Rôm 12:5 - Kálara Zyɛ̌m Edwán é mpʉ̌n

⁵ Jwɨʼ gwar e gwar yaa nteme ó bɨna ndɨ ga é buo e. Sa gwar, bɨna ga bé ó nyʉl ngwar é zyɛŋa ga wina boo Krɨst. Bɨna ga bɨbɛh, bé ó bɨfum bɨ nyʉl we, byaa ndɨ mɨnɛra e nyʉl ngwar ɨ.

Kálar Nzyɛ̌m : Ejwán é Sáá

⁵ Jwɨʼ gwár yaá ntémé ó, mɨ́ná dí gá ɨ́ buo yɨ́. Sâ gwár, mɨná gá bé ó nyʉ̂l mpwár ɨ́ mpúhlá gá nyɨ́ná e Krîst. Mɨná gá óbɛ̂h, bé ó bitíl bí nyʉ̂l bi dí minɛrá ɨ́ nyʉ̂l mpwár bí.

Rôm 12:5 ပူးပေါင်းရင်းမြစ်များ

1 Korɛnt 12:20

Bɨfum bɨ nyʉl, byé ó é buo, nyʉl nyɛɛ yɛɛ ngwar.

1 Korɛnt 10:17

Bler, yé ó njɨ gwar. Bɨna dam buo ga, bɨna ga bé yɛɛ ó nyʉl ngwar, ebe, bɨna ga bé ó e nkɔb e bler gwar.

Éfɛsɔs 4:25

Daʼ lɛɛ ga mpʉl paʼra win. Mʉr nyiwɛh, nye lɛŋɨ mɨɔ we mʉr njɨ ocyecye, ebe, bɨna ga mu ó bɨfum bɨ nyʉl ngwar.

Kolosi 2:19

Bé aka mɛr Yesʉs-Krɨst é kpɨɨɨ. Nye ó ndɨ lʉ, fum nyʉl lé ekab nkul we é bɨfum bɨ nyʉl bɨfih ɨ. Nye ó ndɨ esyɛŋ bɨfum bɨ nyʉl we, le elɛʼle bye mpʉ byé lé ejala le edira é mobɨl ndwe e mɨsihe e. Nye nteme ó ndɨ esa ó, nyʉl waa toʼ le egwɨe mpʉ Zyɛm lé egwɨm ɨ.

Éfɛsɔs 5:30

Ebe, bɨna ga bɨbɛh, bé ó bɨfum bɨ nyʉl we.

Kolosi 1:24

Banana, me mu ó lé ejoʼo bɨsʉhʉ ebe mɨtuu me lé ejaʼra e mye é l'efu lɨn ɨ. Mɨtuu Yesʉs-Krɨst a bwiʼ ɨ, myé ó me lé efwahle é bɨpuno byam mi. Me ejoʼo mogumba mo tɨʼ ó, é l'efu e nyʉl mo Krɨst, ndɨ Mbɛr-Zyɛm ɨ.

Éfɛsɔs 1:23

Mbɛr-Zyɛm, wé ó nyʉl mo Krɨst. Krɨst nyɛɛ, nye elɛʼle mpwaʼ we ó, njɨ ɨ Mbɛr-Zyɛm. Krɨst ó ndɨ ejwɨʼ mɨcyea bɨsɔʼɔ bibyɛh é mɨpaʼ mimyɛh.

1 Korɛnt 10:33

Saʼ ga mpʉ me. Me egba nyʉl ó, bʉr bɨbɛh, bé kpɛlɨ me é sa yiyɛh me lé esa ɛ. Me asaa nyɔm wam, njɨ waa buobuo bʉr, ó bé biʼe tiʼ molu mo mpoʼ mɨmɛh.

Rôm 12:4

Mʉr, nye ó nyʉl ngwar, nyʉl nyɛɛ e bɨfum bɨ nyʉl é buobuo. Bɨfum bɨ nyʉl bibyɛh, byé abe lé esea syɛɛ gwar.

Éfɛsɔs 5:23

Ebe, mʉrʉm, nye ó lʉ mo myɛl, mpʉ Krɨst ndɨ lʉ Mbɛr-Zyɛm ɨ. Krɨst nye mʉr tɨʼ ó ndɨ Tiʼbʉr é nko paʼ Mbɛr-Zyɛm, ndɨ nyʉl we e.

Yʉanes 17:11

«Me aka be kaʼ é si nwa. Bɛɛ ó dina é nye. Me mu ó lé eze nko go ndɨ ɨ. Sɔŋ wam, go ó ndɨ ti. Baʼla bʉr baa é nkul die lo go a dwe me e. Saʼ ó, bé diʼe sa gwar mpʉ bɨna e go ndɨ sa gwar ɨ.

1 Korɛnt 6:15

Zê bɨn l'apa gʉa ó, monyʉl mɨn, mé ó bɨfum bɨ nyʉl mo Krɨst ɛ? Zê me ónʉa yʉʉ fum nyʉl mo Krɨst, bana to syɛŋ ye e nyʉl mbambama ɛ? Hɨʼɨ, yé abe ba no!

Éfɛsɔs 4:12

Nye esa no ó, é l'efu e mɨsaŋ mɨ bʉr mo Zyɛm, ó myé beʼ bʉr o ndɨ e nkul eloŋlo syɛɛ ye e. Nye elɛʼle be lé esa no ó, é l'efu le egwɨl Mbɛr-Zyɛm, ndɨ nyʉl mo Krɨst ɨ.