Rôm 12:3 - Kálara Zyɛ̌m Edwán é mpʉ̌n

³ Zyɛm a si lɛʼle me ncwɨncwɨa we. É zi ncwɨncwɨa we waa ó me lé elɛɛ e mʉr nyiwɛh ndɨ é l'esama lɨn ó: mʉr beʼ l'abul láa nye mʉr tɨ. Nye seʼla nye mʉr tɨ, antaa njɨ. Mʉr nyiwɛh, nye pahla nye mʉr tɨ, nye nkʉʼ gʉa mbi mʉr nye ndɨ ɨ, lé edu mbi buʼo Zyɛm a gba nye é leme e.

Kálar Nzyɛ̌m : Ejwán é Sáá

³ Nzyɛ̌m á si lɛ̂ʼle me mpam nyé. Ɨ́ mpam nyaá ó mé dí elɛ́ɛ e mʉr nyɨnyɛ̂h dí ɨ́ sɔ́má yɨ́n nyá ó: mʉ̌r sá abuú láa nyé mʉr tɨ̂. Nye sêʼlaa nye mʉr tɨ̂ʼ, antaa sʉ́ŋa. Mʉr nyɨnyɛ̂h, nye pâhlaa nye mʉr tɨ̂, nye nkʉ̂ gʉ́ǎ mbi mʉ̂r nyé dí wɨ́, lɨ́ edû mbǐ búʼó Nzyɛ̌m á gbâ nye ɨ́ léme wɨ́.

Rôm 12:3 ပူးပေါင်းရင်းမြစ်များ

Galásia 6:3

Ebe, yé be ó, nuu mʉr, nye enʉa nye mʉr tɨʼ mpʉ mʉr nɨnɨ, nye l'abe nye nɛʼɛ, lɛɛ ó, mʉr waa, nyi gʉmla é bebebebe zi, ntɔʼ dim.

1 Pyɛr 5:5

Bɨn mɨsoho, yé ejala ó, bɨn filɨ monyʉl si é mih mo otamabʉr. Bɨn bɨbɛh, filɨ ga monyʉl si paʼra win, ebe, yé ó tila ó: «Zyɛm, nye esa bʉr o ndɨ enkɛɛ monyʉl mɔɔ ɛ, mongan. Baa ndɨ efil monyʉl si ɨ, bɛɛ ó ndɨ esʉŋɔ mocyɛʼ mo mpom.»

Rôm 12:16

Diʼe ga twii paʼra win. Ankɛɛ ga monyʉl; mɛʼla ga ó, bɨn sea mbi syɛɛ wiwɛh, yé dam be mbi ma syɛɛ bʉr ndɨ epyeh e. Atoŋlo ga ó, bɨn e bɨn ó ndɨ mɨcɨcyoo.

1 Pyɛr 5:8

Mɛrɨ ga mɨleme. Diʼe ga nkehe. Mʉr lé epur bɨn ɨ, Njwɨɨ moleme, nye elie bɨn é mɨpaʼ mimyɛh é nka-nka-nka, mpʉ ngbampwɨɨ lé emuulo le esaa mʉr nye deʼ.

1 Pyɛr 4:7

Efuʼla e bɨsa bibyɛh, lé mu ó kunokuno le epyal. Ebe no, pahla ga mɨlɔb mpʉ mɨpɨpɨʼ. Mɛrɨ ga mɨleme é l'efu ó, bɨn nkʉʼ gʉa sa mɨnjwɨʼla.

Jacques 4:6

To kœb ó, Zyɛm, nye esʉ bɨna ga mocyɛʼ mo mpom é buobuo. Yé ó mpʉ yé ndɨ tila é Kalara Zyɛm ɨ. Yé ó tila ó: «Zyɛm, nye esa bʉr o ndɨ enkɛɛ monyʉl ɨ, mongan. Baa lé efil monyʉl si e nye e, bɛɛ, nye esʉ be mocyɛʼ mo mpom.»

1 Pyɛr 4:11

ǃƗ mʉr si sa ó, nye pyɛl ó mokan nɛʼɛ, yé beʼ yɛɛ maa mé óntɛŋ bʉr mokan mo Zyɛm ɨ. Yé be ó, nye fuʼo ó bʉʉ bʉr nɛʼɛ, nye fuʼa be e nkul Zyɛm nye mʉr tɨʼ a ntɨh nye e. No ó Zyɛm ódwiibɔ é zyɛŋa ga wina boo Yesʉs-Krɨst ɨ. Kum e nkul, byé dweŋɔ nye, njʉmdia e njʉmdia. Amɛn.

1 Korɛnt 7:17

Gʉa baʼle ga yɛɛ sa yi: Yé ejala ó, mʉr nyiwɛh diʼe é cye Da a bɛa cyel nye e. Mʉr mbɨa ó, kœʼ ebò e cyen Zyɛm a bɛa sa ó, nye kœʼœ œ. Motɨɨ maa, mé ó me lé entɛŋ mɨmbɛr mɨ Zyɛm mimyɛh ɛ.

Títos 2:12

Ncwɨncwɨa waa ó ndɨ edib bɨna ga zi egwɨma ebɨh é nko paʼ mo Zyɛm ndwe le ebene bɨgwɨma bɨ nyʉl bɨpuno, é l'efu le ekœʼ ebò e cyen lé ódwe bʉr mɨmpaŋ mɨpɛhla ɛ. Ebò e cyen laa, lé ó cɨcyel, le yaa ndɨ edu mpʉ Zyɛm lé ekpɛl ɨ, dam be é mbi jɔʼ yi.

Títos 2:2

Lɛŋɨ otamabʉr o Mbɛr-Zyɛm ó, bé ajala le efwaʼ monwoʼ. Bé diʼe e modile, lé ekœʼ ebò e cyen é mpaŋ pɨʼ. Bé beʼ baa lé ejyɛʼ taa buʼo yɔɔ boo Zyɛm, du mpʉ mpaŋ sikʉlʉ bɨna lé ejwɨʼ ga ɛ, ndɨ ɨ. Bé diʼe bʉr o ndɨ ecwɨa e bʉʉ bʉr ɨ, e baa ndɨ é bihbe e.

2 Korɛnt 12:7

Zyɛm a bee ó, mpuo mɨfela mɨlɔb nye a gwih me e, nye amu jaa sa ó, me nkɛŋɨ nyʉl. Nye ze gba me mpe esyɛb é nyʉl tʉŋlʉ. Mpe esyɛb waa a be ó mpʉ mwa mɨlʉmlʉ mo Satan, lé eze ŋmɛh me é fuura.

Rôm 11:20

Nɔɔɔ, gɨ kʉ gʉa elɛɛ! Bé a syɛhɔ é lɨ yaa ó, ebe, bé a baabe e buʼo. Bɨn bɛɛ, bé ódi é dia nɨ ebe taa buʼo bɨn lé ejyɛʼ boo Krɨst ɨ. Ankɛɛ ga monyʉl. Sa ndɨ ekʉ jala ɛ, yé ó, bɨn bilɨ ekɛn.

Rôm 1:5

Zyɛm a si lɛʼle me ncwɨncwɨa we le ecyel me é dia lʉmlʉ we ó, dumo e nye é l'efu ó, byʉʉ bɨkul bibyɛh, byé jyɛʼɛ taa buʼo yɔɔ boo nye, le esa nye mojoʼo. Nye a sa me syɛɛla yaa ó, é l'efu le edwe die e Mwan we kum.

1 Pyɛr 1:13

Ebe no, pila ga monkwan. Gbaʼ ga lʉ lé ejwɨʼ lɔɔ waa. Gʉa mɛr ga mɨleme. Mɨleme min, myé beʼ lwɨŋla e mbɛla. Buʼla ga syɛɛla ncwɨncwɨa yé ósaŋɔ bɨn é jɔʼ Yesʉs-Krɨst óbâʼle nyin ɨ.

Títos 2:4

No ó bé ólɛʼle mosehe mo bʉba mpʉ mé kpɛlɨ ojʉm bɔɔ, ndwe e bwan bɔɔ ɛ.

1 Korɛnt 15:10

Dam be no, me ó lʉmlʉ we, ebe mocyɛʼ mo mpom Zyɛm a sʉ me e. Nye a baasʉ me ma, mocyɛʼ mo mpom l'aliʼe bɨdweʼle. Nye a sʉ me ma ó, me nkʉʼ dɨ sea, laa myʉʉ mɨlʉmlʉ mye mimyɛh. (É l'ocyecye, ntʉʼ me lé esea. Mocyɛʼ mo mpom nye a sʉ me e, mé ó ndɨ esa ó, me sea no.

Yʉanes 3:34

Mʉr Zyɛm a lomo e, nye lé entɛŋ ó, mokan mo Zyɛm, ebe, Zyɛm ó lé elomlo nye Mbɨambɨa Sisim, ntinɨ e ntinɨ.

Éfɛsɔs 4:16

Nye ó mʉr ndɨ si syɛŋ bɨna ga bɨbɛh, ó bɨna diʼe ga nyʉl ngwar ɨ. Bɨfum bɨ nyʉl waa, nye edira bye é mobɨl e mɨsihe. Mɨsihe myaa ó ndɨ entɛŋ bɨfum bɨ nyʉl bɨsa ndɨ bye e nyɔm ɨ. Sihe wiwɛh, wé ejala le eze nyʉl é nkɔm, lé edu mpʉ Zyɛm a cye wiha ɛ. Nkul we ó ndɨ esa ó, nyʉl waa gwɨa mbɨmbɨa é jɔʼ bʉr o tɨʼ ndɨ e leme ncwɨncwɨa ɛ.

Lʉkas 18:11

Farizyɛŋ waa ntɔʼ cyɛb, ze taare lé ejwɨʼla é leme we tʉŋlʉ é mbi wi: “Zyoo e Da Zyɛm, ebe, me abe mpʉ bʉʉ bʉr. Baʼ, bé edɛʼ bɨmɔn byoonkan; bʉʉ, bé ekœʼ é l'ozyɛhozyɛh; bʉʉ nteme, osyɛl o bɨmala. Me edwe go ekiba tɨ, ebe, me abe mpʉ nwɨa tœa nwa.

Títos 2:6

Tɨa mɨsoho ó, myé gʉŋa nteme lé ekœʼ ebò e cyen é mpaŋ pɨʼ.

1 Timotɛ 2:15

Nye óbi yɛɛ tiʼ molu mo mpoʼ mɨmɛh é l'ebya nye lé ebya ɛ, nkʉ nye ójyɛʼ taa buʼo ye boo Zyɛm, le ekpɛl bʉr, ndwe le ebaʼle bé bʉr o tɨʼ ti. Bé diʼe e pɨʼ é lɔb waa.

1 Timotɛ 2:9

Me ekpɛl nteme ó, bʉba bwara mompor mompa, lé efol ofwah wɔɔ. Bé diʼe e pɨʼ é lɔb waa. Bé ajala le ebe e mɨsine mɨ jaale, nkʉ e bɨnkoho bɨ gol mɨfwama é mpine, nkʉ e mɨkan le mɨndwe ndɨ é buo tɔɔ ɛ.

1 Timotɛ 1:14

Ebe no ó Tî ga wina a sʉ me mocyɛʼ mo mpom, abe e tolɔɔ ɛ. Nye a si gba me nteme buʼo ndwe e kpɛl é leme. Byé ó, é l'efu e bʉr o ndɨ é zyɛŋa wɔɔ boo Yesʉs-Krɨst ɨ.

Éfɛsɔs 3:4

ǃBɨn si láa kalara nwaʼ nɛʼɛ, bɨn bé ójoʼo sa me mu si gʉa é kpɛhla, tiibe e Krɨst ɨ. Sa yaa, yé é nko paʼ bʉʉ bʉr ó, lwib odim.

2 Korɛnt 12:13

Yáa syɛɛ me a to sea boo myʉʉ mɨmbɛr mɨ Zyɛm, me a be, asea bɨn ye e? Sikʉlʉ gwar me a be, adwe bɨn ɨ, yé a be ó njɨ yaa enkɛɛ mbeʼ modile wam! Duʼo ga me lé esi sa bɨn bebebebe syɛɛla yaa!

1 Korɛnt 3:10

Mocyɛʼ mo mpom mo Zyɛm, mé ó b'a sa ó, me sea mpʉ cyela nkan. Me a si dihbe ecyel nkan. Nuu mʉr nyɛɛ ze sil fumo. Yé ejala ó, mʉr nyiwɛh diʼe ncye é mbi fuma nye lé efumo-fumo e,

Rôm 11:25

Obɨɔ ga bam aa! Me ekpɛl ó, bɨn gʉŋa lwib odim yiʼ é kpɛhla. Bɨn bé amu jwɨʼ ó, bɨn e bɨn ó ndɨ mɨcɨcyoo. Lwib odim yaa, yé ó: bʉʉ bʉr é bwa b'Ɨzraɛl, bé e mɨlʉ ndɨ é bul lele lé ejoʼo e. Mɨlʉ myɔɔ, myé ódi e molele maa ó, to pyal é jɔʼ tolɔɔ obuʼla ndɨ abe oYʉden ɨ, bé ókumo bim Zyɛm a bɛa tiʼe é leme we ó, yé ójala ɛ.

3 Yʉanes 1:9

Me a si tile bʉr o mbɛr Zyɛm ma sɔʼɔ. No ó, anya-evuŋo mo Diotrɛfes, nye amɛʼle lɔɔ me a lɛɛ bɨn tɨʼ ɨ.

Kolosi 2:13

Molu pihe, bɨn bé a be ó mɨmuu é nko paʼ sisim, duho é motie bɨn bé a ntaa ɛ, ndwe e mbi bɨn bé a baateʼle nkul bɨpuno win ɨ. No ó, banana, Zyɛm, nyi sa ó, bɨn e boo Krɨst tiʼa zyɛŋa. Nyi pɛʼ bɨbaa bibyɛh nye a niʼe bɨna é lɔb motie mɨmɛh bɨna bé a ntaa ga ɛ.

Kolosi 1:29

Ebe no ó me lé ejaʼra e syɛɛ yiʼ ɨ. Me ebaran e mɨtuu bɨsyɛɛ ó, é nkul ndɨ eduho boo Krɨst ɨ. Nkul we waa ó ndɨ esea é me tʉŋlʉ.

Éfɛsɔs 3:2

Zê bɨn bé a baasi joʼo mpʉ Zyɛm a sa ó, me diʼe syɛl mosa we e? Nye a si kʉ lɛʼle me ncwɨncwɨa we, me nkʉʼ be bɨn e nyɔm lé eloŋlo jwɨʼ ye.

2 Korɛnt 10:13

É wih paʼ, bɨh bé aŋa doʼo e bɨh bʉr o tɨʼ ntaa njɨ. Bɨh bé ódoʼo ó njɨ e syɛɛ yih. Empomo e syɛɛ Zyɛm a dwe bɨh ɨ, lé a be-be ó, taare wâ, ze kumo gʉʼ bɨn ye.

Filipi 2:13

Ebe, Zyɛm ó ndɨ edwe bɨn gwɨma edu mpaŋ zi waa. Nye nteme ó ndɨ edwe bɨn nkul ó, bɨn kœʼœ tɨʼ mbɨmbɨa.