Rôm 12:10 - Kálara Zyɛ̌m Edwán é mpʉ̌n

¹⁰ Kpɛla ga paʼra win mpʉ mɨɔ e mɨɔ lé ejala le ekpɛla ɛ. Dwaaba ga bʉʉ bʉr é l'esama lɨn.

Kálar Nzyɛ̌m : Ejwán é Sáá

¹⁰ Kpɛlaa gá páʼ nyɨ́n mpʉ bɨ́ɔɔ́ e bɨ́ɔɔ́ jálá le ekpɛla yɨ́. Diʼee gá le ánɨ̂nɨ̂n dúu páʼ nyɨ́n!

Rôm 12:10 ပူးပေါင်းရင်းမြစ်များ

Filipi 2:3

Asa ga zyee lé efuo bɨdia paʼ win. Ankɛɛ ga monyʉl. Mʉr nyiwɛh, nye dweʼ bʉʉ bʉr duu, laa mpʉ nye lé ebee nye mʉr tɨʼ ɨ.

Ebrœ̂ 13:1

Kpɛl obuʼla, yé toʼ dolo lé egwɨe.

1 Yʉanes 4:11

Obɨɔ o kpɛl bam aa! Yé be ó Zyɛm, nyi kpɛl bɨna ga bim yaa nɛʼɛ, lɛɛ ó, bɨna bé ejala le ekpɛla ga paʼra ga wina.

1 Pyɛr 1:22

Njoʼa bɨn bé a joʼo ocyecye e, wi pubo bɨn é nko paʼ mɨsyem min ndwe le elɛʼle bɨn mpʉ bɨn lé ejala le ekpɛla paʼra win ɨ. Yé ó mpaŋ kpɛl: kpɛl lé eduho é mɨmo si ɨ.

1 Pyɛr 2:17

Dwaaba ga bʉr bɨbɛh. Kpɛlɨ ga obuʼla o Mbɛr-Zyɛm. Dwaaba ga Zyɛm. Dwaaba ga mʉr lal ga wina kɛɛza.

1 Tesalonika 4:9

É lɔb kpɛl ndɨ paʼra obuʼla ɛ, yé abe e sa me gum ka tile bɨn, ebe, Zyɛm, nyi bɛa dwe bɨn sikʉlʉ tɨʼ é lɔb waa.

Galásia 5:13

Obɨɔ ga bam aa! Zyɛm a jebe bɨn ó, bɨn diʼe é dia otî. É dia otî yin yaa, amɛʼle ga ó, bɨn saʼ bɨsyɛɛla bɨ ebebe nyʉl bɨpuno ga wina lé egwɨm ɨ. Kpɛla ga. Sea ga nteme paʼra win.

Galásia 5:22

Sa gwar, Mbɨambɨa Sisim, nye e bɨsyɛɛla nye lé esa e bɨna ga ɛ. Mpumo lé egumo é zi mo Mbɨambɨa Sisim ɨ, nye ó: kpɛl, bɨsʉhʉ, motala, bihbe, njwɨʼa-nkoo, ncwɨncwɨa, edira monkɛʼ,

1 Yʉanes 4:20

Yé be ó, mʉr, nye elɛɛ ó: «Me ekpɛl Zyɛm,» nyɛɛ yɛɛ lé enwim mɨɔ we nɛʼɛ, lɛɛ ó, nye ó kʉ be mpʉmpʉl, ebe, mʉr ndɨ akpɛl mɨɔ we, mʉr nye lé ebee e, nye abe e nkul ekpɛl Zyɛm, waa nye ndɨ abee e.

2 Pyɛr 1:7

É l'edwaabe Zyɛm, kɛlɨ ga efo paʼra obɨɔ e l'obɨɔ. É l'efo paʼra obɨɔ e l'obɨɔ, kɛlɨ ga kpɛl.

1 Pyɛr 5:5

Bɨn mɨsoho, yé ejala ó, bɨn filɨ monyʉl si é mih mo otamabʉr. Bɨn bɨbɛh, filɨ ga monyʉl si paʼra win, ebe, yé ó tila ó: «Zyɛm, nye esa bʉr o ndɨ enkɛɛ monyʉl mɔɔ ɛ, mongan. Baa ndɨ efil monyʉl si ɨ, bɛɛ ó ndɨ esʉŋɔ mocyɛʼ mo mpom.»

Yʉanes 15:17

Etie me lé etiile bɨn ɨ, lé ó, bɨn kpɛla paʼra win.»

Rôm 13:7

Jɛna ga bʉr bɨbɛh mompɔla bɨn ndɨ be e ma ɛ. Jɛna ga otœa boo bʉr o ndɨ ebɛma be e. Dwaaba ga baa lé ejala e duu ɨ. Seʼla ga baa lé ejala e moseʼla ɛ.

Mɨlʉmlʉ 4:32

Obuʼla bɨbɛh, bé a be ó leme ngwar ndwe e sisim ngwar. Abe e mʉr ngwar é sama yɔɔ a be e nkul elɛɛ ó, bɨsa bye, byé a kʉ gumo ó njɨ e nye mʉr tɨ, agumo nteme e bʉʉ bʉr. Paʼ wɔɔ, sa yiyɛh, yé a baʼlɔ-baʼlɔ ó zyɛŋa.

Lʉkas 14:10

No ó, é jɔʼ go to di é dina ɛ, go à nʉa dia ndɨ ká pihe e, ebe, yé ó e nkul epyal go ó, cyela dina óze lɛɛ e go ó: “Fo wam, agum di wâ. Ncʉʼ, me lɛʼla go mpaŋ dia yo kaʼ dolo.” Yé ósa ó, go biʼe mpaŋ kum é mih mo bʉr o nwan yo lé ede mode maa ɛ.

Mataos 20:26

Sa gwar, mbi syɛɛla wɔɔ nɨ, wé ajala le enyin é paʼ win. ǃƗ mʉr ngwar é l'esama lɨn si kpɛl nyin mʉr nɨnɨ nɛʼɛ, nye diʼe syɛl mosa win.

2 Tesalonika 1:3

Obɨɔ ga bam aa! Bɨh bé ejala le edwe Zyɛm ekiba é bɨjɔʼ bibyɛh é lɔb win. Yé ekʉ jala nteme no, ebe, bɨn bé eto le ejyɛʼ taa buʼo boo Zyɛm. Kpɛl bɨn lé ekpɛl bʉr ɨ, yé ebwaʼ ó bwaʼa.

Kolosi 1:4

Bɨh bé a si joʼo lɔɔ é lʉ win, é mpʉ bɨn lé ejyɛʼ taa buʼo yin boo Yesʉs-Krɨst ɨ, e mbi bɨn lé ekpɛl mɨsaŋ mɨ bʉr mo Zyɛm mimyɛh ɛ.

Galásia 5:6

Yé be ó, mʉr fih mʉr kɛ̀l, nyi di é zyɛŋa wɔɔ boo Yesʉs-Krɨst nɛʼɛ, lɛɛ ó, esaŋɔ mpʉn, lé aŋa ka be nye e nyɔm. Yé nteme, yé aŋa ntɨʼ, nkʉ nye óbe, l'asaŋɔ nye. Sa ndɨ nye e nyɔm ɨ, yé ó mbi buʼo lé enyin é bɨsyɛɛla bɨ ncwɨncwɨa ɛ.

Yʉanes 17:21

Da, me ejwɨʼla e go ó, bɨbɛh, bé diʼe sa gwar. Bé diʼe é zyɛŋa wina, mpʉ go ndɨ ɨ me, mɛm ɨ go e. No ó bʉr bɨbɛh, bé óka buʼla ó, go ó b'a lomo me e.