Rôm 12:6 - Kálara Zyɛ̌m Edwán é mpʉ̌n

⁶ Zyɛm a nol bɨna ga bɨntɔɔ ó, mɨmbi mɨmbi. Mʉr nyiwɛh jala le esea e Zyɛm syɛɛ ó, du we mbi bɨntɔɔ Zyɛm lé enol nye e. Yé be ó, nye a si nol gwɔɔ bɨntɔɔ bɨ egwih mɨlɔb mye nɛʼɛ, toʼ dolo lé egwih mye é zi buʼo.

Kálar Nzyɛ̌m : Ejwán é Sáá

⁶ Nzyɛ̌m á dwe mɨná gá mindwéá ó, mimbi mimbi. Mpʉ nyé á kpɛl edwe mɨná gá mindwéá myaá yɨ́, nó ó, mʉ̂r nyɨnyɛ̂h jálá le eséǎ Nzyɛ̌m syɛ́ɛ́ yɨ́. Yé bé nye á si dwe go ndwéá égwîh mílɔ̌b myé nó, tóʼ le egwîh myé dóló ɨ́ nzɨ̌ búʼó.

Rôm 12:6 ပူးပေါင်းရင်းမြစ်များ

1 Korɛnt 7:7

Me mʉr tɨ, me egwɨm ó, mpa bʉr bɨbɛh, bé ó mpʉ me. Sa gwar, mʉr nyiwɛh, nye e bye bɨntɔɔ Zyɛm a nol nye e. Nwaʼ mʉr e bye; nuu, e bye.

Rôm 12:3

Zyɛm a si lɛʼle me ncwɨncwɨa we. É zi ncwɨncwɨa we waa ó me lé elɛɛ e mʉr nyiwɛh ndɨ é l'esama lɨn ó: mʉr beʼ l'abul láa nye mʉr tɨ. Nye seʼla nye mʉr tɨ, antaa njɨ. Mʉr nyiwɛh, nye pahla nye mʉr tɨ, nye nkʉʼ gʉa mbi mʉr nye ndɨ ɨ, lé edu mbi buʼo Zyɛm a gba nye é leme e.

Rôm 1:11

ebe, me ejoʼo dweh ebee bɨn é l'efu le eliʼe bɨn e byʉʉ bɨntɔɔ Mbɨambɨa Sisim lé enol bɨna ga ɛ, ó bɨn nʉŋa pim é buʼo.

1 Korɛnt 13:2

Me óbɛm nolɔ bɨntɔɔ bɨ egwih mɨlɔb myé ósyɛɛlɨ ɨ, le byaa bɨ epɛʼle lwib odim yiyɛh, le byaa bɨ egʉa sa yiyɛh. Me óbɛm be e buʼo é mbi ndɨ ó, me pɛʼɛ mocwɨʼ é bɨcye byɔɔ ɛ. Sa gwar, ǃme baabe e kpɛl nɛʼɛ, gʉa ó, me abe sɔʼɔ.

Éfɛsɔs 4:11

Nye ó b'a dwe bʉr mɨndwɛa mɨmbi mɨmbi. Nye a sa ó, baʼ bʉr, bé diʼe mɨlʉmlʉ; baʼ, ogwiha o mɨlɔb; bʉʉ, olɛa o Mbɨambɨa Lɔɔ; bʉʉ bʉr nteme, okobla o mɨmbɛr mɨ Zyɛm; bʉʉ, oyeʼle o mɨlɔb mo Zyɛm.

1 Korɛnt 14:1

Saŋa ga zi ekpɛla. Gwɨmɨ ga bɨntɔɔ Zyɛm lé ebɛa nol bwan be e, kʉ bul be é l'efu ó, bɨn gwihɨ mɨlɔb mye.

2 Korɛnt 8:12

Ebe, ǃbɨn si dwe Zyɛm yʉʉ sɔʼɔ e mpaŋ gwɨma nɛʼɛ, Zyɛm óbee ndwɛa waa mbɨmbɨa, lé ejwɨʼ e mobi bɨn ndɨ e me e. Nye aŋa jwɨʼ we e sa bɨn ndɨ abe e ye e.

1 Tesalonika 5:20

Alɨha ga mɨlɛa mɨ ogwiha o mɨlɔb.

1 Korɛnt 14:29

Ogwiha o mɨlɔb, bé lwibɨ oba, nkʉ olɛl. Bʉʉ bʉr ofih bɛɛ, bé òka pahle é l'efu le egʉa mɨlɛa myɔɔ myaa.

Mɨlʉmlʉ 15:32

Yʉda bé e Silas, bé a be nteme ó ogwiha o mɨlɔb. Bé a si bul lwib e l'obɨɔ bɨna baa, le etɨe be, le egba be nkul é monyʉl.

Mɨlʉmlʉ 2:17

“Zyɛm a lɛɛ ó: ‘É molu mé ófuʼla ɛ, me ólomlo bʉr bɨbɛh Mbɨambɨa Sisim. Nye óbe ó, é be. Bwa o bʉba le bwa o bʉrʉm bɨn, bé ógwih mɨlɔb myam. Mɨsoho min, myé óbee mɨfela bɨsɔʼɔ. Mɨnjʉ̌m min, myé ójɨm bɨlima.

Filipi 3:15

Bʉr o ndɨ e pɨʼ otamabʉr ɨ, bé ejala le edi e mbi mbea nɨ. Yé be ó, bɨn bé ejala le ebee yʉʉ sɔʼɔ é guu mbi mbea nɛʼɛ, Zyɛm nteme ólɛʼle bɨn sa yaa.

Éfɛsɔs 3:5

Molu pihe, buobuo mɨmya mɨ bʉr, bé a baagʉa pɛʼle lwib odim yaa. No ó, banana, Zyɛm, nyi ka gwih ye é zi Sisim we. Nye a ka gwih lwib odim ye ó, lé etaare lɛʼle mɨsaŋ mɨlʉmlʉ mo Yesʉs-Krɨst bé e l'ogwiha o mɨlɔb.

Mɨlʉmlʉ 13:1

É mbɛr Zyɛm ndɨ Antios ɨ, yé a be nteme ó e l'ogwiha o mɨlɔb ndwe e l'oyeʼle. Bé a be ó Barnabas bé e Simeɔn, ndɨ ejebɔ Dwin ɨ, ndwe e Lʉsiʉs, mʉr Sirɛn, ndwe e Manaɛn. (Nye a be ó mʉr nduo mo njwɨɨbʉr Erod.) Tɨʼ yé a be nteme ó, ndwe e Sol.

Lʉkas 11:49

Ebe no ó Zyɛm lé elɛɛ é l'ocyoo we ó: “Me ólomlo be ogwiha o mɨlɔb ndwe e mɨlʉmlʉ myam. Baʼ bʉr, bɨn bé ójʉ jʉʼo. Bʉʉ, bé ótíile.”

Mataos 23:34

Ebe no ó, mbe ga! Me ólomlo bɨn ogwiha o mɨlɔb bé e mɨpɨpɨʼ mɨ bʉr ndwe e l'oyeʼle o motie e. Baʼ bʉr, bɨn bé ójʉ jʉʼo. Bʉʉ, bɨn bé ócyèl é bɨklos kʉ. Bʉʉ nteme, bɨn bé ófuura be mɨmbihe é mompah mɨnjwɨʼla mɨn. Bɨn bé ótíile be, le edwih be é yiʼ nkana, le eto pɛʼ be é yʉʉ.

1 Korɛnt 14:24

To kœb ó, ǃbɨn bɨbɛh si be lé egwih-gwih mɨlɔb mo Zyɛm nɛʼɛ, bʉr o ndɨ abuʼla ɛ, nkʉ mɨnjeʼe-Zyɛm, si ni wa, bé ójoʼo bɨn lé egwih mɨlɔb myɔɔ mimyɛh é kpɛŋlɛm. Bé òmɛʼle ó, bé ó osyɛl o mɨsyem. Bɨn bé ólwib mɨlɔb myɔɔ.

Mɨlʉmlʉ 21:9

Nye a be ó e mɨndu mosehe mɨnâ. Mimyɛh, myé a be-be ó lé egwih bʉr mɨlɔb mo Zyɛm.

1 Korɛnt 3:5

Zé nyɛɛ ndɨ Apolos? Zé ndɨ Pol? Bɨh bé ó ofuʼa bɨn, bʉr o b'a be bɨn e nyɔm ó, bɨn jyɛʼɛ taa buʼo yin boo Krɨst ɨ. Mʉr nyiwɛh, nye esa ó, syɛɛ-Zyɛm Da Yesʉs a lomo nye ó, nye saʼ ɛ.

1 Korɛnt 12:18

É l'ocyecye, Zyɛm a gba bɨfum bɨ nyʉl bibyɛh é nyʉl ó, mpʉ nye a kpɛl ɨ.

2 Pyɛr 1:20

Gʉŋa ga sɨʼ yi: yé abe e mʉr a gwih sa ndɨ tila é Kalara Zyɛm ebe gwɨma ye anta nye.

Mataos 25:22

«Waa a dweŋɔ mɨmpɨʼ mɨ gol mɨmba ɛ, ze dihle nteme. Nye e nye ó: “Da, go a timle me ó, mɨmpɨʼ mɨ gol mɨmba. No ó, paʼ bee: mɨ bâʼle bi myʉʉ mɨmba e tɨ!”