Rôm 12:2 - Kálara Zyɛ̌m Edwán é mpʉ̌n

² Aka du ga mɨnjwɨr bʉr o mya wiʼ lé ekuhlo e. Yé ejala ó, Zyɛm dweʼ bɨn mɨpɛhla mɨdwan, ó nye dwirɨ bɨn mɨleme. É mbi waa ó bɨn bé ógʉa sa Zyɛm lé egwɨm ɨ, é kpɛhla. Bɨn bé ógʉa sa ndɨ é mbɨa ɛ, ndwe e yaa nye lé emɛʼle e, ka kɛl sa ndɨ mbɨmbɨa é mɨpaʼ mimyɛh ɛ.

Kálar Nzyɛ̌m : Ejwán é Sáá

² Adû gá metum me bʉ̂r ó myǎ wɨ̂. Yé jala ó, Nzyɛ̌m dwêʼ bɨ̌n bijwɨʼ bidwân, ó nye dwírɨɨ bɨ̌n miléme. Nó ó bɨ́n ngá gʉ́ǎ sá Nzyɛ̌m dí ekpɛl yɨ́. Bɨ̌n bé ogʉ́ǎ sá dí ɨ́ mbɨa yɨ́, sá dí ejala e né yɨ́, ndu e yaá dí ɨ́ pémémé ɨ́ mipáʼ mímyɛ̂h yɨ́.

Rôm 12:2 ပူးပေါင်းရင်းမြစ်များ

1 Pyɛr 1:14

Mpʉ bɨn lé ebɛa sa-sa Zyɛm mojoʼo e, adu ga bɨbebebebe bɨgwɨma bɨn bé a taare be-be e bye é jɔʼ bɨn bé a be, agʉa Zyɛm ɨ.

2 Korɛnt 5:17

Yé be ó, nuu mʉr, nye ó é zyɛŋa wɔɔ boo Krɨst cyecye nɛʼɛ, lɛɛ ó, nye mu ó edwan e cyea sɔʼɔ. Mɨnjʉ̌m bɨsɔʼɔ mimyɛh, mi laa; bɨsa bibyɛh mu ó, njɨ modwan e modwan.

Kolosi 3:10

Bɨn bɨ bwar mɨkan modwan: nyʉl dwan ndɨ edwanba é ngwɨa ocyecye e. Nyʉl dwan waa, nye edu dweʼle mo Zyɛm Kwihbʉr.

Éfɛsɔs 5:17

Ebe no, adimle ga pɨʼ. Saŋa ga ó, bɨn saʼ bɨsyɛɛla Da Yesʉs a gwɨm é leme we ó, bɨn saʼ ɛ.

1 Pyɛr 4:2

Mbi mʉr waa, wé óka tiʼe-tiʼe é si nwaʼ ó, njɨ lé eloŋlo gwɨma mo Zyɛm. É jɔʼ nye dina mʉr si nwaʼ ɛ, nye ákwoʼ ka loŋlo bɨgwɨma bɨ nyʉl bɨpuno.

Rôm 12:1

No ó, obɨɔ ga bam, me ejwɨʼla e bɨn é nkoo Zyɛm a jwɨʼ bɨna ga ɛ, ó bɨn timla nye monyʉl mɨn ntinɨ e ntinɨ, ebe, monyʉl mɨn, mé ó sa bɨn lé ejala le edwe nye tɔɔ mɨkubla motwina ndɨ ti é mih me e. Nye óbee bɨtiʼ bin byaa mbɨmbɨa. É jɔʼ bɨn bé ósa no e, bɨn bé ódwiibɨ nye é mbi nye ógwɨm ɨ, é mɨsisim min.

Yʉanes 15:19

Nkʉ bɨn bé a be ó be, be bʉr o si nwaʼ nɛʼɛ, mpa bʉr o si nwa, bé a be ó si kʉ kpɛl bɨn, bʉr o ndɨ egumo e be e. To kœb ó, me a be ó si pɛh bɨn, pɛʼ bɨn é nkɔm bʉr o si nwa, gba bɨn é nkɔm wam. Ebe no ó bʉr o si nwaʼ mu si nwim bɨn ɨ.

Rôm 13:14

Diʼe ga é zyɛŋa win boo Da Yesʉs-Krɨst. Bwara ga nye mpʉ kan. Acen ga mɨleme min é nko paʼ bɨsyɛɛla nyʉl bɨpuno win lé egwɨm sa ɛ.

Títos 3:5

Nye a dwe bɨna ga tiʼ molu mo mpoʼ mɨmɛh ó, é zi njwɨʼa-nkoo we. Nye a baadwe bɨna ga nkɔb tiʼ yaa é lɔb mɨmpaŋ bɨsyɛɛla bɨna bé a dɨ sa é l'ocɨcyel ga wina ɛ. Yé a be ó, ebe puba nye a pubo bɨna ga cwɨɨ é Sisim we e. Wé ó b'a sa ó, bɨna byɛlɨ ga mbyɛla edwan, le esa ó, bɨna beʼ modwan mo bʉr. Nye a si ntɨh bɨna Sisim we é ntuʼ-ntu-ntuʼ, dumo e Tiʼbʉr ga wina Yesʉs-Krɨst.

Jacques 4:4

Odul be ozyɛm ofih ba! Zê bɨn bé apa gʉa ó, é jɔʼ bɨn lé etia efo e si nwaʼ ɛ, bɨn mu ó lé elɛʼle Zyɛm ó, bɨn bɨ tumo nye koo ɛ? ǃBɨn si nʉa tiʼa é leme win ó, bɨn bé ótia efo e si nwaʼ nɛʼɛ, yé elɛʼle ó, bɨn bɨ lihba bʉr o dɔm mo Zyɛm.

2 Korɛnt 4:4

Bʉr o ndɨ abuʼla ɛ, bé abe e pɨʼ ndɨ ó, bé joʼa lɔɔ wih, ntɔʼ buʼla we, ebe, Njwɨɨ mbi jɔʼ yiʼ a si dimle be pɨʼ. Nye esa no ó, nye kamla be lé ebee mɨmbah lé epan, duho é moncɛnba mo Krɨst ɨ. Nye ebene ó, bé amu bee moncɛnba maa é zi Mbɨambɨa Lɔɔ mo Yesʉs, bé ntɔʼ gʉa ó, Yesʉs ó ndɨ bana kʉ be gulo mo Zyɛm.

Yʉanes 17:14

Me a si ntɛŋ ompʉn bam lwib yo. Bʉr o si nwa, bé ze nwim be, ebe, ompʉn bam baa, bé aka be é nkɔb wɔɔ, mpʉ mɛm mʉr tɨʼ ndɨ abe é nkɔb wɔɔ ɛ.

2 Pyɛr 1:4

Ebe no, bɨna mu ó si bi ga monkɛʼ ndɨ é buo dime e. É jɔʼ bɨna lé ebuʼla ga monkɛʼ me e, bɨna bé esyɛhle ga bɨbol mofulu bʉr o si nwaʼ ndɨ e bye, duho é bɨgwɨma byɔɔ ɛ. É zi waa ó bɨna lé ekœʼ ga ebò e cyen ndɨ elɛʼle njwɨr mo Zyɛm nye mʉr tɨʼ ɨ.

Jacques 1:27

Mpaŋ buʼo ndɨ é ncyɛh-ncyɛh é mih mo Zyɛm Sɔŋ ɨ, yé ó, mʉr toʼ le egul bwɔɔnul ndwe e mɨkuho mɨ bʉba, bʉr o ndɨ é mɨtuu ɨ, sa nteme okan é mbi nyɛɛ lé etiʼe e, ebe, bɨsa bɨ jobo yi, byé amu jaa go nye é nyʉl mpʉ mobar.

1 Yʉanes 3:13

Obɨɔ ga bam aa! Yé be ó, bʉr o si nwa, bé enwim bɨn nɛʼɛ, atwɨra ga.

1 Tesalonika 4:3

Ebe, sa Zyɛm lé egwɨm e bɨn ɨ, yé ó bɨn diʼe mɨsaŋ mɨ bʉr. Ebe no, mbuʼla nyiwɛh, nye ejala le edi é l'ecyooŋʉ, lé esyɛhle lɔb esa bɨmala e mɨfyɛba.

1 Yʉanes 5:19

Bɨna bé egʉa ga ó, bɨna ga bé ó, bwan mo Zyɛm. Bʉr o si nwaʼ nyiwɛh bɛɛ, bé ejaʼra ó e mpel mo Bɨbla-mʉr.

Éfɛsɔs 1:18

Nye bɛŋɨ bɨn mih, maa ndɨ bɨn é mɨleme tʉŋlʉ ɨ, ó bɨn biʼe mbɛla ɨ mɨleme é l'efu e motʉm Zyɛm lé ekomo baa nye a jebe e. Bɨn gʉŋa nteme tiʼ molu mo mpoʼ mɨmɛh bɨn bé óbi, jala e mopoʼ min ɨ. Nye ekomo mopoʼ monɨ ó, é l'efu le edwe mɨsaŋ mɨ bʉr be.

2 Pyɛr 2:20

ǃƗ mʉr si gʉa Tî ga wina le Tiʼbʉr ga wina Yesʉs-Krɨst, le esyɛhle bɨbol bɨ si nwaʼ nɛʼɛ, ǃnye si bâʼle kʉ bir pie tɨʼ ó, ebebe laa, lé bâʼla mara nye wa, tiʼ ye, yé óka bebe, ntaa njɨ, laa mpʉ yé a taare be e,

Éfɛsɔs 2:2

Bɨn bé a taare kœʼ ó, njɨ ebò e cyen le ebebe laa, jwɨʼ gwar e gwar e bʉr o mbi jɔʼ yiʼ bɨbɛh. Bɨn bé a tiʼe no ó, lé edu motɨɨ mo njwɨɨ mbi jɔʼ yi, waa ndɨ cyela é dia taʼa ye paʼra jobo e l'ejyoo le ebantɛn ɨ. Sisim waa ó lé ecyɛb bʉr é mɨleme é banana, baa lé esa Zyɛm ebɨh ɨ...

Galásia 1:4

Yesʉs-Krɨst nye mʉr tɨʼ a si dwè, jala e mɨsyem ga mina. Nye a sa no ó, nye nkʉʼ syɛb bɨna ga é mbi jɔʼ yi, yaa ndɨ é bul bebe e. Yesʉs a sa no ó, mpʉ Zyɛm Sɔŋ ga wina a gwɨm ɨ.

1 Korɛnt 3:19

ebe, ocyoo o mbi jɔʼ yi, wé ó ogʉ é mih mo Zyɛm. Bɨna bé egʉa ga no, ebe, yé ó tila é Kalara Zyɛm ó: «Zyɛm, nye elam mɨcɨcyoo ó, é zi ocyoo wɔɔ.»

Rôm 7:22

Gwɨma, yé eduho me é mo si ó, me duʼo motie mo Zyɛm.

Yʉanes 7:7

Bʉr o ndɨ egumo e si nwaʼ ɛ, bé abe e nkul enwim bɨn. Bé nwim ó me ome, ebe, me enwahle bɨsyɛɛla bɨ ebebe bé lé esa ɛ.

Mɨngwiha 13:8

No ó, odil o si nwaʼ bɨbɛh, bé ódwiibɨ tir waa, pɛʼ njɨ baa Zyɛm a bɛa tile mie mɔɔ é kalara tiʼ we e. Kalara waa a bɛa be tila ó, duho é l'etɛɛrɨ e si nwaʼ ɛ. Nye ó é mobo mo Ma Ntœme bé a bɛa jʉ ɨ.

1 Pyɛr 2:3

ebe, «Bɨn mu ó lé egʉa Da, gʉa nteme ó, nye é mbɨa.»

Rôm 7:12

To kœb ó, motie, mé ó sa ndɨ ti ɨ. Mɨtiila mo Zyɛm, myé ó sa ndɨ ti ɨ. Myé nteme, myé ó cɨcyel le mbɨmbɨa.

Kolosi 4:12

Epafras, mʉr a duho bɨn ye e, nye esoho bɨn. Nye ó kʉ be syɛl mosa mo Yesʉs-Krɨst. Nye esa Zyɛm mɨnjwɨʼla é jɔʼ yiyɛh é l'efu lɨn ó, bɨn kuma é l'ombɨmbɨa é mɨpaʼ mimyɛh, bɨn mu si gʉa bɨsyɛɛla Zyɛm lé egwɨm ɨ.

1 Pyɛr 1:18

Zyɛm a baakʉr bɨn ebe ziila e bɨsa ndɨ eto le edimle odime wɔɔ ɛ, mpʉ nkoho mɔn nkʉ gol. Bɨn bé a kʉrɔ ó, é jɔʼ nye a dwih bɨn é baambɛhambɛha motum bɨmpam bin, byé a du-du ɨ.

Yʉanes 14:30

Me aŋa ka bâʼle bul lwib e bɨn, ebe, “njwɨɨ mbi jɔʼ yi”, nye mu ó lé eze. Nye abe e nkul ejwɨɨ yɛɛ e mɛm.

Rôm 7:14

Bɨna bé egʉa ga ó, motie, mé ó sa lé eze bɨna ga e sikʉlʉ ndɨ ejala e Mbɨambɨa Sisim ɨ. No ó, tiʼ yam yɛɛ, yé eduho ó, njɨ é nyʉl bɨpuno. No ó me a ka liʼ e sɔʼɔ ó, njɨ dia olʉa mo Syem.

Mataos 13:22

Nuu nteme, nye enwɨɨla ó e mpœʼ yé a kur é mɨndwinʉ ɨ. Nye a si kʉ joʼo lɔɔ Zyɛm. Sa gwar, mɨtuu mɨ mbi jɔʼ yiʼ ndwe e gwɨma okum e l'ogbaa, byé a si dimle nye, ntɔʼ kaʼ lɔɔ Zyɛm, wé l'aka johlo.

Markus 4:19

Sa gwar, mɨtuu mɨ mbi jɔʼ yiʼ ndwe e gwɨma okum e l'ogbaa, byé a si dimle be. Bé ebul cyèl mɨleme kʉ é l'ebi e bɨsa bɨ jobo yi. Bɨsa byaa ntɔʼ kaʼ lɔɔ Zyɛm, wé l'aka johlo.

Kolosi 1:9

Ebe no ó bɨh dina lé ejwɨʼla e Zyɛm é l'efu lɨn, agwaʼ ɛ. Taare é jɔʼ bɨh bé a joʼo be lé elwib, tiibe e bɨn ɨ, ze pyal é muh é dobo lɨ, bɨh bé esa Zyɛm mɨnjwɨʼla, ó nye loŋla bɨn pɨʼ ndɨ ó, bɨn gʉŋa bɨgwɨma bɨ leme we. Nye dweʼ bɨn ocyoo wiwɛh, le esa ó, bɨn gʉŋa mɨlɔb Mbɨambɨa Sisim lé eyeʼle e.