. Go à dwe be ya. Bɛɛ bé ófuʼla to le edwe bʉʉ bʉr sikʉlʉ gwar yaa.

1 Timotɛ 4:16

Gʉa dwɛʼ go mʉr tɨʼ ndwe e mbi sikʉlʉ go lé eto le edwe bʉr ɨ. Dɨʼe sa zyee lé edu mɨlɔb mɨnɨ. ǃGo si sa no nɛʼɛ, go ótiʼ go mʉr tɨ, tiʼ nteme baa lé ejoʼlo go e.

1 Timotɛ 3:2

Ebe no, yé ejala ó, nye diʼe mʉr bé ndɨ abe e nkul etɛɛ ɛ. Yé ejala ó, nye diʼe njɨ e mʉma ngwar. Yé ajala ó, mbɔʼlʉ mbɛr Zyɛm, nye fwaʼa monwoʼ. Nye kœʼœ ebò e cyen é mpaŋ pɨʼ. Nye diʼe mʉr ndɨ e modile e. Nye diʼe mʉr lé ebɨlan e l'ojyoo, waa lé egʉa dwe bʉr sikʉlʉ ɨ,

1 Timotɛ 2:7

Zyɛm ze cyel me é bɨdia bɨba: yaa cyela mɨtuno, ndwe e yaa lʉmlʉ we—me ekʉ lɛɛ ó ocyecye; me alɛɛ mpʉl—, me ó yeʼle mɨlɔb mo Zyɛm é l'efu e bʉr o ndɨ abe oYʉden ɨ, lé elɛʼle be é zi buʼo ga yina le ocyecye mo Zyɛm.

Kolosi 4:17

Lɛŋɨ ga nteme e Arkipɔs ó: «Gbaʼ nyʉl é syɛɛ Da Yesʉs a lɛɛ ó, go sea ɛ. Go à loŋla ye.»

Galásia 6:6

Mʉr lé ejwɨʼ mɨlɔb mo Zyɛm ɨ, nye kaba bɨsa bɨ embɨa bye, dwe mʉr lé eyeʼle nye mya ɛ.

1 Korɛnt 12:28

No ó, Zyɛm a cyel bʉr é Mbɛr-Zyɛm ó, é mbi wi: é cye efoʼ, mɨlʉmlʉ; é cye mba, ogwiha o mɨlɔb; é cye lɛl, oyeʼle o mɨlɔb mo Zyɛm. Pie tɨ, nye a si cyel osyɛl o mosima be e bʉr nye a nol bɨntɔɔ bɨ ejomo bʉr ɨ, ndwe e baa nye a nol bɨntɔɔ bɨ efuʼo mɨnjyebnjyeb ɨ, kɛl baa nye a nol bɨntɔɔ bɨ ejwɨʼ bʉr o mbɛr Zyɛm ɨ, bé e baa nye a nol bɨntɔɔ bɨ elwib bɨlɔblɔb ɨ.

Mɨlʉmlʉ 20:28

Diʼe ga ncye, taare é bɨn bʉr o tɨ, ndwe e Mbɛr-Zyɛm. Mbɨambɨa Sisim a si cyel bɨn é dia obɔʼlʉ é Mbɛr-Zyɛm tʉŋlʉ. No ó, kobla ga daa e bɨntœme, bʉr Zyɛm a siila motié me e be e.

Mɨlʉmlʉ 20:20

Bɨn bé egʉa ó, me a baaliʼa lé eyeʼle bɨn é mɨlɔb mimyɛh myé a be e nkul ebe bɨn e nyɔm ɨ. Me a yeʼle-yeʼle bɨn ó, é bɨgumo bʉr lé esyɛŋa-syɛŋa ɛ, ndwe e mɨmbɛr e mɨmbɛr myɛh.

Mɨlʉmlʉ 6:1

É molu maa, mpʉ ompʉn mo Yesʉs, bé a be, bé mu si bul buo e, oYʉden bé a be lé edu egʉa esa ndwe e motum mo bʉr o Grɛs ɨ, bé ze taare lé etooro oYʉden bé a be lé edu njɨ egʉa esa ndwe e motum mo bʉr o b'Ebrœ œ. Bé a lɛɛ-lɛɛ ó, bɨha, bé a be ó lé elɨha-lɨha mɨkuho myɔɔ é nkɔb mode.

Yʉanes 3:2

Nye a si ze pyal boo Yesʉs é pum. Nye e nye ó: «Yeʼle, bɨh bé egʉa ó, go ó yeʼle Zyɛm a ntɨh, lé eze yeʼle bɨh ɨ, ebe, nkʉ Zyɛm, nye abe e mʉr, mʉr waa, nye abe e nkul esa bɨdweʼle bɨ nkul mbi go lé esa ɛ.»

Mataos 28:19

Ebe no, toʼ ga é si nwaʼ nyiwɛh. Bɨn bé à sa bɨkul bibyɛh ompʉn bam. Bɨn bé òdù be é die mo Sɔŋ e Mwan ndwe e Mbɨambɨa Sisim.

1 Korɛnt 12:5

Yé é buo mɨmbi bɨsyɛɛ bɨna lé esea ga ɛ. Sa gwar, bɨna bé esea ga bɨsyɛɛ byaa ó, é l'efu e Njwɨɨ ngwar.

1 Korɛnt 14:26

Obɨɔ ga bam aa! Yé be no nɛʼɛ, bɨna kaʼ sa ga yé? É jɔʼ bɨn lé egwɨhla-gwɨhla é fula ɛ, nwaʼ mʉr, nye e jɛɛ nye ójɛɛ ɛ. Nuu, e sikʉlʉ nye ódwe e. Nuu, nye ógwih guu fela sɔʼɔ. Nuu, nye e lɔɔ elɛɛ é lwib bɨlɔblɔb. Nuu, nye egʉa edwir lwib bɨlɔblɔb yaa. Yé ejala ó, syɛɛla yaa yiyɛh gbaʼ mɨmbɛr mɨ Zyɛm nkul é monyʉl.